عزيز وغالي
عضو بلاتيني
مدفوع الاجر مثلك مشاركاتك ماوصلت 20 وكلها دفاع عن ناصر المري؟؟
انا محاسب عند الله على كلامي واقسم بالله انه واحد مري هو الي قال انه كان يشتري ومابي ادخل في امور فرعيه معاك وهالكلام كان بالانتخابات الي فاتت
الاخ ناصرعقليه اقتصاديه مافيها اختلاف بالكلام ولكن توجهه السياسي يعيبه فهو محسوب على الخرافي انت اقنعني المره مايوصلون 2500 صوت والعجمان كانو منزلين اربع والتزام بينهم
خلنا نقول اخذ منهم 1500 بالكثير يعني 4000 وخلنا نقول بدل فيهم وجاه من التبديل 2500 صوت
يعني 6500 اقنعني من وين جاب 4000 الاف انا اقولك الله يخلي تحالفه مع الجلال والكندري
وكله تحالف شراء وزيد على هذا التصويت الالكتروني وبلاويه
بس بيني وبينك الانتخابات الجايه بتشووف رقمه وبتعرف حجمه عدل
اخوي المتفائلون انت شاط عمرك وحاط ناصر المري نصل بين عيونك
وسنرد عليك بالمنطق والعقل والاقناع السهل الممتنع
وعلشان ما يكون لك حجه باني جديد ارجو النظر لتاريخ تسجيلي ومشاركاتي
بدون اديان واقسام خلنا نتكلم بعقل
المري ان صدقت انه اصلا مري قالك انه اشتري المفروض منك قلت له ابي شخص واحد من الي اشتري اصواتهم
وخله يقسم لك بالله انه اشتري صوته
وانا اقسم لك بالله ان اجعل ناصر المري نصل واتهمه بالخيانه وانه له اهداف ومأرب
ولكن توزيع التهم جزافا وفلان قال وعلان قال نبي شي ملموس حتي ندين الرجل
اول خاف ربك يا مسلم ترا الظليمه شينه وترجع عليك بيوم من الايام
والقهر شين يا ولد العم ضيقة بالصدر وتعب نفسي ومهانه
ومسالة انه محسوب علي الخرافي انتهت علاقته بشركة الخرافي من سنة 2008
وكيف تحكم علي توجهه السياسي وانه معيب وهو اصلا ما دخل البرلمان
الا ان كنت تضرب الودع وتعلم الغيب
بالنسبه للارقام قالها غيرك بالانتخابات الماضيه ما راح يتعدي 1000 صوت بالكثير
ولكن الصدمه افقدت البعض وعيه 11.500 شي مو طبيعي ما الومك والله
وانا ابشرك ان شاء الله بالانتخابات الجايه نفس الرقم او اعلي
وقول الي تقوله شراء تبديل ترفيع تنزيل
كلام بدون دليل مردود عليك وسلم علي الي طرشك
وقله ترا دخول الحمام مو مثل خروجه
العاقل له رد عندنا والسفيه له رد والي بقلبه مرض يروح يشرب ماء البحر
لان القهر والحسد والحقد لا علاج له
فقد اعيا صاحبه واتعبه نفسيا ويهذي بما لا يفقهه
اخي بالمقابله غاده رزوقي وسعاد الطراروه كلوه اكل يحمد ربه انه معاه الدكتور شفيق الغبرا
فقد حجم هالعنصريتين الي يتطنزون على الدائره الرابعه والخامسه وقالهم انا اعرف النظره المتعاليه عندكم وسكتهم بالحجه وبالكلام المقنع
والمري كلمتين مايعرف يسولف فيهم
هههههه حلوة ما يعرف كلمتين علي بعض
الظاهر انت تشوف مقطع وتطوف مقاطع
انصحك تشوف اللقاء مره ثانيه وتركز عدل
وانصحك ايضا تتابع لقاءه البارح بقناة اليوم
عسي الله يصلحك ردودك مضحكه وفي نفس الوقت مسليه
تذكرني بكارجو