مذكرات " كادود وانيت سكراب " ,, !!

[Way one]

هالأيام هي بداية موسم المخيمات ..

ويالله من فضلك .. هالمخيمات تارسه هالبران ( جمع : بر " أي صحراء )


ومحسوبك عزيزي القارئ الكريم .. له في كل عرس قرص

كنت في الطريق , وإذا بتلك السياره التي يأشر علي سائقها بالوقوف !

وقفت وقبل أن أنزل .. نزل سائق السياره .. " سائق آسيوي " ..

هو : تعال ماما يبي أنت في سياره

أنا .. حاضر ,, بس وين ماما

هو : ماما داخل سياره ..

( وإذا بتلك العجوز ذات الوجه السمح )

أنا .. السلام عليكم .. شلونج عمتي .. آمري

هي : عليكم السلام ياولدي .. أنت أهوازي ؟!!!!!!

أنا .. لا .. عمتي أنا كويتي , تحت أمرج آمري تدللي

هي : " بإبتسامه يظهر من ملامحها الإستغراب " .. كويتي كادود وانيت ؟!!!!!

أنا .. " وأنا أبتسم " ... أي عمتي شفيها ... أترزق الله منج ومن الطيبين

هي : " أخذت شكل الجديه بالكلام " .. ونعم فيك .. الله يرزقك من فضله ياولدي ..

إحنا عندنا أغراض قليله بنوديها المخيم .. شرايك توديهن المخيم وأبشر بالكروه اللي

تطيب خاطرك ..

أنا .. " وبإبتسامه شاقه وجهي " مشكوره عمتي وإبشري بللي يودي أغراضج ,,

ولاتحاتين البيزات ..


فقالت .. خلاص ياولدي ألحقنا .. الحين تعال معانا , وأخذ الاغراض . ونعطيك وصف

مكان المخيم .. فقلت أنا .. أفا عليج .. حاضر ..


وصلنا البيت ,, حملت الأغراض .. وهي على أية حال ليست بتلك الأغراض الكثيره ..

لكن وين الحجي .. وين القمنده ؟ .. " أي أين السر ؟ "

السالفه ومافيها .. إني في حالة إنجذاب فوري للجمال الباذخ , وللحلاوه والرهش

الكويتي الطازج !!!

كيف ؟

لما وصلنا البيت , رجعت الوانيت , حتى يكون البدي " صندوق التحميل " .. مواجه

لباب البخار " الكراج "

..... لما نزلت من السياره .. وإذا بإبنة العجوز ( كما علمت بعدها ) هي من

يتولى تنبيهي إلى الأغراض و رؤية مكانهن ..

.............. بس بصراحه . ياهي حلوه !!

رهش .. يمشي على الأرض ,,

أووووه .. تدودهت

وكانت مستغربه شلون كويتي يشتغل كادود وانيت

وكانت تعطف علي حيل وتعاملني بطيبه وإحترام

لكن , " وجه الفقر يستحي من الغناه "

أهي تأشر على الأغراض , أنا طايح من طولي , أحس إني متدوده ( صج لاقالوا ..

انا وين وهالمكده وين )

وكأنها شعرت بإنجذابي نحوها .. نزلت عينها .. ومن ثم خاطبتني :

شفيك أخوي ماتنتبه ؟

أنا .. وبإرتباك .. منتبه معاج .. أفا عليج بس ( طبعا" والله لاني منتبه ولاهم

ينتبهون )

أشيل الأغراض بعين , والعين الأخرى أسترق النظر إليها " ياهي حلوه "

المهم .. عملت حيله خبيثه , عشان أطول أكثر وقت ممكن .. , كنت يعني إني

أرتب الأغراض بالوانيت , وكما قلت سابقا" .. بعين وحده بس

راحت .. وأحضرت لي قدح من الماء ( حلوه قدح هاه )

وأتذكر مفرج بن همام في بساط الفقر , لما قال " أشرب من عينيك ام من

ناظريك "

واقع الأمر .. إنها شعرت بي , وبنظراتي البريئه ( نظراتي بريئه صح ؟ )

ضحكت .. وقالت الله يمسي شفايفها الممتلئه بالعسل ..

وبغنج واضح : ديربالك ياراعي الوانيت , ترى أطوف من طيبي , وإلا تراك مكشوف !

أنا .. صراحه , فراوله مدهونه بعسل , وتمشي على القاع

هي : وتضع يدها الرقيقه على فهما المعسول . وميته من الضحك .. شتقول ؟ لا أحد

يسمعك أيا الكادود اللي مو هين , من صجك أنت ؟

أنا .. " وأعض شفتي السفلى " وانا أضحك .. إي والله من صجي .. شرايج تروحين

معاي المخيم ؟

هي : ويزداد ضحكها .. قم قم يالكادود . والله ماتنعطى وجه , خذ هالأغراض و

روح ..

أنا .. ضاحكا" .. وكروتي ؟ ( أي وفلوس التوصيل )

هي : ميته من الضحك .. أنت خليت فيها كروه , أول مره اشوف كادود مغازلجي

...............

المهم , ذهبت وهي تكاد تسقط على الأرض من الضحك اللي فيها .. ووصلتني

الفلوس من الخادمه ..

ذهلت من المبلغ .. صراحه ماقصرت العجوز .. أعطتني فوق حقي أضعاف مضاعفه ..

أعطتني 30 دينار .. يعني 100 دولار .. يعني 400ريال تقريبا

حاولت إرجاع حتى نصف المبلغ .. لكن العجوز الكريمه .. أصرت بل وحلفت علي ..

ماذا أفعل .. ماذا أفعل ؟

ثم تذكرت إن في الجمعيه القريبه , محل حلويات راقي " سابليه "

ذهبت على هالوانيت السكراب لمحل الحلويات ..

وإشتريت صينية كيك فاخره ب 12 دينار ,, ومن ثم رجعت لبيت العجوز .. وضغطت على الجرس

وإذا بالخادمه تطلع لي ..

أنا .. ودي هذا صينيه حق ماما .. قولي هديه من كادود وانيت !! _( هل أكون

صادقا" إن قلت إني لا أستقصد البنت الحلوه ؟ )

إستغربت الخادمه , وأخذت الصينيه .. ويا .... " صبحا هاتي الصينيه "


( طبعا رقم تلفوني عند العجوز )

بالطبع .. أكملت مشواري للمخيم لكي أوصل الاغراض ..

إتصلت العجوز علي هاتفيا" ( كما أنا توقعت )

هي : ليش ياوليدي هالتكلفه .. كلفت على نفسك وايد

أنا .. أبد ياعمتي .. كله من خيرج .. وأنتي عطيتيني كروه فوق حقي .. فقلت أرد

التحيه بمثلها .. ( لاشك إن النابر للبنت .. أقصد إن البنت هي المقصوده ,

والعجوز على نياتها )


نطرت يوم ..

يومين ..

ثلاثه ..

اسبوع ..


ما إتصلت البنت


لا والله إلا كدينا خير .......... !!!





...

 

[أم فواز]

( وإذا بتلك العجوز ذات الوجه السمح )

..... لما نزلت من السياره .. وإذا بإبنة العجوز ( كما علمت بعدها ) هي من

يتولى تنبيهي إلى الأغراض و رؤية مكانهن ..

يعني البنت اكيد صغيرة بالعمر .. يعني ما يتعدي عمرها عن خمسه وعشرين او سبعه وعشرين صح ؟
شلون تقول عن امها عجووووز

لا لا .. ترى يزعلون منك بعض الناس
هههههههههه

بس خوش كادود والله .. بتاع كله .. توصل وتخز وتغازل .. لا و سنع بعد .. تشتري حلويات
يمه منكم ..
زين نبهتنا من الكواديد ( جمع كادود )

يعطيك العافيه على هالموقف الظريف :وردة:​

 

[Way one]

يعني البنت اكيد صغيرة بالعمر .. يعني ما يتعدي عمرها عن خمسه وعشرين او سبعه وعشرين صح ؟

شلون تقول عن امها عجووووز ​

لا لا .. ترى يزعلون منك بعض الناس
هههههههههه​

بس خوش كادود والله .. بتاع كله .. توصل وتخز وتغازل .. لا و سنع بعد .. تشتري حلويات
يمه منكم ..
زين نبهتنا من الكواديد ( جمع كادود ) ​

يعطيك العافيه على هالموقف الظريف :وردة:​

هههههه

لا أختي العزيزه أم فواز .. البنت الله يستر عليها عمرها حوالين التسعتعش أو العشرين ...

لما قلت عن أمها وجهها سمح كنت اقصد , طيبها ولينها , وكنت بعيدا" عن الشكل الخارجي

من اللي تقصدين إنهم يزعلون ؟. اللي يزعل يبشر بالرضاوه

شكرا" على الإشاده بي ك كادود , وهي وسام على صدور الكواديد كلهم

شفتي شلون , كادود سنع .. أجيب حلويات للعبريه

......


والله سعدت بحضورج الرائع والممتع أختي العزيزه أم فواز ..


وتشرفت حروفي بكلماتك الرائعه ..


يامرحبا" والله ..





...

 

[أم فواز]

لا محد بيزعل ياخوي مع الله .. كان مزح

لي الشرف في المتابعه :وردة:​

 

[Way one]

لا محد بيزعل ياخوي مع الله .. كان مزح ​

لي الشرف في المتابعه :وردة:​

أبد , أخذي راحتج في محلج يا أم فواز

... اللي مثلج يزيدني بالخير ,, ويشرف المحل ..


.. وأنا اللي اتشرف والله بمتابعتج أختي العزيزه ..




ياهلا ,,



...

 

[أبوطلال]

راحت .. وأحضرت لي قدح من الماء ( حلوه قدح هاه )​

وأتذكر مفرج بن همام في بساط الفقر , لما قال " أشرب من عينيك ام من​

ناظريك "​

واقع الأمر .. إنها شعرت بي , وبنظراتي البريئه ( نظراتي بريئه صح ؟ )​

ضحكت .. وقالت الله يمسي شفايفها الممتلئه بالعسل .. ​

وبغنج واضح : ديربالك ياراعي الوانيت , ترى أطوف من طيبي , وإلا تراك مكشوف !​

أنا .. صراحه , فراوله مدهونه بعسل , وتمشي على القاع ​

هي : وتضع يدها الرقيقه على فهما المعسول . وميته من الضحك .. شتقول ؟ لا أحد​

يسمعك أيا الكادود اللي مو هين , من صجك أنت ؟​

أنا .. " وأعض شفتي السفلى " وانا أضحك .. إي والله من صجي .. شرايج تروحين​

معاي المخيم ؟​

هي : ويزداد ضحكها .. قم قم يالكادود . والله ماتنعطى وجه , خذ هالأغراض و​

روح ..​

أنا .. ضاحكا" .. وكروتي ؟ ( أي وفلوس التوصيل )​

هي : ميته من الضحك .. أنت خليت فيها كروه , أول مره اشوف كادود مغازلجي​

.........​

...

والله طلعت منت هين يامع الله ..​

عيل السالفة جذيه ..!! يبيلنا وانيت ومكدة ..:إستحسان:

استاذى العزيز مع الله ...قريبا اطلع تقاعد وبصراحة كنت مقرر افتح مكتب محاماة

ولكن بعد خدمة 27 سنة مع القانون الغثيث لاعت جبدى من شى اسمه قانون
دام السالفة جذيه وبربسة وحموضة وشفايف مليئة بالعسل
لن اعمل محامى وساكون كادود وانيت ابرك ...:إستحسان:
لابد ان ادخل( دورة كادود تدريبية) عندك لمدة معينة ..
وماهى مؤهلات كادود الوانيت والشروط المطلوبة التى تؤهلنى
واتمنى ارشادى الى افضل طرق المكدة ...
للحصول على هكذا زبائن
شفايفهم ممتلئة بالعسل ..مو بالدبس ..الدبس طايح بجبدى ​

تحياتى وشكرا مقدما :وردة:​

 

[خجـل]

بصراحه طريقه سردك للمواقف اللي تصادفك بالوانيت جميله جدا ..​

تعيشنا الموقف جد ..​

ممتنه لك قضيت وقت ممتع هنا ..​

:وردة:​

 

[Way one]

والله طلعت منت هين يامع الله ..​

عيل السالفة جذيه ..!! يبيلنا وانيت ومكدة ..:إستحسان:​

استاذى العزيز مع الله ...قريبا اطلع تقاعد وبصراحة كنت مقرر افتح مكتب محاماة​

ولكن بعد خدمة 27 سنة مع القانون الغثيث لاعت جبدى من شى اسمه قانون

دام السالفة جذيه وبربسة وحموضة وشفايف مليئة بالعسل

لن اعمل محامى وساكون كادود وانيت ابرك ...:إستحسان:
لابد ان ادخل( دورة كادود تدريبية) عندك لمدة معينة ..
وماهى مؤهلات كادود الوانيت والشروط المطلوبة التى تؤهلنى
واتمنى ارشادى الى افل طرق المكدة للحصول على هكذا زبائن
شفايفهم ممتلئة بالعسل ..مو بالدبس ..الدبس طايح بجبدى ​

تحياتى وشكرا مقدما :وردة:​

ههههههه


لقيت الوانيت هالسكراب أحسن كثير


حيث الذي والذي منه


...

حاضر يا أبوطلال , حاضر يا أفوكاتو

بس طلبات بسيطه جدا"

4 صور شخصيه مكشوف الراس

2 صوره جنسيه

2 صورة ميلاديه

2 صورة اجازة قياده ( رخصة سوق )

2 صورة الجواز

صورة واحده لدفتر التجنيد " قبل الغزو "

2 شهود

شهاده من إمام المسجد اللي عند بيتكم

شهاده تزكيه من ثلاث كادودين ( بيني وبينك , التزكيه الوحده بأربع دنانير وميتين فلس )



شهاده من حسين بن عاقول ( تقبل شهادة سعد بن عاقول .. ماكو مشكله )

....


بس , هذي الطلبات البسيطه عشان تدخل دوره تدريبيه بمسمى " كادود وانيت "



...

أخوي الغالي أبو طلال


ترى حنا يا اهل الوانيتات نحارب الروتين الإداري والبيروقراطيه النتنه ..


صح ؟ وإلا شرايك

 

[Way one]

بصراحه طريقه سردك للمواقف اللي تصادفك بالوانيت جميله جدا ..​

تعيشنا الموقف جد ..​

ممتنه لك قضيت وقت ممتع هنا ..​

:وردة:​

مرحبا بأختي العزيزه " خجل "


وانا ممتن لك بهالحضور الرائع ..


مشكوره ..


ويامرحبا دوم ..



...

 

[بوصلاح]

هلا وغلا بأخونا الغالي..

أرجو من الله أن تكون بخير وفي أتم الصحه..

إفرض إنك عضو منتدب أو نائب العضو المنتدب بإحدى الشركات المُدرجة بالبورصه..( أقول إفرض) مو صج..!
ماهي الخطوات العمليه والتدابير التي ستتخذُها لكي تُجنب الشركة من الشطب حسب قرار هيئة البورصه الأخير..طبعاً حسب الكلام الذي تسمعه من العبريه أيها الكادود الشريف..!!!!​

 

[Way one]

هلا وغلا بأخونا الغالي..​

أرجو من الله أن تكون بخير وفي أتم الصحه..​

إفرض إنك عضو منتدب أو نائب العضو المنتدب بإحدى الشركات المُدرجة بالبورصه..( أقول إفرض) مو صج..!​

ماهي الخطوات العمليه والتدابير التي ستتخذُها لكي تُجنب الشركة من الشطب حسب قرار هيئة البورصه الأخير..طبعاً حسب الكلام الذي تسمعه من العبريه أيها الكادود الشريف..!!!!​

ههههههههه

رجعتنا لسوالف البورصه وأحوال الإقتصاد

..

أخي العزيز والغالي " كي بورد "

لاشك أن هيئة سوق المال الموقره , لاتتخذ قرارا" إلا وتم تمحيصه , و فرزه , والتأكد منه تماما" , نظرا" لكون تلك القرارات ,تمس افرادا" وأفرادا" إعتباريين , يمثلون شريحه هامه من المجتمع ..

وأنت تعلم أخي الكريم , أن كثيرا" من الشركات المدرجه, قد تجاوزت القانون , فيما يخص حقوق الملكيه,وبعض المعلومات الجوهريه الخاصه بها , والتعدي على عدة مواد في نظام التداول ,وعدم وضع مخصصات احترازيه , طبعا" هذه قليله من التجاوزات , وماخفي أعظم .. ومن ضمن الذي لم أذكره في هذا السياق القصير .. الزيادات الوهميه في رؤوس الأموال , والشركات التي تجاوزت خسائرها 75% , إضافه إلى مشاكل عدم الأفصاح الكثيره ... والمجال في هذا الموضوع أكبر من ذلك ..


لاشك أن العضو المنتدب , سيعاني من تلك المشاكل , لإن أغلبها تراكمي , ويخص إدارة المخاطر والإداره القانونيه .. وممكن يكون لمجلس الإداره دور في فساد الإداره ..

لكن , لو كنت مثلا" عضوا" منتدبا" جديدا" , في شركه مهدده بالشطب , يجب توافر التالي :

1_ الكفاءه والنزاهه المطلوبتين في العضو المنتدب .

2_ أن يتوفر غطاء كامل من الصلاحيات للعضو المنتدب من مجلس الإداره .

3_ الشفافيه الكامله , وتدفق المعلومات بسلاسه , وقتل أي روتين يخص المعلومات .

4_ البدء في التخلص من الأصول المسمومه ! , وبأي طريقه , حتى لو كانت بخسائر قليله .

5_ بيع الأصول الغير مدره فورا" , أو مقايضتها ببنود لصالح الشركه .

6_ عمل دراسه سريعه من مختصين , حول فائدة الإستثمار في الشركات الزميله .

7_ تقييم سريع و واضح و واقعي للشركات التابعه , والتحرك بعده , للتثبيت وتطويرها , أو للدمج مع شركات أخرى , أو بيعها بالكامل .. وإن كانت حصة سيطرة تباع حصة السيطره ..

8_ الربط الفوري لمدير الخزينه , مع مكتب العضو المنتدب .

9_ تفعيل إدارة المخاطر ,و مكتب المعلومات التابع للعضو المنتدب ( إن لم يكن بالشركه مكتب للمعلومات , يتم إنشائه فورا" ) ..

10_ بالطبع إعلام هيئه السوق بالمعلومات التي تطلبها , وبشفافيه تامه , ووضعها بالصوره الكامله ..حتى تخرج الشركه من لائحة بلاك ليست .

بالطبع هناك بند هام , وهو تعيين فريق ممتاز ( حتى لو كان من خارج الشركه ) للتفاوض من البنوك حول سداد متعثر , أو إعسار مالي معين يعيق الشركه , وبالتفاوض الإيجابي , وبالمبررات المعقوله , سيكون الأثر إيجابيا" لدى البنوك , فالبنوك بالنهايه تريد ضمان حقوقها ..

أخي " كي بورد "

هذا مختصر شديد , غابت عنه بعض البنود نظرا" للإختصار بالكتابه , إنما الموضوع لاشك أنه أكبر من ذلك بكثير ..


.....

غني عن الذكر أن تلك المعلومات , أخذتها من أحد العبريه


أليس كذلك عزيزي الغالي " كي بورد "


...

أما أنا مجرد كادود مسكين على هالسكراب أبو ليت مكسور :باكي:

يالله من فضلك .


...

بعدين ,

لاعاد تسألني مثل هالأسئله , اليوم لقيت عبري يعرف , باجر شيضمن لي ألقى عبري يعرف ؟


..

يامرحبا .. والله في أخوي الغالي " كي بورد "

وسعدت جدا" بتواجدك , في هذا المتصفح البسيط ..


أستأذن الآن , وراي مكده



...

 

[بوصلاح]

ههههههههه

رجعتنا لسوالف البورصه وأحوال الإقتصاد

..

أخي العزيز والغالي " كي بورد "

لاشك أن هيئة سوق المال الموقره , لاتتخذ قرارا" إلا وتم تمحيصه , و فرزه , والتأكد منه تماما" , نظرا" لكون تلك القرارات ,تمس افرادا" وأفرادا" إعتباريين , يمثلون شريحه هامه من المجتمع ..

وأنت تعلم أخي الكريم , أن كثيرا" من الشركات المدرجه, قد تجاوزت القانون , فيما يخص حقوق الملكيه,وبعض المعلومات الجوهريه الخاصه بها , والتعدي على عدة مواد في نظام التداول ,وعدم وضع مخصصات احترازيه , طبعا" هذه قليله من التجاوزات , وماخفي أعظم .. ومن ضمن الذي لم أذكره في هذا السياق القصير .. الزيادات الوهميه في رؤوس الأموال , والشركات التي تجاوزت خسائرها 75% , إضافه إلى مشاكل عدم الأفصاح الكثيره ... والمجال في هذا الموضوع أكبر من ذلك ..


لاشك أن العضو المنتدب , سيعاني من تلك المشاكل , لإن أغلبها تراكمي , ويخص إدارة المخاطر والإداره القانونيه .. وممكن يكون لمجلس الإداره دور في فساد الإداره ..

لكن , لو كنت مثلا" عضوا" منتدبا" جديدا" , في شركه مهدده بالشطب , يجب توافر التالي :

1_ الكفاءه والنزاهه المطلوبتين في العضو المنتدب .

2_ أن يتوفر غطاء كامل من الصلاحيات للعضو المنتدب من مجلس الإداره .

3_ الشفافيه الكامله , وتدفق المعلومات بسلاسه , وقتل أي روتين يخص المعلومات .

4_ البدء في التخلص من الأصول المسمومه ! , وبأي طريقه , حتى لو كانت بخسائر قليله .

5_ بيع الأصول الغير مدره فورا" , أو مقايضتها ببنود لصالح الشركه .

6_ عمل دراسه سريعه من مختصين , حول فائدة الإستثمار في الشركات الزميله .

7_ تقييم سريع و واضح و واقعي للشركات التابعه , والتحرك بعده , للتثبيت وتطويرها , أو للدمج مع شركات أخرى , أو بيعها بالكامل .. وإن كانت حصة سيطرة تباع حصة السيطره ..

8_ الربط الفوري لمدير الخزينه , مع مكتب العضو المنتدب .

9_ تفعيل إدارة المخاطر ,و مكتب المعلومات التابع للعضو المنتدب ( إن لم يكن بالشركه مكتب للمعلومات , يتم إنشائه فورا" ) ..

10_ بالطبع إعلام هيئه السوق بالمعلومات التي تطلبها , وبشفافيه تامه , ووضعها بالصوره الكامله ..حتى تخرج الشركه من لائحة بلاك ليست .

بالطبع هناك بند هام , وهو تعيين فريق ممتاز ( حتى لو كان من خارج الشركه ) للتفاوض من البنوك حول سداد متعثر , أو إعسار مالي معين يعيق الشركه , وبالتفاوض الإيجابي , وبالمبررات المعقوله , سيكون الأثر إيجابيا" لدى البنوك , فالبنوك بالنهايه تريد ضمان حقوقها ..

أخي " كي بورد "

هذا مختصر شديد , غابت عنه بعض البنود نظرا" للإختصار بالكتابه , إنما الموضوع لاشك أنه أكبر من ذلك بكثير ..

رااااائع جداً ومنطقي كلامك أخي العزيز وينُم عن خلفيه إقتصاديه مُتمكنه..​

أيا مال العافيه...​

غني عن الذكر أن تلك المعلومات , أخذتها من أحد العبريه


أليس كذلك عزيزي الغالي " كي بورد "

مشكلتك إنك دائماً قاط الأذن على كلام العبريه ..!!!!​

 

[أبوطلال]

مشكلتك إنك دائماً قاط الأذن على كلام العبريه ..!!!!
​

والله العبرية اخوى كي بورد ..
لايستهان فى نظرتهم الاقتصادية او معلوماتهم بشأن الاسهم
اتذكر من جم سنة وعلى حياة المرحوم جاسم البحر الله يرحمه ..
واحد من الربع ياب لنا معلومة
ان سهم (دولية م ا ...وجيزان ..) وهى اسهم اندمجت حاليا مع سهم الديرة ..وكذلك عقارات الكويت ..وهم من قروب البحر ..
ان هالاسهم الثلاثة بتشلع فوق وتطلع بالحد الاعلي وفيها صعود بحدود الضعفين واكثر.!!!
نزين يالحبيب من وين لك المعلومة من مدير محفظة مثلا او رئيس مجلس الادارة او احد اعضاء الشركة او السلمى مدير ايفا .يعنى بنشوف صحة المعلومة بس ؟؟
قال لا يبه معلومتى بكل صراحة من حلاق لبنانى احلق عنده بصالونه وقال عن هالاسهم .
حلاق ؟؟؟!!!!
غضينا النظر دام المعلومة من حلاق ..ونسينا معلومته .
ومادشينا هالاسهم ....
الغريب بعد شهرين او ثلاثة جيزان صك بالعلالى ودولية وعقارات فوق ارتفعوا
باسعار مضاعفة ...:باكي:
طلع كلامه صج 100%...
​

 

[Way one]

رااااائع جداً ومنطقي كلامك أخي العزيز وينُم عن خلفيه إقتصاديه مُتمكنه..​

أيا مال العافيه...​

مشكلتك إنك دائماً قاط الأذن على كلام العبريه ..!!!!​

الله يعافيك ويكبر قدرك أستاذي الفاضل وأخي الكبير " كي بورد "


وللتنبيه : حتى لايذهب تفكيرك و القارئ الكريم بعيدا" ..

للعلم جزء كبير ومعظم محتوى الرد , كان اقتباسا" من العم العزيز " غوغل "

..

فلازال أخاك الاصغر كادودا" فقيرا" , يمتطي صهوة وانيتا" قديما" , يتسكع به في

شوارع وحارات الديره ..

أنا خوفي ان تصدق أو يصدق القارئ الكريم إني " عضوا" منتدبا" " أو حتى فراشا"

منتدبا"


....

إذا تخبر لي وظيفة حمال أوراق لإي عضو منتدب .. على أيدك ؟

وأبشر بالبشاره



...

 

[Way one]

والله العبرية اخوى كي بورد ..
لايستهان فى نظرتهم الاقتصادية او معلوماتهم بشأن الاسهم
اتذكر من جم سنة وعلى حياة المرحوم جاسم البحر الله يرحمه ..
واحد من الربع ياب لنا معلومة
ان سهم (دولية م ا ...وجيزان ..) وهى اسهم اندمجت حاليا مع سهم الديرة ..وكذلك عقارات الكويت ..وهم من قروب البحر ..
ان هالاسهم الثلاثة بتشلع فوق وتطلع بالحد الاعلي وفيها صعود بحدود الضعفين واكثر.!!!
نزين يالحبيب من وين لك المعلومة من مدير محفظة مثلا او رئيس مجلس الادارة او احد اعضاء الشركة او السلمى مدير ايفا .يعنى بنشوف صحة المعلومة بس ؟؟
قال لا يبه معلومتى بكل صراحة من حلاق لبنانى احلق عنده بصالونه وقال عن هالاسهم .
حلاق ؟؟؟!!!!
غضينا النظر دام المعلومة من حلاق ..ونسينا معلومته .
ومادشينا هالاسهم ....
الغريب بعد شهرين او ثلاثة جيزان صك بالعلالى ودولية وعقارات فوق ارتفعوا
باسعار مضاعفة ...:باكي:
طلع كلامه صج 100%...
[/CENTER]

ههههههه

ذكرتني في سميك " أبوطلال " جاسم البحر رحمة الله عليه

أوووه , صراحه إبتسمت إبتسامه شقاقيه ترست وجهي , لما ذكرت اخونا صالح

السلمي .. بس لايقرا كلامك الذربان , وتاخذه الغيره ..


...

فعلا" أستاذنا العزيز ابو طلال .. سمعت سوالف كثيره , مثل سالفة الحلاق , واللي

يقولك جرسون مطعم البورصه صاير مستثمر , وحجي كثير أكثره يمتلئ غرابه ..


يارجال ,, الرزق على الله ...

والله يرزقك من واسع فضله ..


وصراحه حضورك في مواضيعي المتواضعه , يعطيها رونق ..


لاخلا ولاعدم إستاذي القدير ..



..

 

[Way one]

كنت عند صديقي البنشرجي السوري , يغير زيت محرك الوانيت . وكالعاده , تغيير الزيت ربع ساعه . و " السولافات " نصف ساعه

يحكي لي عن الدمار الذي حل ببلاد الشام , وبأن البلد لن ترجع كما كانت , وان حتى النفسيات تبدلت ..

أعانهم الله ..

اثناء تلك الأحاديث التي تتخللها رشفات من الشاي بالدارسين ( القرفه ) لمحت إمرأه تمشي على الشارع .. ( حدسي ك كادود أخبرني بأنها مشروع عبري ! )

قلت للبنشرجي بسرعه خلص , أنا مستعجل .. وبالفعل أبدى تعاونا" تحسده عليه محكمة العدل الدوليه !!

الحين .. الزيت جديد ..

البنزين FULL

من قدي ؟ :إستحسان:

أتجهت مباشره نحو الأمرأه ..


ديد ديد ديد ,,

وإذا بها تؤشر ..

أنا .. تفضلي .. وين رايحه

هي .. الكويت

أنا .. حياج , بدينار

هي .. لأ .. نص دينار

أنا .. مو مشكله .. أركبي

وإذا بها مصريه عمرها مابين أواخر الثلاثينات وأوائل الأربعينات

بها ملامح حلوه , ولبسها محجبه .. لكن أنيقه .. ومهتمه بنفسها

( كالعاده .. مع مثل هالعبريه .. أخفف السرعه , والمشوار ابو ربع ساعه يصير ساعه )

سألتها ..

كيف حالك .. شنو تشتغلين ؟

هي .. نحمده .. مدرسه أشتغل

أنا ... ماشاء الله , أنا ابحث عن مدرسه لبناتي ( طبعا كنت كذاب , كان قصدي التقرب منها )

هي .. تحت امرك .. في اي صف بناتك

أنا .. في الصف الفلاني

هي . للأسف مقدرش أدرسهم .. أنا بدرس مرحله ثانوي

أنا .. خيرها في غيرها

...
أنا لاحظت إنها ماخذه معاي بالكلام .. وشكلها ارتاحت لي ..

وطبعا" .. فرصه ماتتطوف

أنا .. ممكن سؤال

هي .. تفضل يابتاع الوانيت

انا .. ماتعرفين وحده عايزه جواز عرفي ( كنت أكلمها بتمسكن . وشكلي حزين واكسر الخاطر .. عشان تعطف علي !! )

هي .. لأ والله معرفش ( كانت تكلمني بعطف )

أنا .. كلش ماتعرفين أي وحده .. ترى مو مهم العمر

هي .. يااااه .. لدرجه دي .. ياحرام .. لكن والله والله معرفش

( هنا يبرز الإحتيال مني )

أنا .. بصراحه ظروفي صعبه , ومحتاج وحده ضروري ( شوي وابكي )

هي .. يااااحرام . مشكله .. مش قادره اعمل لك حاجه .. دا انت مسكين

أنا .. ترى عادي .. حتى لو إنتي .. تتزوجيني عرفي


هي ( وكأنها تفاجأت ) إييييه أتجوزك عرفي يابتاع الوانيت الخربان .. هي حصلت

وقامت تهاوش .. وتكلمني بصوت عالي .. ماخلت كلمه ماقالتها

هي .. وقف وقف يابتاع النسوان , نازله هنا

أنا .. يبه خلاص أسف مو قصدي .. اركدي شوي .. خلاص

هي .. لأ .. وقف خلاص يابتاع الوانيت ..

وقفت قبل المشوار . بمسافه قصيره

ومن ثم هي فتحت الباب , لتنزل

عاد أنا .. وبقواة عين

أنا .. نازله منيه والطريج .. عطيني الحساب نص دينار كامل يامصريه

هي .. برضو عايز حساب بعد عملتك المهببه .. خذ .. ربنا يشيلك انت ووانيتك


...


عز الله ماعينت منها خير هالمصريه


...

 

[بوصلاح]

كنت عند صديقي البنشرجي السوري , يغير زيت محرك الوانيت . وكالعاده , تغيير الزيت ربع ساعه . و " السولافات " نصف ساعه

يحكي لي عن الدمار الذي حل ببلاد الشام , وبأن البلد لن ترجع كما كانت , وان حتى النفسيات تبدلت ..

أعانهم الله ..

اثناء تلك الأحاديث التي تتخللها رشفات من الشاي بالدارسين ( القرفه ) لمحت إمرأه تمشي على الشارع .. ( حدسي ك كادود أخبرني بأنها مشروع عبري ! )

قلت للبنشرجي بسرعه خلص , أنا مستعجل .. وبالفعل أبدى تعاونا" تحسده عليه محكمة العدل الدوليه !!

الحين .. الزيت جديد ..

البنزين FULL

من قدي ؟ :إستحسان:

أتجهت مباشره نحو الأمرأه ..


ديد ديد ديد ,,

وإذا بها تؤشر ..

أنا .. تفضلي .. وين رايحه

هي .. الكويت

أنا .. حياج , بدينار

هي .. لأ .. نص دينار

أنا .. مو مشكله .. أركبي

وإذا بها مصريه عمرها مابين أواخر الثلاثينات وأوائل الأربعينات

بها ملامح حلوه , ولبسها محجبه .. لكن أنيقه .. ومهتمه بنفسها

( كالعاده .. مع مثل هالعبريه .. أخفف السرعه , والمشوار ابو ربع ساعه يصير ساعه )

سألتها ..

كيف حالك .. شنو تشتغلين ؟

هي .. نحمده .. مدرسه أشتغل

أنا ... ماشاء الله , أنا ابحث عن مدرسه لبناتي ( طبعا كنت كذاب , كان قصدي التقرب منها )

هي .. تحت امرك .. في اي صف بناتك

أنا .. في الصف الفلاني

هي . للأسف مقدرش أدرسهم .. أنا بدرس مرحله ثانوي

أنا .. خيرها في غيرها

...
أنا لاحظت إنها ماخذه معاي بالكلام .. وشكلها ارتاحت لي ..

وطبعا" .. فرصه ماتتطوف

أنا .. ممكن سؤال

هي .. تفضل يابتاع الوانيت

انا .. ماتعرفين وحده عايزه جواز عرفي ( كنت أكلمها بتمسكن . وشكلي حزين واكسر الخاطر .. عشان تعطف علي !! )

هي .. لأ والله معرفش ( كانت تكلمني بعطف )

أنا .. كلش ماتعرفين أي وحده .. ترى مو مهم العمر

هي .. يااااه .. لدرجه دي .. ياحرام .. لكن والله والله معرفش

( هنا يبرز الإحتيال مني )

أنا .. بصراحه ظروفي صعبه , ومحتاج وحده ضروري ( شوي وابكي )

هي .. يااااحرام . مشكله .. مش قادره اعمل لك حاجه .. دا انت مسكين

أنا .. ترى عادي .. حتى لو إنتي .. تتزوجيني عرفي


هي ( وكأنها تفاجأت ) إييييه أتجوزك عرفي يابتاع الوانيت الخربان .. هي حصلت

وقامت تهاوش .. وتكلمني بصوت عالي .. ماخلت كلمه ماقالتها

هي .. وقف وقف يابتاع النسوان , نازله هنا

أنا .. يبه خلاص أسف مو قصدي .. اركدي شوي .. خلاص

هي .. لأ .. وقف خلاص يابتاع الوانيت ..

وقفت قبل المشوار . بمسافه قصيره

ومن ثم هي فتحت الباب , لتنزل

عاد أنا .. وبقواة عين

أنا .. نازله منيه والطريج .. عطيني الحساب نص دينار كامل يامصريه

هي .. برضو عايز حساب بعد عملتك المهببه .. خذ .. ربنا يشيلك انت ووانيتك


...


عز الله ماعينت منها خير هالمصريه


...

قلعتك زين سوّت فيك تستاهل..

إحمد ربك إنها ماخذت رقم الوانيت وراحت إشتكت عليك بالمخفر..

جان أذيت أخونا بوطلال ، تكفى بوطلال تعال فكني وما للصلايب إلا أهلها..!!!

لكن جت سليمه هالمره..وييييوز من سوالفك..!!!​

 

[Way one]

قلعتك زين سوّت فيك تستاهل..​

إحمد ربك إنها ماخذت رقم الوانيت وراحت إشتكت عليك بالمخفر..​

جان أذيت أخونا بوطلال ، تكفى بوطلال تعال فكني وما للصلايب إلا أهلها..!!!​

لكن جت سليمه هالمره..وييييوز من سوالفك..!!!​

هههههههه

ماعليك أخونا ابو طلال طيب , ويقدر الواسطات

راح أجيب له واسطه , تشق السقف فوقه , تخليه يطلعني برااااءه , حتى بدون تحقيق

تدري منو الواسطه ؟

زميلنا المحبوب " أسعد بو قيله " :إستحسان:



...

 

[Way one]

في الطريق بين ناطحات السحاب في الحساوي

كان معي عبري صعيدي , معلم بناء

أسمه " الحاج أبو عابدين "


وهو حسب عشرتي الطويله معه , التي أستمرت ساعه إلا ربع !!

نصاب وكذاب عالمي

حاول يقطني في مصيبه مهببه مثل وجهه المهبب

لكن , لإني كادود وانيت ,,

فالحرامي مايضحك على حرامي

عدل لو مو عدل ؟

...

ركب معاي , وحمل عشرة اكياس اسمنت , وعدة أغراض خفيفه

وكان المشوار من الحساوي إلى اشبيليه " درب قصير "

وكانت الإتفاقيه دينارين , لإن في اغراض معاه ..

...

ركب معاي هالخرتيت


ودار هذا الحوار :


هو .. ازيك يابتاع الوانيت

.. الحمد لله بخير

هو .. لامؤخذه معرفتش اسم حضرتك يابتاع الوانيت

.. بتاع وانيت ( قلتها وأنا اضحك .. هالحمار شيبي بأسمي , كلي كادود مسيجين )

هو .. ( وبضحكه قويه وقهقهه يسمعها القاطنين بقطعه واحد بالفحيحيل ) انت مش معقول يابتاع الوانيت .. انت كده :إستحسان:

ويكمل كلامه وهو شاق حلقه من الضحك ويضع كفه على صدره " محسوبك الحاج ابو عابدين " للبناء والمقاولات والذي منو

.. شدعوه اوباما , مكسور طاح على منبطح

هو .. يزداد ضحكه وقهقهته العاليه المزعجه .. ياعيني ياليلي ياعيني على بتوع الوانيتات كلهم ,, ده انتا كده :إستحسان: ( أيضا" مره ثانيه )

ياراجل انت ظريف قوي

.. ظريف والا مو ظريف , وصلنا الحين , يالله قرقش فليساتك ( كنت اكلمه بتعالي .. كادود ومتعالي .. تعال حلها )

هو .. مواصلا" الضحك ووجهه كأنه سينشطر نصفان من قوة الضحك ( يشبه وجهه الممثل الراحل الوسيم " علي الشريف )

علي النعمه انك تنزل وتشرب حجر معسل وكباية شاي

.. لا معود انا مستعجل , و راي عبريه , نزل اغراضك ياصعيدي ياحمار يالله

هو .. مستغرقا" في الضحك .,. ياواد يابتاع الوانيت انزل هنا .. انت الربحان

.. ربحان ان مشيت وخليتك ياوجه الاسمنت

هو .. وجه اسمنت والا غيره .. عندي لك مشروع حيخليك رايق يابتاع الوانيت

.. وشنهو مشروعك ياوجه الفلس

هو .. انت انزل بقى وحتعرف كل حاجه

.. نزلت وقدم لي معسل .. وطبعا رفضت , قلت له شيل هالشيشه والا اكسرها فوق راسك

هو .. ضاحكا" .. مايهماكش , هات لو يا رفعت كباية شاي معتبره ( رفعت في الخيمه اللي عند القسيمه التي يبنيها الحاج ابو عابدين ..

جلسنا داخل خيمه , بها كل مقومات الوساخه ( اعزكم الله ) وكانت الكنبه التي اجلس عليها , صندوق ببسي بلاستيكي :باكي:

واخذ يحتفي بي هالمعفن ابو عابدين هو وصندوق الببسي اللي يتخيله انتريه دمياطي

ما أطول عليك قارئي العزيز ..

بعد شرب الشاي . والضحك المتبادل .. والجلسه الراقيه

حان وقت المحادثات الرسميه , وكانت على مستوى القمه !!

حضرتنا , والحاج المعفن ابوعابدين ..

بالطبع كان اجتماع مغلق ( لإهمية الموضوع وسط ظروف دوليه دقيقه )

اتعلم ماهو مشروع النصاب الحاج ابو عابدين ؟

مشروعه يامحفوظ السلامه " تجارة اقامات " !

طبعا" رفضت ,

وخرجت من الإجتماع المغلق بمثل ما إستقبلت به من حفاوه


و ركبت الوانيت

و ... ديد ديد ديد



...

 

[الجمآن]

متخيلة شكل حجي بوعابدين وهو يضحك
اتوقع مثل المعلم إشطة (جوز < بالمصري ) المعلمة فتكات بنت كايداهم


يالله انت كادود نزيه وماشي سيدا الله يباركلك
ولو سمحت نبي عبري امريكي على يوم

شكرا للمتصفح الرائع و المتميز ...ْ

:وردة: