سؤال وجواب سؤال يحير عن طريقة عمل بنك الدم ..!!

شبابي

عضو فعال
السلام عليكم

امس قاعدين بدوانية والربع اطرحوا موضوع بنك الدم !!

الحين المتبرع اول ما يتبرع يخذون عينه من دمه وبعدها يروح يسحب الدم ..

العينه يفحصونها واذا سليمة يعطون الموافقة على استخدام كيس الدم الاصلي ,, الموضوع حلو لحد الأن :)

طيب

العينة تفحص خلال يومين بالكثير وتطلع النتيجة ,, بس الامراض الي تكون موجوده بالدم ما تبين الا بعد فترة ومنها الكبد الوبائي والايدز وغيرها ,, لان المرض ياخذ له فترة حتى يثبت بالجسم وينتشر وتقدر بالتحاليل تحدد نوعه ,,

يعني اذا واحد كان مريض ما راح تبين عليه اعراض المرض الا بعد فترة ويمكن اذا تبرع بالدم ونقله لشخص اخر ممكن ينتقل معاه المرض ..!!

طبعا جميع البنوك العالم تقول انا اخذ دم من المريض ولا أرد المريض علشان يعرف النتيجة ، لان اي انسان يبي يتبرع ما يبي يروح ويرجع ,, وهالطريقة راح تنفر ناس وايد من التبرع .. علشان جذي ياخذون التبرع اذا نفع كان بها واذا ما نفع تخلصوا منه ..


شي يحير :confused:


ان شاء الله قدرت اوصل الفكرة ,,
 

OK

مشرف
طاقم الإشراف
اخوي في معلومه يمكن البعض ما يعرفها

الدم اللي ياخذونه البنك يستخلصون منه محتوياته كامله من كريات دم بيضاء وحمراء وبلازما وخلافه وبالتالي التبرع ما يكون بس على كريات الدم الحمراء بالعكس يكون على جميع المحتويات يعني اعطيك مثال

عندنا مريض مثلا فصيلة دمه A ممكن يتبرع واحد من نفس الفصيلة بالدم كامل وممكن يكون المريض محتاج كريات دم بيضاء فقط بالتالي البنك ياخذ كريات الدم البيضاء ويقدمها للشخص المحتاج

اما بخصوص الامراض وخلافه فالبنك ما يعطي الدم دايركت لأي شخص محتاج الا بعد فحوص مخبريه دقيقة جدا والعمل هذا ياخذ وقت في السابق ولكن مع الاجهزة الحديثة هالتحاليل ما تاخذ وقت نهائيا وتظهر نتيجتها بأسرع وقت

اتمنى اكون وصلت الفكرة عدل لطريقة عمل البنك
 

شبابي

عضو فعال
يستخدمون طريقة pcr ويكون هذا التحليل قطعي ....


عفوا شنو هالطريقة ؟ ممكن شرح اكثر ..


اخوي في معلومه يمكن البعض ما يعرفها

الدم اللي ياخذونه البنك يستخلصون منه محتوياته كامله من كريات دم بيضاء وحمراء وبلازما وخلافه وبالتالي التبرع ما يكون بس على كريات الدم الحمراء بالعكس يكون على جميع المحتويات يعني اعطيك مثال

عندنا مريض مثلا فصيلة دمه A ممكن يتبرع واحد من نفس الفصيلة بالدم كامل وممكن يكون المريض محتاج كريات دم بيضاء فقط بالتالي البنك ياخذ كريات الدم البيضاء ويقدمها للشخص المحتاج

اما بخصوص الامراض وخلافه فالبنك ما يعطي الدم دايركت لأي شخص محتاج الا بعد فحوص مخبريه دقيقة جدا والعمل هذا ياخذ وقت في السابق ولكن مع الاجهزة الحديثة هالتحاليل ما تاخذ وقت نهائيا وتظهر نتيجتها بأسرع وقت

اتمنى اكون وصلت الفكرة عدل لطريقة عمل البنك

اي بس اخوي الامراض الزهري والايدز (اعوذ بالله منها ) ما تبين انها انتشرت في جسم الانسان وبالدم خصوصا إلا بعد مرور 6 أسابيع ,, شلون يبين وياهم الفحص خلال أيام !!

هذا الي محيرني :confused:
 

شبابي

عضو فعال
PCR by RNA test


بأختصار هذا اختبار يستطيع الكشف عن الفايروس خلال 10 ايام من دخولة الجسم وهذا يثبته موقع CDC (مركز التحكم بالامراض)


وهذا الفحص يستخدمونه البنك الدم أو المختبرات والمستشفيات الخاصة بالكويت ؟!

ولا بس برا ؟؟
 

k7elan

عضو بلاتيني
الموضوع ببساطة لما تتبرع بالدم ياخذون منك اربع عينات ببراويز جانبية

تتبرع بالدم و ضمن شروط التبرع انك تحتاج ما تقدر تتبرع الا بعد 8 اسابيع ( شهرين ) بحيث يكو الدم تكون من جديد

اذا قدمت لهم مرة ثانية تقدم بطاقتك لموظف الاستقبال و يطبع لك ورقة الاستبانة اللي تعبيها قبل لا تدخل علي الممرضة لقياس الدم والضغط والحرارة

اذا فيك مرض لا سمح الله ما تنطبع الورقة لكن تحولك موظفة الاستقبال للدكتور اللي بدوره يوضح لك سبب عدم قبولهم لتبرعك

انا لي فترة طويلة اتبرع لهم و هذا الروتين المتبع

بس اذا جيت علي يوم و لقيت نسبة دمك ضعيفة و منعوا عنك التبرع

و جيتهم بعد شهر و قالوا راجع الدكتور لا تتخرع :)

ليش مرات يحطون تاريخ معين بالكمبيوتر من اخر مراجعة لك , ما تتبرع قبله باعتبار دمك ضعيف


الله يكافينا و اياكم و المسلمين ان شاء الله الامراض و الاوبئة
 

شبابي

عضو فعال
k7elan

هلا بالغالي

انا ماعندي مشكله بفترة التبرع ،، انا سؤالي شلون يكتشفون المرض اذا جاهم المتبرع واخذوا منه دم وارسلوها للمحتاجين في المستشفيات !!!!!!


لان بعض الامراض الله يكافينا شرها ما تتكون في دم الانسان الا بعد فترة ، ويكون جذي انتقل المرض الي مريض اخر ،،

 
أعلى