عقدت قيادات حركة «حدس» أمس اجتماعاً طارئاً لمناقشة وضع مرشحي الحركة في الانتخابات المقبلة خصوصاً بعد ملاحظة قلة اقبال الناخبين على مقار مرشحي الحركة.
ويحاول قادة الحركة ايجاد السبل الكفيلة بعودة الثقة المفقودة
اين المصدر ؟؟؟
قادتها عقدوا اجتماعاً طارئاً بعد ملاحظة قلة إقبال الناخبين على المقار الانتخابية لممثلي الحركة
«حدس» تستنفر بعد تراجع أسهم مرشحيها الغانم: لا نريد حكومة
http://www.annaharkw.com/annahar/Article.aspx?id=142068
احنا ترا مانألف مثل غيرنا هاج المصدر وناطر اعذارج الي بتقولينها الحين نفس كل يوم:باكي:
لا يا الحوت مو احنا اللي نطلع اعذار مثل ربع د.اسيل
اوكي انا اللي ابيه انكم تحطون المصدر مو جذي مني و الطريج تأليف بتأليف
ولو انا من حدس برد عليك بس الاخوان اللي يتبعون حدس اهم بيردون :إستحسان:
انا شايف احد من عقب الاستفتاء والبلاوي الي عليهم ماشوف حس احد يدش يقط كلمه ويفصل او يخش راسه مثل النعام :باكي: ويدور اي اشااعه يديده على شان يطلعون عضلاتهم
وثاني شي منو قال انتي مع حدس ولا مومعاهم بس الي نشوفه اي موضوع يمس حدس نلقاج اول المدافعين بويه المدفع جذبوا ماجذبوا معاهم معاهم
هاااااااااااا ترى ظلمتني
انا عمري ماقطيت كلمة الا وارد عشانها
وبعدين واضح من ردي اني مادافعت عنهم شوف عدل و البس نظاراتك
انا قلت الاخوان اللي يتبعون حدس اهما اللي يردون :إستحسان:
يالله بعد تبلى علي
لا ليش اتبلى عليج الي مقتنع فيه وشايفه صح اقوله
اعتقد ان علشانهم الي قالوها تختلف عن علشانهم الي انت فهمتها !
علشانهم الي قالوها يقصدون فيها علشانهم عيال الصانع و علشانهم عيال الشايجي و علشانهم عيال الحربش و علشان كل عيال الحركه و من جاور حدس يسعد !
و علشانهم الي انت فهمتها كانت تقصد علشان ابناء الوطن و علشان الشعب و هو بالطبع اخر اهتماماتهم اذا كان منها أصلاً !
فلا تظلمهم فهم لم يكذبوا عليك ولكنهم خدعوك فقط !
والحوت شنو شايف بالله
الي شايفه بعيوني الفوز لنا ومابقى شي على 16-5
مبروك عليك الفوز باستفتاء الجاسم
وبعدين لا تضيع ( الصقله )
ماضيع الصقله اذا على الموضوع اني متبلي عليج ماتبليت انتي صايره على طريف وتوقعتي الكلام موجه لج انا الي قاعد اشوفه بكل موضوع فيه حدس ادافعين واي موضوع فيه صالح الملا واسيل اشوفج ضدهم ومن هالشي توقعت وياهم وهذي وجهت نظري
اوكي يا بو وجهة نظر
انا ما ادافع الا من المتأكده منه هذا شي :إستحسان:
ثاني شي ليش ماتكلمت عن روضان الروضان ؟ عن احمد السعدون ؟ عن و عن وعن ؟
تكلمت عن اللي اشوفه غلطان في (وجهة نظري)
وبعدين عطني رد من ردودي اللي كان ضد صالح الملا ؟ (مو نفي بس ابي اتذكر )
هالمره الحق وياج مابي اجذبج مالج ردود ضد صالح الملا وانا مادورت بكل مشاركاتج البعض منهم ويجوز البعض الثاني يكون في شي يالله راحت علي هالمره 1/0
صفقه قويه للحوت جكجكجكجكجكججكجكجكجك
لانه اول مره يعترف
مافيها شي اذا اعترفت العيب اذا صدقت الجذبه لاداعي لتصفيييييييق
الجذبه في نظرك حقيقه عند الاغلبيه
الجذبه حولتها حقيقه لما قلت انه الحق معاج وماخليت الموضوع يطول ثواني وقتلج الرد مفعول الجذبه بطل :باكي: هذا يعتبر اتهام مو جذبه