عبر عن حالتك النفسيه...ببيت من الشعر

.


قالوا علامك تالفٍ قلت بهليل ** من صارمٍ من بين عينيه سله
لو إن جرحي من عْداةٍ مقابيل ** ماحل في قلبي هيامٍ يتله
لكن جرحي بالخفا من معاسيل ** طفلٍ سطا وانهل صوابي وعله
لا ياطبيبي دلك الله تدليل ** داي الخفي ودواي من مبسمٍ له


.
 
.


ياهاجسي غن طـاروق الشعـر غنّـه
الحق على مابقـى والا العمـر فانـي

وياصدري اصبر مثل صبري على الونّه
يا طول صبـرك عليّ وشيـن ماجانـي

يلّـج فيـك الحزن وأخفيه وأكـنّـه
وإلى بغيـت أشتكي ماطـاوع لسانـي

وأنا الذي لـو ظـروف الوقـت حدّنـه
يمـوت مايشتكـي لـ فـلان وفلانـي





.
 
.


تدري اني اعشق فيك شامل سجاياك ** زينك وشينك في قساك وليونك

واني متيم في محاسن محياك ** وتعرف علي شلون سلطة عيونك

تامر على من موقها الموت هذاك ** واطاوع امره قبل ترمش جفونك

رديت قلبي عنك لاشك هو جاك ** وجيتك معه راضي بمقبل طعونك



.
 

صوت الحجاز

عضو مميز
كـل الكـباير في عـيوني صغـيره * وبعض البشر ماهتم فيهم..صراحه
مشاعـر اجـرحها وتصبح كسيره * واجـبـر شعورٍ منكسر مـن جراحه
ولاهـزني بـــ الكون اكـبر كـبيره * ومن فـضل ربي ماعـرفت الوقاحه
جميل الهذلي
 
.



لا تَحقِرَنَّ من الأَقوامِ مُحتَقِراً ** كل اِمرىءِ سَوف يُجزى بِالَّذي اِكتَسَبا
قَد يحقر المَرءُ ما يَهوى فَيَركَبه ** حَتّى يَكون إِلى تَوريطه سَبَبا
اِذا وَتَرت اِمرءاً فَاِحذَر عَداوَته ** من يَزرَع الشَوكَ لا يَحصُد بِهِ عِنبا



.
 

خجـل

عضو مخضرم
نعز بعض آلنآس من زود قدره
وآلمحترم يفرض علينآ آحترآمه
آلمعتبر يآخذ من آلوقت عبره
وآلجآهل آلليء مآيثمن كلآمه !


:وردة:
 
.

جرحك اللي بقلبي كل يومٍ يزيد ** واتصبّر وأنا حالي طواه الهيام
لا طبيبٍ يداوي لا علاجٍ يفيد ** أنت داي ودوايا يا حسين القوام
مستبدٍّ بقلبي تفعل اللي تريد ** وتْعزيري وقتلي يا غناتي حرام
دايم في عذابُ وتْهَديد وعيد ** من عيونك ولحْظك راح قلبي عدام
والعواتق وجيدك يالغزال الفريد ** طلعتك لي تجلت مثل بدر التمام
سحر زينك أسرني منه ماني محيد ** والشفايا العْذابُ ونظرةٍ وابتسام




.
 
.

اللّي دعا حالي كما العود باريه ** حدٍ حداه استاد بزعيتمانه

إن ورد القدّوم يكرب علابيه ** وأرخى ذراعه واصفحه لين مانه

ماهو مرض واخبر هلي عن مشاكيه ** أسباب من صوّب ضميري وكانه

الجادل اللي مايقٍ في تمدريه ** ذعذع هواه وضاحكٍ له زمانه

لو كل من صوّب صويبٍ يداويه ** ويجارحه قلت أوصلوني مكانه

كل يعرفه مير ما ودّي أطريه ** وإلا بها سيد العذارى بيانه

.
 
.

عين الرضا جفّت عسى منت ظامي
وعساك من جمـرة غيابـي تدفّيـت


إن كان غرّك ضحكتي و ابتسامـي
ساعة نظرتك يـا حبيبـي وصدّيـت


هذي بقايا صادقـه مـن غرامـي
ظلّت معي يومـك عليّـه تجنّيـت



.
 

تباشيرالأمل

عضو مخضرم
ضايق ومستانس وراضي وزعلان
مدري وش اللي جمع الكل فيني

احيان اجر الصوت مغرم وطربان
واحيان اجر الصوت وتهل عيني
 

خجـل

عضو مخضرم
مو حزن. , هذا شي مدري وش اسمه
لو قلت لي وش فيك ؟ جاوبت مدري !
صدري كأنه وجه. ... من دون بسمه
من يرسم. البسمه علي وجه صدري ؟ !


:وردة:
 
أعلى