.. Fish Market .. / سوق السمك

ريما القمر

عضو مخضرم
هالمطعم مقابل مطافي سوق السالميه القديم بجانب مجمع المرسيدس ..

اذكر زرته قبل كان صغير ومكانه ضيق وحاليا متطور وموسعينه واغلب رواده وافدين ..

مطعم يستحق الزياره .. لمحبي السي فود وخصوصا القباقب والربيان عجيب طبخه ..

ريما القمر :وردة:



صحيح ..

القباقب والربيان اهي الأطباق المميزه عنده ..

وشكراً ع مرورك .. :وردة:



.​
 

ريما القمر

عضو مخضرم
شكرا على الموضوع ست ريما


وأتمنى مع انى اشك انه يطلع مثل الفش ماركت اللى فى مصر هذاك تحفه


شكلى قريب عنده وبجرب الشيم ......والربيان والقباقب شكلهم عجيب





جرب تطلب الشيم مشوي مسقوف أو سنجاري على الطريقه المصريه..

اعتقد يطلع أحلى ..

لأني طلبته مشوي عادي اللي يخلص بأقل من 20 دقيقة ..


ورد لنا خبر ..


.​
 

ريما القمر

عضو مخضرم
والله انــك ذووووق ياريمــــــا :إستحسان:

المــأكــولات البحــــريه خصـوصاً مقـــدر اقــاومها ابـــدا ..

الروبيــان بأنـــواعه احبــه وخــصوصاً الـ ( Lobster ) بالبشــاميل والجبنـه ( يمممم يمم يمي )

واحــب من الاسمــاك الهامــور والكنعــد والصــافي ولا هــانوا باقي الاسمـاك :)

آخــر مــره رحــت للـ ( Fish market ) لمن كُـنت ( بالاسكنــدريه )

مطعم على هيئــة سفينــه ويطـل ع البحــر الابيض المتـوسط ..

وبجنبــه على طــول حلويـات الصمــدي تاخـذلك قطعــه من هالحــلااا بعد الزفــر وانت مــاشي .

أجــل يبغــالنا جيــه للكويت

أكيــد اسمـاكم أحــــلا ;)



ريمــا القمر :وردة:


بالعـافيه




حياج الله .. :وردة:


يمدحون أسماك الاسكندرية ..

أنا جربت مطعم قدوره ومطعم الدوران في القاهره وكان ماشا الله لذيذ ..


نتمنى إنج تتفضلين بزيارة الكويت ..

ولج مني برنامج سياحي بروفيشنال :)



.

 

الفراشة

عضو مخضرم
ريمي ...

My son

قاعد يطالع الموضوع ويقول : ياااااااالله ... يمه اسأليها مايوصلون للبيت الحين :D
 

ريما القمر

عضو مخضرم
ريمي ...

My son

قاعد يطالع الموضوع ويقول : ياااااااالله ... يمه اسأليها مايوصلون للبيت الحين :D


قولي له :

روح لأبوك تحلطم عنده ..

خله ( يودينا ) باجر .. ;)



.




تعالي طلع فيه مطعم ثاني اسمه فش ماركت جمب الابراج ....


ايه ..

هذاك شركه غير تابعه للخرافي ..

وحلو بعد واسعاره مرتفعه ..

شخصين فاتورتنا فوق الـ 60 دينار .. :)

وطلباتنا كانت بسيطه جداً ..

دبل سعر هالمطعم ثلاث مرات ..


.

 

ولد التحالف

عضو بلاتيني
مرحبا أختي

باجر أن شاء الله سنكون متواجدين بالمطعم..!!

وعندي بعض الأستفسارات..!!

السمج الموجود بس مشوي ومقلي وله فـيه مـرق بعد؟

وان شاء الله راح أطلب نقارير مشوية وشعوووم مرق أن وجد واذا مـافيه راح أطلب الشعوم مـقلي..!!

وراح أطلب بياح مـشوي وربيان كذالك..!!

خلوا القطاوه تتيمع عند بيتنا باجر :p


 

ريما القمر

عضو مخضرم
مرحبا أختي


باجر أن شاء الله سنكون متواجدين بالمطعم..!!

وعندي بعض الأستفسارات..!!

السمج الموجود بس مشوي ومقلي وله فـيه مـرق بعد؟

وان شاء الله راح أطلب نقارير مشوية وشعوووم مرق أن وجد واذا مـافيه راح أطلب الشعوم مـقلي..!!

وراح أطلب بياح مـشوي وربيان كذالك..!!

خلوا القطاوه تتيمع عند بيتنا باجر :p





مااعتقد عندهم مرق مو متأكدة بصراحة ..

تبي مرقه هامور ..

روح مطعم الشمم اللي بالمباركيه .. :D

طبعاً أنا ما أروح هناك بس يوصلني للبيت ..



.​
 

ولد التحالف

عضو بلاتيني
مااعتقد عندهم مرق مو متأكدة بصراحة ..

تبي مرقه هامور ..

روح مطعم الشمم اللي بالمباركيه .. :D

طبعاً أنا ما أروح هناك بس يوصلني للبيت ..



. [/CENTER]

لووول

أستغفر الله هـامور عاد الله يزيد النعمة..!!

معني كل أسبوع أطلع حداق وأحب السمج الا الهامور مـا أواطنه..!!

حتى بيتنا مـحد يحب ياكل هــامور:D
 

ولد ابوه

عضو بلاتيني
آنآ مآني خوي لـ ( آلسَمَك ) ..

ولآ لأكل آلبحر آلـ ( sea food )

بس شي يستحق آلتجربه .. وشرط يكون تحت مسؤوليتج ..

أي شي يصير بمعدتي ..

ريمآ .. :وردة:​
 

kkk

عضو مخضرم
ريما القمر..شنو اسم البياح بمصر..:وردة:
المطعم هذا مسوى مشاكل بالمنتدي
اخاف المطعم ..لكم..:D
 

ريما القمر

عضو مخضرم
آنآ مآني خوي لـ ( آلسَمَك ) ..


ولآ لأكل آلبحر آلـ ( sea food )

بس شي يستحق آلتجربه .. وشرط يكون تحت مسؤوليتج ..

أي شي يصير بمعدتي ..


ريمآ .. :وردة:





جرب وماراح تندم إن شا الله .. :)




.


مع اني مو مال الـ sea food بس بغامر و اجرب


ريما القمر:وردة:


المغامره مطلوبه .. :)



.



ريما القمر..شنو اسم البياح بمصر..:وردة:
المطعم هذا مسوى مشاكل بالمنتدي
اخاف المطعم ..لكم..:D


قاعده أفكر بالموضوع ..


تدخل شريك معاي ..
icon6.gif



واسم البياح شوف إجابه جمال الدين ..




.
 

سليل الجود

عضو مخضرم
مرحبا أختي


باجر أن شاء الله سنكون متواجدين بالمطعم..!!

وعندي بعض الأستفسارات..!!

السمج الموجود بس مشوي ومقلي وله فـيه مـرق بعد؟

وان شاء الله راح أطلب نقارير مشوية وشعوووم مرق أن وجد واذا مـافيه راح أطلب الشعوم مـقلي..!!

وراح أطلب بياح مـشوي وربيان كذالك..!!

خلوا القطاوه تتيمع عند بيتنا باجر :p

ترى احنا زملاء واخوان

والمفروض نعزم بعض بارك الله فيك :(

 

عزيز نفس

عضو مخضرم
عندي صديق عزيز ويعتبر أكثر شخص أمون عليه

كل فترة نفضي أنفسنا ونطلع نسوي مساج وحمام مغربي ونحلق ونتغدا أو نتعشا

ومافي معهد أو مطعم ما جربناه

والمرة القادمة ستكون لهذا المعطم وبقول للجرسون أبي نفس طلب ريما !

تهقين بيعرفج؟ :D
 

Normal

عضو مخضرم
صار...انا علي السمج والطبخ..
وانتى عليج الباقي..
المحل ...والايجار ...الخ
;)

ما تبون واحد يخلّصكم من البلديه والتجاره والصحه والشئون وخلافه

مجانا ..

بس تتحمّلون الخساير والعزايم ..
 
أعلى