ابى فزعتكم معاى ....... مهم

[مساعد الشويب]

بسم الله الرحمن الرحيم

يشباب انا انشالله ناوى هسنه اصيف فى ميونخ \ زلمسى \ فيينا

مع العلم ان هذى اول مره اسافر اوروبا يعنى ضااااايع طبعا رايح انا واخوى وفلوسنا 3000 دينار

شامل كل شى ولمده 13 يوم اتمنى انكم تفيدونى لن اول ما انزل فى مطار ميونخ بصراحه انا والاطرم وااااحد

علمونى اشلون الطريقه مثل استلام الجناط وختم الجوازات وغيرها


مع تحيات كويتى ضايع

والحياة تجارب

 

[ريما القمر]

علمونى اشلون الطريقه مثل استلام الجناط وختم الجوازات وغيرها​

القاعدة الذهبية لكل واحد داج بـأي مطار ..​

إذا طلعت من الطيّارة إلحق المسافرين معاك بنفس الطيارة ..​

وين يروحون .. روح معاهم ..​

عادةً تلقى لافته مكتوب عليها baggage​

وفيها هالصورة ..​

.​

 

[keek]

وشالله حادك ترووح ديره ماعندك معلومات عنه


اقول دام معاك هالمبلغ3000دينار

ليش ماتقعد شهر (( بطنجه ))

وتريح بالك

 

[بن سالم]

بسم الله الرحمن الرحيم

يشباب انا انشالله ناوى هسنه اصيف فى ميونخ \ زلمسى \ فيينا

مع العلم ان هذى اول مره اسافر اوروبا يعنى ضااااايع طبعا رايح انا واخوى وفلوسنا 3000 دينار

شامل كل شى ولمده 13 يوم اتمنى انكم تفيدونى لن اول ما انزل فى مطار ميونخ بصراحه انا والاطرم وااااحد

علمونى اشلون الطريقه مثل استلام الجناط وختم الجوازات وغيرها


مع تحيات كويتى ضايع

والحياة تجارب

اللًة يهداك, تبي تسافر وأنت حتي ما تعرف شلون طريقة أستلام الجناط وختم الجوازات !!!!!

انا أقول لواهيب الكويت زينة ، وفلوسك 3000 دينار طقلك فيهم طراد 21 قدم وحوس بالاقواع

تري واجد أبرك.

 

[سلفر]

وشالله حادك ترووح ديره ماعندك معلومات عنه


اقول دام معاك هالمبلغ3000دينار

ليش ماتقعد شهر (( بطنجه ))

وتريح بالك

خخخخخخخخخخخخخخخخخخخخخخخخ
وانا اخذني محمول مكفول
واصير لك مرشد سياحي

 

[مساعد الشويب]

يشباب عن العياره والعبط

فيدونى قبل لا اتوهق

 

[ام عزوز]

اخوي خلك ورى المسافرين ولا تخاف راح تمشي الامور على ما يرام

وبعدين خل معك خرده عشان العربه اللي تشيل فيها الشنط لان العربة تكون مربوطه بسلسلة حط القطعة

النقدية وبعدها تنفك معك العربه وخل معك بالطو او بلوفر لانه ممكن يكون مطر وبرد

واذا خرجت من المطار تلاقي تكاسي عطهم عنوان فندقك وهم يوصلونك

واذا مو حاجز فندق راعي التكسي راح يوديك

تطمن اخوي والله يسهل لك لكن حرص على جوازك

 

[رونق]

اكيد بتلاقي بالصيف الكثير من العائلات الكويتيه هناك

اسألهم لاتستحي

لاتحاتي بالصيف محد يضيع بالسفر.​

 

[العتيبي Q8]

اللًة يهداك, تبي تسافر وأنت حتي ما تعرف شلون طريقة أستلام الجناط وختم الجوازات !!!!!

انا أقول لواهيب الكويت زينة ، وفلوسك 3000 دينار طقلك فيهم طراد 21 قدم وحوس بالاقواع

تري واجد أبرك.

ههههههههههههههههههههههههههههههه

 

[مساعد الشويب]

الله يعطيكم العافيه وبصراحه هذا الى كنت ابيه ابى التشجيع منكم

ومع هذا انا لحد الحين فى انتظاركم وعطونى رايكم عن زلمسى

 

[الدكتاتور]

با ختصار مدام انك رايح هالدول خلك مع نظام القروبات ينظمها لك مكتب السفريات وارتاح وخل عنك التحلطم

ومبلغك اللي معاك راهي عليك وزود

واذا تبي شي بهالدول انا حاضر حدد طلبك

 

[ابوعبداللطيف...!!]

نصيحه
انتا ماراح تضيع بالمطار شي طبيعي لو مواطرم لو عمي..
بس ياخوووووك بتروح انت مع اخوك ميونخ \ زلمسى \ فيينا وشامل كل شي ماانصحك ؟
اذا فيييك روحه اختار مكان واحد وقعدلك سبوع حده حده حده 3000 موكااافي ميونخ \ زلمسى \ فيينا

اتمنى تكون رحله سعيده

 

[مساعد الشويب]

اى والله اخوى الدكتاتور راح ازعجك بلااسأله بس تحملنى

الحين كل شى اوكى وعارف كل شى لكن عندى مشكله صغيره بس ولحد يضحك على لنى صج موعارف

انشالله اذا برد لكويت ورحت مطار ميونخ اشلون ادبر نفسى لنى ما راح افهم اى شى

ولا تنصحنى قبل لا اروح اخذلى واحد من شارع سنتر ميونخ يتحجى عربى ويعلمنى

 

[!...ωαнαм...!]

اخوي معك لغه انجليزيه ؟؟

اذا معاك لغه انجليزيه مراح تضيع يالغالي

 

[ابو سعود الحميدى]

حبيب قلبى خذها منى اول ما تنزل من الطياره خلك مع الركاب وين مايروحون روح وياهم وراح يظبط شغلك وبعدين تلاقى عرب وايد شغلتهم يخلصون لك شغلك لاا واذا تبى تاخذه وياك يروح معاك طول سفرتك يجيك من الصبح لين بليل ويروح وتحاسبه يومى او تاخذه طول السفره بس انا انصحك تحاسبه يومى علشان امتى مابقيت تكشه تقوله توكل والله يسعد بسفرتك واذا تبينى اروح وياك هم انا حاظر

 

[موبي]

بسم الله الرحمن الرحيم

يشباب انا انشالله ناوى هسنه اصيف فى ميونخ \ زلمسى \ فيينا

مع العلم ان هذى اول مره اسافر اوروبا يعنى ضااااايع طبعا رايح انا واخوى وفلوسنا 3000 دينار

شامل كل شى ولمده 13 يوم اتمنى انكم تفيدونى لن اول ما انزل فى مطار ميونخ بصراحه انا والاطرم وااااحد

علمونى اشلون الطريقه مثل استلام الجناط وختم الجوازات وغيرها


مع تحيات كويتى ضايع

والحياة تجارب

نصيحتي لك، وفر فليساتك و روح أبها و الا الطايف ابرك لك و خل ميونخ و فيينا حق أهلها.

بالتوفيق،،

 

[abo_ahmad_k]

يبا عطني ال 3000 دينار استثمرها لك

واروح عنك واضبطك


بس زلمسي تسوى المغامره جرب وماراح تخسر

 

[الدكتاتور]

اى والله اخوى الدكتاتور راح ازعجك بلااسأله بس تحملنى

الحين كل شى اوكى وعارف كل شى لكن عندى مشكله صغيره بس ولحد يضحك على لنى صج موعارف

انشالله اذا برد لكويت ورحت مطار ميونخ اشلون ادبر نفسى لنى ما راح افهم اى شى

ولا تنصحنى قبل لا اروح اخذلى واحد من شارع سنتر ميونخ يتحجى عربى ويعلمنى

محلوله ...

ماكو مشكله عزيزي روح لحاره العرب بجانب سنتر ميونخ روح للشيشه صاحبها لبناني اسمه توفيق طق لك راس شيشه عنده وتقهوه وعين من الله خير وقوله ابي واحد عربي يوصلني المطار ويدقلك على تاكسي جزائري او ليبي او اي عربي .. او من العرب اللي بالشيشه وانت بالطريق رايح مع التاكسي قوله خله يوصلك الكاونتر ويدخل جناطك ويأشرلك على البوابه اللي تطلع منها وسلامتك وتعيش واي سؤال حاضر من اسالتك اللي تضحك

 

[مساعد الشويب]

يمعود لا توهقنى اخاف اروح لشيشه ويطلع توفيق موموجود عاد وين احصله اوين احصلك وتوهق

تلقانى اشتقل فى محل بيتزا حتى ادبر فلوس رجعتى


بصراحه ما قصرتو يشباب واخص الدكتاتور الى تحملنى على اسألتى الى ما درى اشلون صايره بس

بصراحه انا من عشاق المغامره تخيلو كنا 5 اشخاص الى بنروح وانسحبو واحد واحد وصرت هجمه انفراد بروحى

للمانيا ولكن لن ننسحب نعم لنكبه نعم لدجه نعم لضياع لاللأنسحاب هذا شعارى

وانشالله طيارتى بتاريخ 3\7\2010 الساعه 05\ونص العصر الى حاب يسلم على قبل لا اتوهق اينى المطار

وانشالله راح اييبلكم تقرير مفصل عن الرحله والاماكن الى توهقت فيها وانشالله راح اخذ صوره تذكاريه مع مدير شرطه ميونخ

الف شكر لكم جميعا

 

[!...ωαнαм...!]

هههههه سفره سعيده يالغالي ولا تشيل هم

امورك بتتيسر باذن الله

كن مع الله وتوكل عليه

يمعود لا توهقنى اخاف اروح لشيشه ويطلع توفيق موموجود عاد وين احصله اوين احصلك وتوهق

تلقانى اشتقل فى محل بيتزا حتى ادبر فلوس رجعتى


بصراحه ما قصرتو يشباب واخص الدكتاتور الى تحملنى على اسألتى الى ما درى اشلون صايره بس

بصراحه انا من عشاق المغامره تخيلو كنا 5 اشخاص الى بنروح وانسحبو واحد واحد وصرت هجمه انفراد بروحى

للمانيا ولكن لن ننسحب نعم لنكبه نعم لدجه نعم لضياع لاللأنسحاب هذا شعارى

وانشالله طيارتى بتاريخ 3\7\2010 الساعه 05\ونص العصر الى حاب يسلم على قبل لا اتوهق اينى المطار

وانشالله راح اييبلكم تقرير مفصل عن الرحله والاماكن الى توهقت فيها وانشالله راح اخذ صوره تذكاريه مع مدير شرطه ميونخ

الف شكر لكم جميعا