حجز تذاكر العمره عن طريق النت ( سؤال )

الفراشة

عضو مخضرم
%D8%A7%D9%84%D9%83%D8%B9%D8%A8%D8%A9%20%D8%A7%D9%84%D9%85%D8%B9%D8%B8%D9%85%D8%A9%202.jpg






السلام عليكم ورحمة الله وبركاته

بما أنه ماشاء الله عندنا مجموعه من الأعضاء الخبره بالسفر ......


عندي استفسار ... إن شاء الله أنا ناوية أروح اعتمر ... وحابه أني أحجز عن طريق النت

فلذلك أتساءل :


1- كيفية الحجز عن طريق النت ؟؟ وهل هي مضمونه ؟


2- أفضل المواقع للحجز عن طريق النت ( أقصد الحجز للعمره ) ؟


3- عندي خدامة الوالده نبي نحجز لها هل يتم حجز الفيزا عن طريق النت ؟ أو أسويلها فيزا سعودية بعدها أحجز لها عن طريق النت ؟؟؟


4- هل هناك مواقع لحجز المواصلات من المطار وإلى الفندق متوفره ومضمونه ؟



وفي الختام ... أكون شاكره لكم ...
 

ريما القمر

عضو مخضرم
.




1- كيفية الحجز عن طريق النت ؟؟ وهل هي مضمونه ؟


مضمونة جداً ..

دخلي الموقع ودخلي الأيام اللي انتي تبينها ..

و تتبعين الخطوات ..

أغلبها متوفره فيها اللغة العربية ..

وطريقة الدفع إما بالكي نت أو الفيزا والماستر كارد ..

ومافيها تعقيد ..

يرسلون لج على الايميل تفاصيل الحجز اطبعيها وتوكلي على الله ..​




2- أفضل المواقع للحجز عن طريق النت ( أقصد الحجز للعمره ) ؟

تقدرين تجربين الجزيرة أو الوطنية أو الكويتية ..

السعوديه ماجربتها كـ حجز بالنت ..

لكنها الناقل الأفضل لـ جدة بالنسبة لي ..​


3- عندي خدامة الوالده نبي نحجز لها هل يتم حجز الفيزا عن طريق النت ؟ أو أسويلها فيزا سعودية بعدها أحجز لها عن طريق النت ؟؟؟


لا تسوين لها بالسفارة السعوديه ..

أو مكاتب تخليص المعاملات ..


4- هل هناك مواقع لحجز المواصلات من المطار وإلى الفندق متوفره ومضمونه ؟

مطار جده المواصلات فيه متوفرة وشركة وحده ماسكتها وبسعر محدد ..

مايزيد عن 130 أو 150 ريال ..




لج :وردة:​


.​
 

الفراشة

عضو مخضرم
تسلمين ريمي على الأجابه ...

بس بغيت روابط لبعض هذه المواقع المجربة .... ماعليش أمر ...:وردة:
 

ريما القمر

عضو مخضرم
تسلمين ريمي على الأجابه ...

بس بغيت روابط لبعض هذه المواقع المجربة .... ماعليش أمر ...:وردة:


شوفي أحلى مافي حجز النت ..

الصيدات .. ;)

حاولي تستغلين العروض والأوقات اللي فيها خصومات ..

وحاولي تغيرين بالأيام والأوقات عشان تحصلين سعر أفضل ..

لكن ديري بالج ترا أحياناً تكون السفريات أرخص من سعر النت ..



الجزيرة ..


http://www.jazeeraairways.com/Default.aspx?Lang=Ar

http://www.jazeeraairways.com/

الوطنية ..



http://www.wataniyaairways.com/arb/index.jsp



الكويتيه ..



http://www.kuwaitairways.com/default.aspx?pageId=48




.​
 
شوفي في طيران الوطنيه يودي جده ارخص وبخصوص حجز الفنادق احجزي عن طريق مكتب سفريات احسن وبخصوص الخدامه الفيزا بالمطار احسلج واذا ما تعرفين اتحجزين عن طريق النت لا تغمرين وانصحج احجزي عن سفريات طريقت النك ادوخج اشوي وسلامتج
 

إنفصام

عضو بلاتيني
الاخت ريما القمر ماقصرت يعطيها العافيه


بخصوص فيزا الخدامه انتي مخيره بين امرين

انا فيزت لخدامة امي مقابل رسوم 400 ريال في منفذ بري ...لا اعلم اذا المطارات عندهم نفس الخدمه

او

فيزا عن طريق السفاره السعوديه والرسوم اقل ..مو اكثر من 20 دينار ..ان شاءالله مو ناسي

رأيي ( وانتي حرة) تسوين فيزا من السفاره السعوديه وترتاحين ..ارخص واضمن

مو شرط تروحين ..اي مكتب تخليص معاملات يقدر يسويها لكم

وتقبل الله طاعتكم
 

ابو هزاع

عضو مميز
رأيي ( وانتي حرة) تسوين فيزا من السفاره السعوديه وترتاحين ..ارخص واضمن




خاصة لا كان موظف البنك في المطار ما يمسك الأرض


والا السستم مهو متعافي واللي أنت خابره من هالأمور
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
الزميلة الفراشه ...

حجز الطيران مافي مشكله ..

لكن ممكن المشكله بتكون بحجز الخادمة بالنسبة لاسمها وحوسة جوازها فاحجزي لها عن طريق المكتب ..

حجز الطيران بالنسبة للعمرة تقريبا نفس المكاتب مافي فرق بينهم إلا في حالة عروض وصعبه بالذات لمكه لان خطها شغال طوال العام ما يحتاج عروض ..

الخدامة سوي لها فيزا عن طريق السفارة على شان لا تتبهدلين بالمطار ( مع اني ما جربت فيزا عن طريق المطارات ) وبنفس الوقت يمكن تتاخرين ..

الفنادق في بالنت مواقع وايضا المكتب ...

عموما انا برأيي بشكل عام احجزي عن طريق مكتب وريحي بالج افضلج من النت بالنسبة للعمرة فقط لان اسعارهم حيل متقاربه ..

بالنسبة للمواصلات ..

تاكسي او باص جماعي 130 الى 150 ريال والباص دبل سعر السيارة العادية اول ما تطلعين من الباب وياكثرهم ..

وهذا موقع لكل شي وحددتج الصفحة على طول لفندق هتلون وشدي حيلج باللغة الانجليزية :D

http://www.expedia.com/pub/agent.dll

موقع مجربه من قبل بس مو لمكه ..
 

محمد1

عضو ذهبي
بخصوص حجز التذكره مضمون ويستحسن دش على رابط الاخت وقاارنى بالسعار وحجز الفندق أنصحك من السفريات أضمن لن بنت مافي كل الفنادق وخصوص المواصلات متوفره وبكثره ومضمونه من قدام المطار والتوصيل من 150 الى 200 ريال للفندق .
 

الدكتاتور

عضو مميز
الزميله العزيزه الفراشه ...

نصيحه اخويه عندج عروض سفريات المدينه المنوره ومقرهم بخيطان بجانب البنك الوطني

عروضهم ابلاش ليلتين يعني ثلاثه ايام بفندق دار التوحيد او الهيلتون او فندق زمزم الجديد مع افطار مع التذكره شامل تقريبا 160 للشخص اذا مو اقل لانهم متخصصين بالعمره

وعندج سفريات المكتب بشرق هم عروض نفس الشي تقريبا على 170 دينار

لاحجز وعوار راس ولاشي أستلمي الفاوتشر من المكتب وروحي المطار .... ومن جده الى مكه تقريبا من 150 ريال الى 200 ريال حسب السياره

وانصحج بفندق دار التوحيد غرفه مطله على الحرم تدفعين زياده على ما اظن 20 دينار

وبالنسبه للخدامه عندج مكتب الجزيره لتخليص المعاملات عن طريق السفاره السعوديه عنده فرعين واحد خلف النقره الشمالي وواحد بمجمعات جليب الشيوخ

تعطينهم جواز الخدامه مع رسوم اذا ماني غلطان 20 دينار واعتقد صور شخصيه وخلال يومين او ثلاثه يخلصونه لج وترتاحيين

ودعواتج لنا

وسلامتج
 
أعلى