شمري كويتي
عضو مخضرم
مرسيدس 600 بولمان
MERCEDES 600 PULLMAN
سيارة مرسيدس فخمة
كان يستخدمها رؤساء الدول و كبار الشخصيات
منقول
أختي الفاضلة ربما
هل تقصدين سوق الرجعان اللي في خيطان
وهل لازال موجود أو تغير اسمه ؟
وبالنسبة لسيارة نايتي ايت اولدز موبيل
كانت هي والكدلك
من أفخم السيارات الامريكية في وقتها
وبعدهم في الفخامة الشفر والبيوك
اولدز موبيل نايتي ايت موديل 1981 باب واحد
الله
كان عندنا سوداء والكشنات مخمل
شكرا اخوي شمري كويتي على الصورة
رجعتني لأيام حلوة
استدراك/
اربع بيبان مو باب واحد اظن
إذا تملك صورة نزلها اخوي العزيز خلني اكحل عيوني الخضرا
العفو أختي العزيزة
ابشري راح أنزل صورة السيارة اللون الاسود
الكشنات مخمل أي لون هل تذكرين
انا اللي يذبحني هو اللي يحن لايام الخمسينيات والستينيات ...والله ثم والله ايام قشره كان بيتنا بالمرقاب خلف مستوصف المرقاب حفاي فقراء ابيع باجلا ونخي في الصفاه والماي نشربه حار من البرمه او الحب مالح .... لابيلر في الشتاء ولامكيفات سنعه في الصيف الا وين وين اللي عنده مكيفات ماركه عنتر وجيبسون ...التلفزيون قناه وحده وناطرينها نطره ويسكر تالي الليل وبرامجه خرطي وماكو احد عنده سياره كل فريج يمكن سياره وحده سكراب ماركه بلايموث ولابيجو بكس ولاشفر .... كانوا يعطونا للمدارس ٢٠ فلس نشتري فيها بسكوت مينو ...لافليك ولاسنيكر ... لاتلفونات ولاتواصل اجتماعي ...الحاله حاله .. . ايام قشره الله لايردها ....لا ويبط جبدك لما يطلع واحد يحن على ذيج الايام .....
اشتقت لمريول المدرسة ولحصة العربي .
للهدة .
لعيال الفريج اللي كانو ينطروني عند بيت بوعثمان .
لسوق الرجعان .
للنايتي ايت .
اشتقت لوجهي المنعكس على باب صالتنا الالمنيوم أبو الاضلاع الزجاجية النظيفة دائما .