سؤال وجواب شلون اخليه ريال؟

جواهر*

مشرفة
طاقم الإشراف
السلام عليكم ورحمة الله

أختكم فوضت امري لله
تطلب نصيحتكم وخبرتكم في تربية الاولاد

عندي ولدي وحيدي عمره 10 سنين الحمد لله متفوق بدراسته

ابي خبرتكم وتجاربكم في تربية الاولاد ماعندي واحد عنده
خبره اساله قلت استعين بأخواني الاعضاء وخاصة اللي عنده اولاد مراهقين

اسمع عن المستشارين حق الأسرة والتربية بس صعب اوصلهم

أبي ولدي يعتمد على نفسه وابي شجاع وواثق
وسند وظهر مستقبلا بإذن الله لاخته الوحيده

فهل ستفيديني بخبراتكم

فعلا تربية الولد صعبة والله يعيني عليه ويهدي ويهدي عيالكم اللهم آمين
 

Modest

عضو بلاتيني / الفائز الأول في دوري الشبكة الوطنية
فائز بمسابقة الشبكة الرياضية
يطلع مع ابوه او عمه للديوانيات على شوي شوي ..

والامر اعتقد بشكل عام ماله علاقة بالتعلم ان ما تعلم اهو بروحه ..

بس مثل ما قلت الاهم انه يختلط مع الناس اكثر وبالاول مع اقرب الناس له يجلس معهم بالديوان او يطلع مع خواله يشوف العالم ...
 

كاسك يا وطن

عضو بلاتيني


التربيه ما تنفع ..
لو تقعدين اتربين من اليوم .. لـ باجر ..
اهو .. على حسب معدنه ..
فالصفات جميعها .. يتم توراثها بالجينات ..
وليس للتربيه اي علاقه ..!


على سبيل المثال..
صفة الغيره .. تكون موجوده بالدم .. ما تنزرع !

 

صريح حيل

عضو بلاتيني
أنا ما راح أزيد عن اللي اتفضلوا فيه أخواني
بس في العطلة هذي دخليه نادي رياضي تعليم كراتيه لأنه الكراتيه قبل لا يكون تدريب بدني فهو تدريب عقلي ونفسي

ثانيا
دخليه حلقات تحفيظ القرآن لأنه راح يحتك مع مجموعة شباب في عمره ومختلفين الطباع
ولكن الضمان الوحيد انهم ما راح يعلمونه شيء مسيء له
هذا بالإضافه أنه يستفيد من خلق القرآن ويحصن نفسه
 

هورايزن

عضو بلاتيني
ترسيخ مبادئ ثلاث

الصلاة

الاخلاق

الدراسة

والباقي لا تركزين

واذا طافته الصلاة لا تدققين

وليس سيد قومه بالغبي ... إنما سيد قومه المتغابي

أعطيه أنتي الثقة وعززي شخصيته بهذه الثقة

واجعلي عنده رقابة ذاتية ... تبنى بالتوجيه من بعيد لبعيد


الله يحفظه
 

الزيــــــــــن

عضو بلاتيني
خليه يطلع مع ابوه دايما او يقعد مع خواله او عمامه بالديوانيه ,

لا تقعدينه مع الحريم لا تاخذينه اذا سيرتي على رفيجاتج مثلا

اطلبي رأيه في بعض الامور , سولفي معه في بعض المشاكل الي تصادفج بالدوام مثلا
اطلبي رأيه خليه يفكر شلون يحل المشاكل (الله لا يجيبها )

حسسيه انه مهم ,
اتركيه يتعامل مع الناس مثلا اطلبي منه يجيبلج خضرة من الجمعيه او يجيب نفنوفج من الخياط حتى لوكان مع ابوه اتركوه اهو يتصرف , لا تعلمينه الخوف من الناس وتبينيله ان كل الناس مو زينين عشان لا يكش منهم .

الله يخليه لج ويبلغج فيه

اذا حضرني شي ماراح اقصر :)


 

جواهر*

مشرفة
طاقم الإشراف
جزاكم الله خير يا اخوان على النصايح
ومشكورين وانا ما سألتكم إلا لاني ادري ان فيكم اصحاب خبرة

وتجربة مع عيالكم
حبيبتي الزين مرحبا بعودتج فقدتج ومشكورة على النصيحة

مشكلة ولدي انه الريال الوحيد بحياته هو خاله الوحيد ربي يحفظهم اثنينهم فهمتم القصد.:.

وخاله مو مقصر بس ينشغل مرات عنه

جذي طلبت مشورتكم لانه فعلا الامر متعب والتفكير فيه

كاسك ياوطن في شغلات وراثية ماله علاقة بالتربية وفي شغلات الأهل
يزرعونها بعيالهم ومو المجال هني لذكر هذي الاشياء

شكر لكم جميعا.
 

أبوأحمد2010

عضو ذهبي
هو أحمد بن محمد بن حنبل بن هلال بن أسد بن إدريس بن عبد الله بن حيان بن عبد الله بن أنس بن عوف بن قاسط بن مازن بن شيبان بن ذهل بن ثعلبة بن عكابة بن صعب بن علي بن بكر بن وائل بن قاسط بن هنب بن أفصى بن دعمي ابن جديلة بن أسد بن ربيعة بن نزار بن معد بن عدنان [ مناقب الإمام أحمد بن حنبل لابن الجوزي ص 38 ]. ، ولد عام 164 هجري الموافق 780 ميلادي، في بغداد و أصله من البصر ، توفي والده وهو صغير ، فنشأ يتيماً ، وتولَّت رعايته أمه . وتنقّل بين الحجاز واليمن ودمشق. سمع من كبار المحدثين ونال قسطاً وافراً من العلم والمعرفة، حتى قال فيه الإمام الشافعي: "خرجت من بغداد فما خلّفت بها رجلاً أفضل ولا أعلم ولا أفقَهَ من ابن حنبل" . وعن إبراهيم الحربي، قال: "رأيت أحمد ابن حنبل، فرأيت كأنّ الله جمع له علم الأوّلين والآخرين من كل صنف يقول ما يشاء ويمسك عمّا يشاء". ولم يكن ابن حنبل يخوض في شيء مما يخوض فيه الناس من أمر الدنيا.




الله يخليلك اولدك وتشوفينه ريال ولا كل الرياييل صدقيني يازميلتي مهما نسوي مع عيالنا المصلح هو الله لكن شي اكيد لازم احنا نبذل اسباب نجاحهم

انا اشوف ان الأختلاط مع الأقران من اروع اساليب التعليم وركزي علي الجانب الديني

وسلامتج
 

جواهر*

مشرفة
طاقم الإشراف
يالله الجنة الله جزاك الل خير على الإفادة

صدقت اخوي بارك الله فيك نبذل الاسباب مع التوكل على مسبب الاسباب

واكيد الجانب الديني مهم مو ناسية هذا الشيء

وعسى الله يهدي الجميع ويوفقنا لكل خير
 
السلام عليكم

اختي الكريمه دخليه مراكز تحفيظ القرءان

لان عندي اخوي مدخل عياله ماشاء الله عليهم ادب واحترام

ورجال بمعنى الكلمه

انا انصحك بالمراكز التعليميه الدينيه

والله يخليه لك ويتربى بعزك ان شاء الله
 

كاسك يا وطن

عضو بلاتيني

كاسك ياوطن في شغلات وراثية ماله علاقة بالتربية وفي شغلات الأهل
يزرعونها بعيالهم ومو المجال هني لذكر هذي الاشياء
.​




ليش ما تذكرينها اهني ..؟ ليش ماكو مجال ..؟
قولي .. علشان نستفيد منج .. مثل ما تستفيدن منا ..!
عموما ً ..
البنيه تقدرين تربينها .. وتعلمينها على انها تمشي بإي طريج ..
بس الولد ..
قطيه بوسط الناس .. والبشر .. والمجتمع ..
خليه يتعلم .. وراقبيه من ابعيد ..
شوفيه .. شنو يسوي ..
لأنه بالنهايه .. ريال ..
خليه يتوهق .. يطيح بمشاكل ..
وخليه بنفسه .. اهو يطلع نفسه من هالمشاكل ..
علشان ايكون معدنه .. مثل الصخر .. صلب .. قوي ..


 

Na9r.Q8

عضو فعال
اختي الكريمة

اعتقد اهم ركيزة للتربية هي هدم اي جدار يعزلك عن ابنك

بمعنى ان تعوّدينه على أن يبوح لك ما في قلبه .. وان لا يخفي عليك شيئا ً

عوديّه على ان لا يخاف من النقاش معك .. وعوديّه على ان لا يخاف من الاعتراف باخطاءه إن اخطأ

والاهم من كل ذلك يجب ان تكون له قدوة حسنه .. فالقدوة الحسنه لها بالغ الاثر في سلوك الابن

فـ لا فائدة من التربية والتلقين والتثقيف إن كان كل هذا على نقيض من مربيّـه وقدوته .. فهذا التناقض يهدم كل تعب وجهد مبذول تجاهه ..

عموما ًعسى الله يصلحه ويهديه ويبلغج فيه معرس ..

تقبليّ تحياتي
 
شغلي له افلام اكشن ورعب وطفي الليت عليه شوي شوي

وقفلي الباب عليه ":.

وحاولي تهفينه كف من قلبج على الخفيف وانتي مغمضه عيونج , ومره كف جامد حتى لو بدون سبب اختلقي الاسباب وحاولي تتهمنيه بشيئ هو ما سواه شوفي عيونه تنقز فوق او بليد عادي الامور عنده
متساويه !! وشجعي البنت اخته ودلعيها قدام عيونه وسببي القهر له شوي

الله يخليهم لج ويحفظهم من كل شر ":.
 

Na9r.Q8

عضو فعال
نقطة مهمة :

لا تدلعونـه .. :إستنكار:

الدلع وما ادراك ما الدلع ..

إن تلبية جميع مطالبه بشكل قد يؤثر سلبا ً عليه لا تخدم ابدا ً .. وقد تكون وبال عليكم لا قدرّ الله

فـ الدلع .. يخلق الانانية عند الطفل .. ويعوّده على ترسيخ مبدأ اكتساب كل ما يريده ..

فـ هذا خطأ كبير .. قد يهدم أي اساس للقناعة لدى الطفل ..

الشيء الاخر ..

اتبعّي مبدأ الثواب والعقاب ..

وايضا ً حاولي ان تتبعي مبدأ الترغيب لكل ما هو في صالح الطفل ..

كـ عرض عليه هديّه معيّنه تناسب سنه مقابل مثلا ً ان يحفظ جزء من القرآن .. أو يقرأ كتاب أو قصة مفيده ..

وهكذا دواليك إلى أن يتشربّ القراءة وتجري في دمّه .. فالقراءة كنز .. والكتاب خير جليس ..

تقبليّ تحياتي للمرة الثانية
 

جواهر*

مشرفة
طاقم الإشراف
السلام عليكم


اختي الكريمه دخليه مراكز تحفيظ القرءان

لان عندي اخوي مدخل عياله ماشاء الله عليهم ادب واحترام

ورجال بمعنى الكلمه

انا انصحك بالمراكز التعليميه الدينيه


والله يخليه لك ويتربى بعزك ان شاء الله

اخوي كويت مشكور على النصيحة وبإذن الله بسجله بنادي مفيد

بارك الله فيك
 

جواهر*

مشرفة
طاقم الإشراف
ليش ما تذكرينها اهني ..؟ ليش ماكو مجال ..؟
قولي .. علشان نستفيد منج .. مثل ما تستفيدن منا ..!
عموما ً ..
البنيه تقدرين تربينها .. وتعلمينها على انها تمشي بإي طريج ..
بس الولد ..
قطيه بوسط الناس .. والبشر .. والمجتمع ..
خليه يتعلم .. وراقبيه من ابعيد ..
شوفيه .. شنو يسوي ..
لأنه بالنهايه .. ريال ..
خليه يتوهق .. يطيح بمشاكل ..
وخليه بنفسه .. اهو يطلع نفسه من هالمشاكل ..
علشان ايكون معدنه .. مثل الصخر .. صلب .. قوي ..

هلا باخوي كاسك ياوطن اعطيك مثال الولد لمى يشوف من صغره ابوه يروح للمسجد ويصلي

ويعامل والدينا معاملة زينه لمى يكبر يقلد ابوه ويعامل ابوه بالمثل..

البنت لمى تكون مع امها بتجمع الحريم بعزيمة ولا غيرها تشوف امها طول الوقت

تتكلم فلانة جذي وفلانة قالت جذي وتضحك مع وحدة وتمدحها وعسى ماقامت ثواني حشت فيها ... البنت لمى تكبر تسوي جذي مع رفيجاتها بالمدرسة وغيرها

هذا مثال بسيط

والله يبارك فيك وبعيالك
 

جواهر*

مشرفة
طاقم الإشراف
شغلي له افلام اكشن ورعب وطفي الليت عليه شوي شوي

وقفلي الباب عليه ":.

وحاولي تهفينه كف من قلبج على الخفيف وانتي مغمضه عيونج , ومره كف جامد حتى لو بدون سبب اختلقي الاسباب وحاولي تتهمنيه بشيئ هو ما سواه شوفي عيونه تنقز فوق او بليد عادي الامور عنده
متساويه !! وشجعي البنت اخته ودلعيها قدام عيونه وسببي القهر له شوي

الله يخليهم لج ويحفظهم من كل شر ":.


اخوي بو عبد الله شنو هذي النصيحة الله يهديك؟؟؟:confused::confused:

وشكرا للدعاء وربي يحفظك والمسلمين من كل شر
 

جواهر*

مشرفة
طاقم الإشراف
اختي الكريمة

اعتقد اهم ركيزة للتربية هي هدم اي جدار يعزلك عن ابنك

بمعنى ان تعوّدينه على أن يبوح لك ما في قلبه .. وان لا يخفي عليك شيئا ً

عوديّه على ان لا يخاف من النقاش معك .. وعوديّه على ان لا يخاف من الاعتراف باخطاءه إن اخطأ

والاهم من كل ذلك يجب ان تكون له قدوة حسنه .. فالقدوة الحسنه لها بالغ الاثر في سلوك الابن

فـ لا فائدة من التربية والتلقين والتثقيف إن كان كل هذا على نقيض من مربيّـه وقدوته .. فهذا التناقض يهدم كل تعب وجهد مبذول تجاهه ..

عموما ًعسى الله يصلحه ويهديه ويبلغج فيه معرس ..

تقبليّ تحياتي


اللهم آمين ,الله يجزاك خير اخوي ناصر كلامك صحيح ونصايح مباركة بارك الله فيك

شكرا لك
 

جواهر*

مشرفة
طاقم الإشراف
نقطة مهمة :

لا تدلعونـه .. :إستنكار:

الدلع وما ادراك ما الدلع ..

إن تلبية جميع مطالبه بشكل قد يؤثر سلبا ً عليه لا تخدم ابدا ً .. وقد تكون وبال عليكم لا قدرّ الله

فـ الدلع .. يخلق الانانية عند الطفل .. ويعوّده على ترسيخ مبدأ اكتساب كل ما يريده ..

فـ هذا خطأ كبير .. قد يهدم أي اساس للقناعة لدى الطفل ..

الشيء الاخر ..

اتبعّي مبدأ الثواب والعقاب ..

وايضا ً حاولي ان تتبعي مبدأ الترغيب لكل ما هو في صالح الطفل ..

كـ عرض عليه هديّه معيّنه تناسب سنه مقابل مثلا ً ان يحفظ جزء من القرآن .. أو يقرأ كتاب أو قصة مفيده ..

وهكذا دواليك إلى أن يتشربّ القراءة وتجري في دمّه .. فالقراءة كنز .. والكتاب خير جليس ..

تقبليّ تحياتي للمرة الثانية


بهذي صدقت الدلع يخرب الياهل عن تجربة مع عيالي والله يعيني عليهم

مشكور مرة ثانية وحياك الله
 
أعلى