الشيخ سالم العلي الصباح (سالم الخير)

Shja3

عضو مخضرم
الاخوان اعلاه .. المسألة ماهي نسبة وتناسب .. المسألة مجرد قناعة .. قناعة فقط .. كلنا موظفين ومتقاربين بطريقة الحياة .. ماني مجبور اركب سيارة اخر موديل ما اقدر ادفع اقساطه ولاني مجبور اروح اشتري تلفون اقساط .. لاني مجبور اهايط وابني بيت سرداب وثلاث ادوار وماني مجبور اسافر فرنسا بالتقسيط وماني ووالخ !!
اهم شي بالانسان القناعة يكون قنوع ويترك عنه المظاهر الكذابة .. الحكومة تتكفل فينا من المهد للحد بعد شنبي ؟؟ صدقوني انا وضعي عادي ومواطن عادي جدا جدا لاني من عيال بطنها ولاغيره .. بس عزيز نفس ومشتري راحتي وقنوع .. الانسان السوي مايورط نفسه على وهم من عضو مجلس امه مغمور يتكسب على حسابنا .. دمتم بود .


لو ماعليك امر

فسر مخالفة البنوك لشروط البنك المركزى بإنة الفائدة يجب ان تكون 4% من مو 7%

وهل هالمخالفة قانونية وللا لا واذا اهى مو قانونية شنو الحل في علاجها:D

من غير تهرب الله لا يهينك
 

bandr

عضو بلاتيني
لو ماعليك امر

فسر مخالفة البنوك لشروط البنك المركزى بإنة الفائدة يجب ان تكون 4% من مو 7%

وهل هالمخالفة قانونية وللا لا واذا اهى مو قانونية شنو الحل في علاجها:D

من غير تهرب الله لا يهينك


يابعد قلبي .. انا ماني خبير اقتصادي ولاني موظف بالبنك المركزي .. انا اتكلم بصورة عامة .. يعني الحين بتقنعني ان لو الفايده 1% بتختفي ثقافة المعاريض ؟؟
دمتم بود .

 

Shja3

عضو مخضرم
يابعد قلبي .. انا ماني خبير اقتصادي ولاني موظف بالبنك المركزي .. انا اتكلم بصورة عامة .. يعني الحين بتقنعني ان لو الفايده 1% بتختفي ثقافة المعاريض ؟؟
دمتم بود .

ياحبيبي السالفة مو محتاجة خبير اقتصادى او شي:D

يعنى لو تقولي 1+1=5 بقولك تساوى 2 بتقولي ليش الاخ محاسب عشان يعرف:D

السالفة ومافيها البنك المركزى قال الفائدة 4% والبنوك خلتها 7% وتغافل البنك المركزى

وهال 3% اخربت بيوت اوادم

فشرايك بهالمخالفة هل هى قانونية او لا :D

وبعدين الريال لة الاجر من الله ان فك كربة من كرب الدنيا على ناس مسلمين مظلومين
 
انا لاادخل بنية الرجل ولكن من اين له بهذا المال كله؟؟

سؤال وجيه من اين له بكل هذا المال الذي يكاد ان يعادل ميزانيات دول

اينه عن ابناء الكويت بالسابق ولماذا بهذا الظرف بالذات بدء يفتح خزائن الكرم الطائي

الله اعلم بنيته ولكن ليعلم كل شخص اننا اعزاء بديرتنا وبيت الزكاة يكفي الناس ويوزع المال على حسب حاجاتهم ولاداعي لهذه البهرجة والمرائاة

اهل الكويت لايحتاجون كل هذا الذل لكي تسد حاجاتهم والعفه اهم من هذا الموقف
 

ألب آرسلان

عضو بلاتيني
والله اني لست مطلوب ولله الحمد لو دينار واحد لا لبنك ولا لشخص او غيره

ولكن الله يبيض وجهك ياسمو الشيخ سالم العلي

فمساعدة المحتاج واجبه وانت أهلٌ لها

في موازين اعمالك إن شاء الله

وتخفيف ذنوب
 

User12

عضو فعال
الله يطول بعمره و يجزاه خير على مساعدته للمحتاجين ......

هذا شيء يحسب له عند الله .. ثم عند الناس اللي تفرح للمحتاج و تحب تشوف الناس كلها بخير و نعمه ..

عسى الشيخ سالم غني و بخير ... و عسى الله يفرج على كل ضايق

و الله لا يحدنا على الشيخ سالم و لا على غيره من الناس ..... يا ربي لك الحمد و الشكر ..
 

User12

عضو فعال
شعب من اغنى الشعوب وراتب الواحد فينا يصك الاف دينار بس سمع شيخ يتبرع راح ركض وكتب معروض !! بصراحه مو عارف الى متى تبقى ثقافة المعاريض !! يحكي لي احد الاصدقاء يعمل في بيت الزكاة يقول ياتي الينا مواطنون يركبون رنجات اخر موديل ويبي ندفع عنه قسط طايف او نكيش له مديونية من الغانم !! اذا اللي راكب رنج يروح بيت الزكاة .. ويتلحطم !! الفقير المعدم وين يروح ؟؟
اسئلة كثيره تحتاج الى تفسير ؟؟!! دمتم بود .



أنت تحتاج لنظافة قلب و خوف من الله .......
أستغرب منك و من كثيرين في هذا المنتدى ... أنتم في أي بيئة عشتم
و تربيتم و من علمكم أن تتشمتوا بأهل الحاجات و المضطرين و تشنعوا عليهم ؟!
إذا كان فيه ناس عندها رنج و تروح للجمعيات الخيرية و عليهم ديون بسبب
فسقتهم ....... هذا مو معناته أن كل الناس اللي عليهم ديون عندهم نفس الأسباب ...........
فيه ناس كثيرين أحوالهم المادية صعبة بسبب ظروف صعبة و حوادث مرت عليهم
و أمتصت كل مدخراتهم و اليوم تحاصرهم الديون من كل جهة ..

الواحد إذا شبع ما يقعد ينهق على الناس مثل الحمار
يقول الحمدلله و يترك الناس في حالها .. و يدعي للضايق
أن الله يفرج كربه أو على الأقل ما يوقف بطريقه ..
 

عزوز الاقرع

عضو بلاتيني
عجبي تعليق احد الاخوه و قال:
من اين لك هذا؟ ;);)
ياحبيبي السالفة مو محتاجة خبير اقتصادى او شي:D

يعنى لو تقولي 1+1=5 بقولك تساوى 2 بتقولي ليش الاخ محاسب عشان يعرف:D

السالفة ومافيها البنك المركزى قال الفائدة 4% والبنوك خلتها 7% وتغافل البنك المركزى

وهال 3% اخربت بيوت اوادم

فشرايك بهالمخالفة هل هى قانونية او لا :D

وبعدين الريال لة الاجر من الله ان فك كربة من كرب الدنيا على ناس مسلمين مظلومين
تقدر يا شجاع تقول لي منو يملك البنك التجاري؟
و منو اكبر(بين قوسين) اكبر مساهم بالبنك الوطني
و منو يملك الغالبيه باسم شركات اللي تسوي مرابحات و تسليف؟

و لك الحلاوه يا شجاع....:p
 

فهيدااان

عضو ذهبي
يعد الله اكبر كريم في الالفيه الثانيه واعتقد واجزم ان محد سوا سواته بالعالم . دفع 100 مليون دينار حق شعبه من حر ماله . غطا على حتم الطائي واللي ورا . واسمه لمع بتاريخ الرجال الكريمين .
 

وجه أمي

عضو فعال
..

رمضان باقي له شهر ولو كل صاحب حلال حط بنيته يطلع زكاته السنة للكويتيين المقترضين البسطاء راح تنحل سالفة القروض وتفتك الناس من همومها والتاجر بياخذ الأجر من رب العزة يعني الكل مستفيد .
 

عزوز الاقرع

عضو بلاتيني
رمضان باقي له شهر ولو كل صاحب حلال حط بنيته يطلع زكاته السنة للكويتيين المقترضين البسطاء راح تنحل سالفة القروض وتفتك الناس من همومها والتاجر بياخذ الأجر من رب العزة يعني الكل مستفيد .
يخلونهم المطاوعه ;)
مبطلين حلوجهم على الزكاه ...شنو قال
ابني فيها مستشفى في بلاد الزرقدشوان(وين تطلع)
او اسوي جامع في عاصمه الواقيزستان(ايضااا وين تطلع)

اخذ عندك:
بيت الزكاه قاعد يلف الزكاه و يحولونها حق ربعه بالخارج لامور سياسيه من الاخوان بمصر الى حماس و جماعتهم.
السلف يلفون الزكاه و يحولونها حق الارهابيين من طالبان الى غيره.
الشيعه: الخمس يعطونه بو فاكس و عاد مادري وين يحولها....;)


لو صج الزكاه تنصرف بالكويت لما شفت واحد عنده قرض.
 

القرار

عضو فعال
يخلونهم المطاوعه ;)
مبطلين حلوجهم على الزكاه ...شنو قال
ابني فيها مستشفى في بلاد الزرقدشوان(وين تطلع)
او اسوي جامع في عاصمه الواقيزستان(ايضااا وين تطلع)

اخذ عندك:
بيت الزكاه قاعد يلف الزكاه و يحولونها حق ربعه بالخارج لامور سياسيه من الاخوان بمصر الى حماس و جماعتهم.
السلف يلفون الزكاه و يحولونها حق الارهابيين من طالبان الى غيره.
الشيعه: الخمس يعطونه بو فاكس و عاد مادري وين يحولها....;)


لو صج الزكاه تنصرف بالكويت لما شفت واحد عنده قرض.


اول مره اشوف لك تحليل صح وفعلا" هذا اللي عند بيت الزكاة حق ربعهم والواسطات
 

sub kuwaity

عضو فعال
مو غريبه عليه ... شيخ من نسل شيوخ .. ودينه الاسلام ومن قبيلة عنزه الكريمة ... وقبل كل هذا ((كويتي )) .... !!!! تفداك الكويت كلها يا شيخ
 
أعلى