سؤال وجواب ورقه المبايعه بيني وبين المشتري كيف تكون؟

[Justice]

عندي بقي وبغيت ابيعه هل احتاج ورقه رسميه ام ورقه بيني وبين المشتري
وشنو اكتب فيها
افيدونا يا اهل القانون

 

[كاسك يا وطن]

بسم الله الرحمن الرحيم​

الكويت في .. \ .. \ 2010


تم بيع بقي نوعه ..... موديل ..... مصنوع في .... بقيمة ...... دينار كويتي ...

البائع
الاسم :
الرقم المدني :
رقم الهاتف :
التوقيع


المشتري :
الاسم :
الرقم المدني
رقم الهاتف
التوقيع​

 

[بوح الجروح]

^^^^^

وهل تعتبر رسمية عند القضاء, من الممكن يقول غصبوني على البيع

 

[Justice]

بسم الله الرحمن الرحيم​

الكويت في .. \ .. \ 2010


تم بيع بقي نوعه ..... موديل ..... مصنوع في .... بقيمة ...... دينار كويتي ...

البائع
الاسم :
الرقم المدني :
رقم الهاتف :
التوقيع


المشتري :
الاسم :
الرقم المدني
رقم الهاتف
التوقيع​

يعطيك العافيه
وهل الورقه تكون عن البائع ام المشتري؟
وهل يصح اني اطبعها بالطابعه واترك بعض الخانات للتعبئه وقت البيع
ولا لازم كلها تكون مكتوبه بخط اليد؟

 

[Justice]

^^^^^

وهل تعتبر رسمية عند القضاء, من الممكن يقول غصبوني على البيع

سؤال وجيه ايضا

 

[Justice]

بغيت اعرف الورقه تكون عند البائع ولا المشتري ممكن جواب يا كاسك يا وطن
قبل لا ابيع

 

[السلطاني]

مشاركة الزميل كاسك يا وطن .. .. تفي بالغرض .. ..

ويمكنك طباعتها لدى أي محل طباعة أو خدمة الطالب... ..


وهي قانونية وتفي بالغرض .. ..

 

[السلطاني]

^^^^^

وهل تعتبر رسمية عند القضاء, من الممكن يقول غصبوني على البيع

الطعن بالعقد .. ..

ونكرانه .. .. ليس بالأمر بالهيّن .. ..

وسيجد ناكر العقد .. .. صعوبة كبيرة في إثبات ( إجباره على التوقيع ) أو ( التهديد ) .. ..وهذا

ما سيُسأل عليه أول الأمر .. ..؟

لأن الأمر لا يستحق .. .. ببساطة .

 

[كاسك يا وطن]

الطعن بالعقد .. ..

ونكرانه .. .. ليس بالأمر بالهيّن .. ..

وسيجد ناكر العقد .. .. صعوبة كبيرة في إثبات ( إجباره على التوقيع ) أو ( التهديد ) .. ..وهذا

ما سيُسأل عليه أول الأمر .. ..؟

لأن الأمر لا يستحق .. .. ببساطة .

تدري وين المشكله صديقي السلطاني ..؟
ان في ناس تجاوب على اسئلتهم ..
ولكن .. بعدين يردون ويسآلونك اسآله .. حتى الياهل يقدر يجاوب عليها ..!

يعني اخذ مثلا ً هذا ..:

وهل تعتبر رسمية عند القضاء, من الممكن يقول غصبوني على البيع

يعني بالعقل .. اشلون يبت رقمه المدني ؟ واشلون وقع ؟
لايكون حاط مسدس على رآسه .. علشان اتقوله .. وقع .. وققققققع ..!
غصبن عن اهل ابوك اللي يابوك توقع وتعطيني رقمك المدني ؟؟ ولا اشق حلجك ؟؟


بين البايع والمشتري .. كلمه .. وعقد .. واتفاق ..!
والريال .. ينمسك من السانه ..وكلمته .. اللي تجمد على الشارب ..
​

 

[Justice]

طول بالك شوي ياكاسك ياوطن ترا اسالتي ماخلصت:وردة:
شلون لو كان احد الطرفين قاصر ؟ هل يعتبر العقد صحيح؟
وبالنسبه لجزئيه صغيره في ورقه العقد لم افهمها هل يكتب العقد على ورقتين بحيث تكون ورقه للبائع وورقه للمشتري
ام ورقه واحده وياخذ الشاري الاصل والبائع صوره عنها ام العكس؟
ميخالف اعذرنا على دلاختنا يا كاسك ياوطن
بس المساله قانونيه وفيها فلوس فلازم نكون دقيقين

 

[كاسك يا وطن]

طول بالك شوي ياكاسك ياوطن ترا اسالتي ماخلصت:وردة:
شلون لو كان احد الطرفين قاصر ؟ هل يعتبر العقد صحيح؟
وبالنسبه لجزئيه صغيره في ورقه العقد لم افهمها هل يكتب العقد على ورقتين بحيث تكون ورقه للبائع وورقه للمشتري
ام ورقه واحده وياخذ الشاري الاصل والبائع صوره عنها ام العكس؟
ميخالف اعذرنا على دلاختنا يا كاسك ياوطن
بس المساله قانونيه وفيها فلوس فلازم نكون دقيقين

لا تحاتي .. الصدر شمالي .. والبال طويل .. من حايل للموصل ..!
اي لازم اورقتين .. حق البايع والمشتري .. علشان لا سمح الله بعدين اذا تم تزوير اورقه .. اتكون الثانيه موجوده ..

بالعاميه وبين الناس .. عادي اتبيع على قاصر ..
لكن قانونيا ً .. وخاصه اذا كان البيع على مبلغ وقدره .. يعني المبلغ جايد ..
هالشي ما انصحك فيه .. لأنه يمكن يدش بخانة الغرر ..!
ويتم استغلال هالشي ضدك .. من قبل والديه فيما بعد ..



​

 

[Justice]

اسال الله ان يفتح لك باب الرزق يا كاسك ياوطن

انتهت اسالتي والان اقدر اقول
case closed