سؤال وجواب يقولون " الطيب " لـ أهـل الطيب .. وهل من مجيب؟

جزيرة صقليه

عضو فعال
عندي عرس واحد من الربع
وقررت أشتري له كولكشن من العطورات اللي تجي بـ الصناديق
اللي نشوفهاا بـ القرشي والعربيه والرصاصي ...إلخ
لـ الامانه جداً محتار .. اخذت لي فره على جميع المحلات
اللي ذكرتهــاا ,, وقدامي تقريباً من أسبوع لا أكثر
قلت لابُد ناخذ رايكم يا أخوان وخوات
فـاا نبي النصيحه بارك الله فيكم .. واللي عنده فكره جديده
غير الفكره اللي انا ذكرتهـاا لا يبخل علينـاا ولكن بشرط
تكون مختصه بـ العطورااات .. وشكراً مقدماً :وردة:
 

adilalroh

عضو ذهبي
انا اقول عطه الفلوس( عانيه) وهي يشتري اللى يبيه
وحلووه لو يكون المبلغ يدسم الشارب:إستحسان:يعني من 500 وانت طالع

واذا مصمم تشتري له عطورات
عندك محلات الشايع لهم بهالسوالف
اختار له علي ذوقك ويحطونه لك بصندوق.

واذا بتخربها
احجز له مع المدام تذاكر لمكه
ويستحسن فندق بعد:pوياحبذا لو يكون دار التوحيد غرفه مطله علي الحرم
 

جزيرة صقليه

عضو فعال
adilalroh

الله يجزاك خير يـ الأمير ..
بخصوص العانيه هذا شي لابد منه وخالصين منه ..
وعجبتني فكرة العطوراات وقلت بجربهـاا . ولـ المره الأولى :p
لا ياخوي الشايع شغل آي كلام ..

تفضل :وردة:
 

بقيييط

عضو ذهبي
انا اقترح تشتري له كولكشن عطورات معرفي
عجيبه انا شاريته لبنت عمي بعرسها فظييعه حتى ردت وقالتلي من وين الكولكشن اللي اهديتني اياه
روح وشوف جد عجيب
ووبالتوفيق والله يتمم على خير

ودي واحترامي
 
والله اخوي ماادري باالضبط وين فرعه
لإنه لما كنت بالكليه فاتحين معرض واهوا عارض عطوراته
بس اسأل ان شالله بيدلونك بس ماادري
واعذرني ودي اساعدك بس للأمانه مااعرف بالضبط وين مكانه

وبالتوفيق

تحيااتي
 

World on Wheelz

عضو ذهبي
والله اخوي ماادري باالضبط وين فرعه

لإنه لما كنت بالكليه فاتحين معرض واهوا عارض عطوراته
بس اسأل ان شالله بيدلونك بس ماادري
واعذرني ودي اساعدك بس للأمانه مااعرف بالضبط وين مكانه

وبالتوفيق


تحيااتي


أهااااااااا يعنى نفس نظام اللى يشوفك مريض وينصحك ويقولك فيه خوش دوا .. تقوله شسمه يقولك بالصيدليه .
 

مهاجر من الشمال

عضو بلاتيني
سوق المباركية محل تلقاه على طريج شاطر عباس من ورا

نسيت اسمه :)

فيه واحد صومالي يشتغل فيه

يعطيك مجموعة من 8 عطورات منها دهن عود

على اختيارك من اي شي تبيه بالمحل ب 80 دينار مع ديكور

و صندوق فيه درج صغير تقدر تحط فيه العانية :)
 
أعلى