سؤال وجواب اصحاب الكاييين بغيتكم شوي لو سمحتووو

shining star

عضو مميز
السلام عليكم ورحمه الله


بغيت خبرتكم يا اصحاب الكاايين بسياره سمعت حجي هالــــكثررررً سيرفس وقطع غيار غالي اكيد بيكون غالي بورش ومادري شنوو فقلت اسالكم بحكم ان خبرتي كانت مع اللكزس وعفته :p


وخاطري بالكااايين :eek:

والحمد الله الميزانيه :إستحسان:


ملاحظه: اللي شايف نفسه so funy ودمه خفيف وبيستخف لايعطيني رايه :cool:
 

الوعر

عضو فعال
تسالين عن شنو ياطيبه

بورش موتر محترم وعلي قولتج سيرفس غالي وقطع غيار غالي بختصار اذا انتي دفيعه اخذيه

......
 
التعديل الأخير بواسطة المشرف:

SOPMOD

عضو فعال
نصيحه ...
اخذي فولكس فاجن طوارق 2011 ....
لان الكايين والطوارق من شركه وحده ...ونفس التصميم الميكانيكي وتقريبا نفس التصميم الخارجي ...
بس في الكايين زادوا عليه شويه (خرابيط) مثل كشنات جلد تتبطبط بعد جم سنه ومميزات ثانيه ممكن تشوفينها حلوه بس اضمن لج 100%100 انج ماراح تستخدمينها بوقت القياده الحقيقيه ....!

وفكري بالمستقبل ...لأنه شراء السياره مو كل شيىء ...وراج سيرفس + قطع غيار استهلاكيه + التأمين !

ومو تقولين انا ابي سياره مميزه ....
لان ماكو سياره مميزه بالكويت ...بهالزمن صار شيىء طبيعي انج تشوفين بنتلي ارناج واقفه يم مطعم فلافل ..او فيراري كاليفورنيا واقف راعيها يم البقاله بيشتري كرت ايزي بو دينار ونص !!

!!!!!!!
 

بو اسماعيل

عضو فعال
وعليكم السلام

صراحه مو عملي كلش

مال كشخه و ترزرز فقط لا غير

كان عندي واحد اذكر هبت على مطره قوية جك بم إلا طفى

شالموضوع شسالفه قالولي الكمبيوتر يبيله أعاده برمجه و تنظيفات داخليه

برمجه و تنظيفات لا هينه اخذوا راحتكم و توكلوا على الله

ماحسيت الا اصلخوني بفاتوره 1500 دينار

من باجر بعته و أرتحت

وانيتات موديل ألف و حطبه صاير طرادات بسيول جده

و انا على مطره تفلش

موتر ترف مو مال كراف
 

shining star

عضو مميز
نصيحه ...
اخذي فولكس فاجن طوارق 2011 ....
لان الكايين والطوارق من شركه وحده ...ونفس التصميم الميكانيكي وتقريبا نفس التصميم الخارجي ...
بس في الكايين زادوا عليه شويه (خرابيط) مثل كشنات جلد تتبطبط بعد جم سنه ومميزات ثانيه ممكن تشوفينها حلوه بس اضمن لج 100%100 انج ماراح تستخدمينها بوقت القياده الحقيقيه ....!

وفكري بالمستقبل ...لأنه شراء السياره مو كل شيىء ...وراج سيرفس + قطع غيار استهلاكيه + التأمين !

ومو تقولين انا ابي سياره مميزه ....
لان ماكو سياره مميزه بالكويت ...بهالزمن صار شيىء طبيعي انج تشوفين بنتلي ارناج واقفه يم مطعم فلافل ..او فيراري كاليفورنيا واقف راعيها يم البقاله بيشتري كرت ايزي بو دينار ونص !!

!!!!!!!





مشكووور اخوووي :وردة:
لاااا مابي اخذ. طوارق ماحبيته
وانااا استبعدت كل السيايير وناويه ع الكايين
بس قلت اشووف اللي يستخدمونهاااا شيقولون عنهااا
 

كاسك يا وطن

عضو بلاتيني
اخ بخيص .. ارجو احترام السؤال .. فـ هذا منتدى ليس هزلي ..
والمقصود من هذا القسم .. هو افادة السائل .. وليس خفة الدم ..


تذكير بالبند رقم 27 من قانون الشبكه الوطنيه ..:

القيام بالرد على أي مخالفة بدلا من تنبيه المشرفين إليها يعتبر مشاركة في المخالفة.
تم مسح مشاركات مخالفه ..
 

SOPMOD

عضو فعال
مشكووور اخوووي :وردة:
لاااا مابي اخذ. طوارق ماحبيته
وانااا استبعدت كل السيايير وناويه ع الكايين
بس قلت اشووف اللي يستخدمونهاااا شيقولون عنهااا

لا حول ولا قوه الا بالله !

يا بنت الحلال قاعد اقولج الطوارق والكايين سياره وحده !!!!
حتى في وايد من قطع غيار الطوارق تركب على الكايين والعكس صحيح !
ليش تبين المخاسير !!

وبعدين لاتنسين ...البورش سياره مخصصه للطبقه العليا من المجتمع !! يعني بتشوفين العجب العجاب بأسعار قطع الغيار والصيانه , لأن اغلبيه عملاء البورش ما يسألون عن الاسعار ولا (يكاسرون) لمن يودونها الصيانه !!

...........
 
التعديل الأخير بواسطة المشرف:

shining star

عضو مميز
اخ بخيص .. ارجو احترام السؤال .. فـ هذا منتدى ليس هزلي ..
والمقصود من هذا القسم .. هو افادة السائل .. وليس خفة الدم ..

تذكير بالبند رقم 27 من قانون الشبكه الوطنيه ..:

تم مسح مشاركات مخالفه ..

مشكووور اخوووي كاسك يااوطن:وردة:
 

عبدالله .

عضو بلاتيني
بصراحة كشكل
الطوارق الجديد احلى من البورش الكايين اللي مخربينه حيل
وبالنسبة للكايين ماعرف عنه شي
بس نسمع ان قطع غياره غالية وهذا امر طبيعي
انا عندي طوارق وقطع غياره غالية بعد
طبعاً حطي في بالج قطع غيار الـ 6 سلندر غير عن الـ 8
والتيربو غير عن الـ S
 

لا تعليق

عضو ذهبي
زميلتي العزيزه

كلام الناس يضيع اللي ما يضيع اشور عليج هالشي والمفيد ويفيدج ان شاء الله

سؤال عن استعمال الكايين وقطع غياره

استعماله حلو وقطع غياره مش ولا بد فيها تختلف عند شخص عن الاخر

اختصر عليج الجهد بشغلتين
هذا رابط وكالة بورش في الكويت
http://www.porsche.com/middle-east/_kuwait_/

في بأمكانج تطلبين تست تراي تجربة السيارة

والاتصال على قطع الغيار والاستفسار عنها

المسأله تاخذ ربع ساعه الي نص ساعه بس تطلعين بشي يفيدج من الوكيل


اتمنى اني فدتج
 

SOPMOD

عضو فعال
اسعاره بالكويت :
كايين العادي : 19.900
كايين الاس : 23.500
كايين تيربو : 38.600

اسعاره بأمريكا :
كايين العادي : 13.600
كايين الاس : 17.900
كايين تيربو : 29.470

بالنهايه اذا كنتي مصره عليه .....يفضل انج تنطرين موديل 2013 او 2014
لان الكايين الحالي موديل (جديد كليا) وما صارله سنه من نزوله ...يعني اكيد فيه عيوب او اخطاء تصميميه بيتداركونها في الموديلات اليديده ...
 

الـهـآرف

عضو بلاتيني

نصيحة مجرب

لكزس 460 لارج الجديد لا يعلى عليه

او بورش اربع ابواب الجديد

او جاكوار كبسولة الجديد

او جيب بي ام اكس سكس

وبس غير لا ادور

لا بنتلي ولا بوغاتي ولا فيراري كالفورنيا

 

ألب آرسلان

عضو بلاتيني
نصيحتي لج إذا انتي من النوع اللي يمل بسرعه
او يحب يبدل كل سنه او سنتين لا تشترين الكاااااين
لأن الكاين سهل جدا بالشراء وصعب جدا بالبيع
هذا غير سعره اللي يطيح إذا كنتي تبين تبيعين
بخلاف الاندكروز لو تبيع بعد 5 سنوات سعره فيك
ويسمونه الشيك
طبعا انتي ماتبين لاندكروزر بس ذكرته لج عشان تعرفين الفرق بين البيع والشراء
ومن ناحيت السياره حساسه اقولج
على حسب الاستعمال

وبالتوفيق
 

Q8 1

عضو مميز
فكرى فى البى ام اكس6 قاتل الكايين والرنج كما يطلق عليه فى اوروبا
شكل جديد وعملى و ممتاااااااااز وجميع ماتملك الشركه من تقنيات وضعتها فى هذه السياره

سياره القرن الواحد وعشرين
ال6 سلندر توين تيربو دفع رباعى السياره الاولى بتصميم SAV
محرك اقوى من الكايين التيربو والرنج سبورت قويه وراسيه وقليله استهلاك للوقود

اسعار X6
V6 رنغات 19 من غير نافيقيشن وكاميره 19950دك
V6 رنغات 20 كامل المواصفات 22600دك
V8 فول كامل 26250دك

جربيها تيست درايف فى الوكاله وشوفى انطباعك عنها وبألاخير القرار لك الله يوفقك
 

صوتك يناديني

عضو بلاتيني
انا بعد ناوي اخذ الكايين بصراحه شكله الجديد رهيب روعه ..

بس كلام الناس عن السيرفس ياخذ ٢٥٠ دينار وقطع غيار نار هالامر الي مخليني اتردد

ليش ماتاخذين انفينتي ؟ استعماله زين وقطع غياره ارخص من الكايين

اما اذا عندج تقطين عليه وقطع وتامين اخذي الكايين وانتي مغمضه:إستحسان:
 
أعلى