سؤال وجواب يشباب ذبحني التفكير

[مساعد الشويب]

مساكم الله بالخير

يشباب انا مخالفاتي المروريه وصلت 370 دينار

وكلهم تجاوز سرعه بما فوق المعدل ب30 وفيه 2 منهم40 فوق المعدل

+ 1 تجاوز الاشاره الحمرا.

هل اروح ادفع المخالفات. وخلاص ينتهي الموضوع او انهم يسحبون اليسن. ويبهذلوني

مع العلم لست من العوائل الهاي هاي يعني ضناتكم شنو بيصير

 

[تفائلوا]

مساكم الله بالخير

يشباب انا مخالفاتي المروريه وصلت 370 دينار

وكلهم تجاوز سرعه بما فوق المعدل ب30 وفيه 2 منهم40 فوق المعدل

+ 1 تجاوز الاشاره الحمرا.

هل اروح ادفع المخالفات. وخلاص ينتهي الموضوع او انهم يسحبون اليسن. ويبهذلوني

مع العلم لست من العوائل الهاي هاي يعني ضناتكم شنو بيصير

يالشويب

بالنسبة للمخالفات تطمن روح مرور العاصمة وقول ماني دافع بحولهم محكمه وترا الامر بسيط
زانا كان علي اكثر من 400 دينار وحولتهم محكمة وطاحوا عني مادفعتهم

 

[مساعد الشويب]

علي حسب فهمي ان المحكمه تاخذ موعد. وتنطر

وانا مالي خلق والله علي قولتهم سبني اعيش ابدفع وامري لله سبحانه بس خايف يبهذلوني او شي

 

[bujassim]

مساعد الشويب شوف اول شي

اذا عليهم بلوك شوفلك واسطه يشيلون البلوك وادفع من الانترنت وانتهى الموضوع

 

[عذاري]

امبيه متجاوز الاشاره الحمراء

مايبيلها اكيد بيسحبون الليسن ويسجنونك

​

 

[ميثاق]

ليش طوووف الاشارة الحمرا لو داعم سيارة ويطلع فيها عائلة من 6 انفار وكلهم يموتون والسبه انت شبيكون موقفك صراحه انت شويه فيك السجن.....
بعدين ترا اسئلتك وااااجد مره بتشتري ارض ومره طايف الاشاره ومره مادري شنو متى بتعلم تحل اسئلتك بنفسك ترا احنا اليوم موجودين باجر الله يعلم وين مو فااضين لك مو حاله هدي والله.....




قبل لايوقفون عضويتي ترا اضحك معاك

 

[whahd1]

لا حول ولا قوه الا بالله

راح الولد

اكتب وصيتك بارك الله فيك

ولا تنسى تحط بسمي نص الحلال

يا خوي سهالات دز احد من العيال يدفعهم وخلاص

 

[عجـرّش]

أنا رحت أجدد البيمه السيارة ​

مع أن علي ثلاث أشارات مرورية طايفها​

مع اني ما كنت ناوي أجدد الدفتر ألا لين يطلعون جوج ما جوج والدابه​

بس مكرهاً اخاك لا بطل أبروح للخفجي لعرس واحد من الربع​

رحت وأنا مشتغله فيني (( سبايك))​

رحت للموظفه وأنا متلثم عشان لاحجت حجايجها ما عندي الا رجلي​

واعطيها الرقم المدني والفلوس​

والا الأمور سهالات​

​

 

[بقيييط]

سهلات

واحد ولد واحد من الربع عليه

900 دينار

مخالفات اسحبوو ليسن ثلاث اشهر

لانه سرعه فوق 180

غير الاشارات

ماعليك سهلات​

 

[مساعد الشويب]

ليش طوووف الاشارة الحمرا لو داعم سيارة ويطلع فيها عائلة من 6 انفار وكلهم يموتون والسبه انت شبيكون موقفك صراحه انت شويه فيك السجن.....
بعدين ترا اسئلتك وااااجد مره بتشتري ارض ومره طايف الاشاره ومره مادري شنو متى بتعلم تحل اسئلتك بنفسك ترا احنا اليوم موجودين باجر الله يعلم وين مو فااضين لك مو حاله هدي والله.....




قبل لايوقفون عضويتي ترا اضحك معاك

ودك اروح ادفع المخالفات الا انت بوجهي وربي انتحر

بيض الله وجيهكم جميعا وراح اوافيكم بلي راح يصير معاي

وطبعا جاري البحث عن 3 نواب حاليين 2 سابقين وضابط للحاجه

 

[سلطان زماني]

اخوي الشويب ترا السالفه عاديه..

اذا ما تقدر تدفع قولهم حولوني للمحكمه..

واكثر شي يسونه فيه سحب ليسن او سياره..

السجن مستحيل وشيله من بالك وين قاعدين..

بالتوفيق وخفف سرعه ووقف بالاشاره الحمره الله لا يهينك..:وردة:​

 

[ليله ويوم]

سهلات ​

واحد ولد واحد من الربع عليه ​

900 دينار​

مخالفات اسحبوو ليسن ثلاث اشهر ​

لانه سرعه فوق 180 ​

غير الاشارات ​

ماعليك سهلات​

هذا المفروض يسجنونه ويسحبون الليسن منه مدى الحياة


180 شنو ؟؟؟ الشارع مافيه بشر يمشون ؟؟؟




​

 

[العفار]

ادفع مخالفاتك وماعليك اقل شي بيصير لك سحب ليسن ثلاث شهور ومع واسطه خفيفه يعطونك الليسن ولايسحبونه واما سالفة تحويل المخالفات قضيه موقفينها الحين وانا علي 850 ونقعوني شهر وشوي بس موعد عشان اتحول قضيه واخر شي جا الظابط وقالي ادفع نصهم والباقي نحوله لك قضيه وراجعنا بعد شهرين شفت الوضع جذيه دفعتهم كلهم وافتكيت فا نصيحه ادفع وافتك من منتهم

 

[عاقل ومجنون]

على 395 دينار مع سحب الليسن شهر

صارلى اكثر من سنتين مادفعت .

ربنا على الظالم ((طبعا الظالم ماى رجلى اعزكم الله )