سؤال وجواب مشكلتي مع الحديد؟

[سنـين التّيــــهـ..]

السلام عليكم..

نسبه الحديد بدمي دايما نازله..والله تعبت من هالسالفه..

لاعت جبدي من حبوب الحديد..مليت وانا اخذهم..:باكي:

وطعمهم ...

..ابي حل من غير حبوب..

متشكرين مقدما..:وردة:

​

 

[شاطىء الأمان]

بسم الله الرحمن الرحيم

ملاحظه "عشبة الفوا ماعرفت شنو تسمونها بس عنا هذا اسمها واذا مالقيتيها او ماعرفتيها
عادي اختي قولي لي وارسلها لك عن طريق البريد​

عشبة الفوا او الفوه

هي الكرفس لمن لا يعرفها

 

[سنـين التّيــــهـ..]

تقدرين تاخذين مغذي حديد
وعليج بالسبانخ و الجرجير

ولا مره قالي الدكتور تحتاجين مغذي حديد..بس حبوب لاعت جبدي

اكل جرجير والله..مشكور اخوي:وردة:

 

[سنـين التّيــــهـ..]

الله يشفيك

الله يجزاك خير:وردة:​

 

[سنـين التّيــــهـ..]

اللة يشفيك اخذي ابر اعتقد اقوي من الحبوب لاانة الحبوب تركيزها ضعيف

حدها ضغيف..وطعمهاااا ياربي..


مشكور:وردة:​

 

[سنـين التّيــــهـ..]

الله يشافيك يا رب شتات​

شوفي انا كان فيني فقر دم والحين الحمد الله بخير​

شوفي​

اول شي عليك بالزبيب اليمني​

ثاني شي فيه قشر القهوه تحصلينه عند محلات العطاره​

جربيهم اسبوع وروحي حللي من جديد وشوفي باذن الله​

راح تتشافين بعد الله​

هلا يانواف:وردة:

الله يسمع منك يارب يانواف:باكي:

جربته ما قدرت اتحمل...

شلون طريقه قشر القهوه نواف اول مره اسمع انه مفيد للحديد؟


​

 

[سنـين التّيــــهـ..]

والشمندر وحدتن في وحده .اخاف ماتحبينه ؟
انتي كل شي ماتحبين مدري شتحبين؟؟؟؟؟؟؟

لاااا هذا عاااااد احبه

اشكرك:وردة:


​

 

[سنـين التّيــــهـ..]

وانا عبالي حديد البنيان
قلت ممكن افيدها بأسعاره

كلن بقلبه شقي الليله

الاخ مقاول..​

 

[سنـين التّيــــهـ..]

عشبة الفوا او الفوه​

هي الكرفس لمن لا يعرفها ​

هذي وانا حسبالي وحده ثانيه...​

 

[huali]

إن كان عندك نقص حديد بسبب الثالاسيميا أو أحد أنواع الأنيميا فلو تاكلين حديد وأعشاب منيه لي بكرا ماراح يزيد ولو نقطه وحده بالعكس راح يترسب بالكبد وممكن يسويلك تليف فيها يعني الحل إذا كان عندك وحدة من أمراض الدم الوراثية أنك تتعايشين معاها ونقص الحديد في أمراض الدم مايضر اللهم مايقبلون منك تبرع دم وتحسين بضيق نفس وتعب ولونك أصفر يعني أمور خفيفه، أما الأعشاب والحبوب والفوليك أسد وهالخرابيط اللي ذكروها بردودهم لاتقدم ولا تأخر.

 

[سنـين التّيــــهـ..]

إن كان عندك نقص حديد بسبب الثالاسيميا أو أحد أنواع الأنيميا فلو تاكلين حديد وأعشاب منيه لي بكرا ماراح يزيد ولو نقطه وحده بالعكس راح يترسب بالكبد وممكن يسويلك تليف فيها يعني الحل إذا كان عندك وحدة من أمراض الدم الوراثية أنك تتعايشين معاها ونقص الحديد في أمراض الدم مايضر اللهم مايقبلون منك تبرع دم وتحسين بضيق نفس وتعب ولونك أصفر يعني أمور خفيفه، أما الأعشاب والحبوب والفوليك أسد وهالخرابيط اللي ذكروها بردودهم لاتقدم ولا تأخر.

لا الحمد الله مو هذا...

اقووول لا تخوفني...واقعد اوسوس​

 

[احمد سعد]

كبسولات بى كمبلكس مع سمك ميد او بياح لنه فيهم امغا 3 و6

انشاء الله اكون قدرت انفعج بس اهم شى عمل فحوصات ومراجعه الطبيب والله يشفيج

 

[شاطىء الأمان]

هذي وانا حسبالي وحده ثانيه...​

كثرة الكرفس او تناول بذوره يؤدي الى تأخر الحمل ويؤثر على الجنين لو المرأة حامل


اقتضى التنويه​

 

[سنـين التّيــــهـ..]

كثرة الكرفس او تناول بذوره يؤدي الى تأخر الحمل ويؤثر على الجنين لو المرأة حامل​

اقتضى التنويه ​

الله يجزاك خير نبهتني:وردة:​

 

[ميدان]

الله يشافيج

مايصير تاكلين فولاذ اتغشمر معاج

انصحج بالبيض تصبينه بالقلاص وتشربينه


نفس مايسوون العيم

 

[Aragon]

دخلي الخضروات لنظامج الغذائي.. بروكلي مثلا مصدر غني بالحديد بالإضافة إلى إنها صحية وتضعف..

اكلي جبدة.. واذا ماتحبين جبدة الخروف استبدليها بجبدة الدجاج.. تنباع بالجمعية والمطاعم مثل نينو..

اقطعي الجاي الاسود..

وماتشوفين شر

 

[GOLDEN ThiNKER]

حليب النياق افضل علاج سحري ...

به من الحديد مايفوق به الكمية الموجودة في حليب البقر عشر مرات ..

ومع الإستمرار والدوام عليه يرجع سيستم جميع الفيتامنيات إلى أفضل وضع طبيعي

ويأخذ كبديل عن الحبوب للحوامل... وأخذه مع التمر الغني بالحديد يكون مذاق طيب

ولذيذ ..

كذلك ( التلبينة ) بالعسل كنز لذيذ وصيديلة حديد وفيتامينات من الطب النبوي اوصى بها النبي عليه الصلاة والسلام في احاديثه .. وتجدينها في أرض الطبيعة -حولي ويوجد عندهم وصفات طبيعية أخرى ..

http://www.youtube.com/watch?v=sW391aVySbY



نسأل الله لكم الشفاء ودوام الصحة والعافية ..

 

[محمد اسماعيل ابراهيم]

يالله حي اختنا الغاليه شتات ..ما تشوفين شر وانا اخوج
اعتقد الشباب ما قصروا..ذكروا كل شي وما بقى شي اضيفه..من ناحية الاكل

اما من ناحية العلاج ..ففيه ابر حديد اعتقد انها رح تناسبج اكثر اذا كان عندج فقر دم والحديد نازل حيل ..

الف سلامه عليج ياختي​

 

[!...ωαнαм...!]

والله انا جربته والحمد الله بعد الله كان هو السبب

صلحيه نفس القهوه وبرديه واشربي منه تقريبا كوب مع كل صباح


وباذن الله راح تشوفين نتائجه من اول اسبوع

الله يشافيك ان شاء الله من الانيميا

هلا يانواف:وردة:

الله يسمع منك يارب يانواف:باكي:

جربته ما قدرت اتحمل...

شلون طريقه قشر القهوه نواف اول مره اسمع انه مفيد للحديد؟


​

 

[AlBadel]

عليكم بالبروكلي ( شرط كويتي ) والطبخ علي البخار أفضل ويحتفظ بفوايده لأن عالجت أختي بهالبروكلي وكان معاها نقص الحديد حاد ولا تنسين الجبده وأي جبده طازجه
( عجل أو حاشي او حتي غنم وشرط عربي صغير والقصاصيب عندهم جبده عربي وبالأخير أي نوع جبده من أنواع الطيور )
عسا الله يشافيج
ــــــــــــــــــــــــــــــ
لا يــــــــوجد تــــــــوقيع في الوقــــت الحــــاضر بــــــــسبب
خـــروج دولـــــــــة أحــــــــمد الفـــــــــهد من الحــــــكومة المتهــــــالكة
ونتقـــــبل التعـــــــازي علــــــي هــــذا الرااابــــــــط أدنــــــــاه ولثـــــلاثة أيـــــــام .... قـابله للزيـادة حـسب أجــواء كـــل جــــــمعه
http://www.nationalkuwait.com/vb/sho...d.php?t=182724
​

 

[عالي مستواه]

موضوع مفيد الله يشفي اللي حطه ويجزي خير اللي رد عليه
زبيب ودبس وبروكلي وفوه ،،ترفع نسبة الحديد