سؤال وجواب هل استطيع اعتزال حياة المدينه ؟؟؟

[عبدالباري]

هل استطيع ان اعتزل الحياة والمدينه وفسادها واعيش في قريه بعيده عن المدينه


أكل وأشرب وأصلي الصلوات بوقتها وأنعم بالهدوء والسكينه


وابتعد عن البنوك الربويه والبنوك الاسلاميه التي تتعامل بالربا بأسماء مختلفه ....

وابتعد عن السياسه ومشاكلها ...

وعن الكذب والنفاق والفساد المنتشر ...



هل هذا ممكن في زمننا هذا ؟؟؟؟؟؟؟؟؟

 

[ALI ALQAHTANI]

ممكن ولكن تطبق هذه الطريقة بس يكون قرارك لك وحدك ولايسبب ازعاج للي حولك

1- اطلب تقاعد مبكر اذا كنت في عمل
2- روح اشتري لك بيت شعبي في منطقة ريفية
3- اترك وسائل اتصالك بالعالم الخارجي قليلة يعني للضروريات
4-اشغل نفسك بالزراعة وتربية اي شي (طيور -غزلان -) شي غير معتاد
5- سدد جميع مديونياتك وابدى من جديد لا قروض ولا فيزا ولاتقسيط
وكذا تقدر تعتزل الفوضى والضوضاء وغيرها الكثير

 

[الفيصلي]

اشترى ابل ولا مزرعه ولا تشتري تلفزيون

 

[عبدالباري]

ممكن ولكن تطبق هذه الطريقة بس يكون قرارك لك وحدك ولايسبب ازعاج للي حولك

1- اطلب تقاعد مبكر اذا كنت في عمل
2- روح اشتري لك بيت شعبي في منطقة ريفية
3- اترك وسائل اتصالك بالعالم الخارجي قليلة يعني للضروريات
4-اشغل نفسك بالزراعة وتربية اي شي (طيور -غزلان -) شي غير معتاد
5- سدد جميع مديونياتك وابدى من جديد لا قروض ولا فيزا ولاتقسيط
وكذا تقدر تعتزل الفوضى والضوضاء وغيرها الكثير

كلامك كله عسل


بس وين القى منطقه ريفيه بالكويت ؟؟؟؟

 

[ALI ALQAHTANI]

كلامك كله عسل


بس وين القى منطقه ريفيه بالكويت ؟؟؟؟


ذوقك العسل
هنا المشكلة مو لازم الكويت مثلا عندك الطائف او الباحة في السعودية فيها قرى ريفية تحس بالحياه ورخيصة وجوها خيال
اعرف لك جار لنا من تقريبا عام 1998 سوى كل اللي قلت لك علية واشترى بيت صغير ومزرعه بس تدري وين في البوسنه ولايجي الا في العيد بعض الاحيان خوانه كل فتره يشحنون له قهوة وتمر ورز وبعض الاغراض

 

[عبدالباري]

هنا المشكلة مو لازم الكويت مثلا عندك الطائف او الباحة في السعودية فيها قرى ريفية تحس بالحياه ورخيصة وجوها خيال


انا ودي اعتزل الحياة ...و بس


مابي اهاجر

 

[ALI ALQAHTANI]

هنا المشكلة مو لازم الكويت مثلا عندك الطائف او الباحة في السعودية فيها قرى ريفية تحس بالحياه ورخيصة وجوها خيال


انا ودي اعتزل الحياة ...و بس


مابي اهاجر


اجل شف لك مكان في الكويت عندكم بعيد عن الزحمة والناس مثل الكثير اللي عنده استراحة بعيدة عن المدينة ويجهزها وتكون مكان يبتعد عن الزحمة ويرتاح فيه

 

[شجون الكويت]

كلامك كله عسل


بس وين القى منطقه ريفيه بالكويت ؟؟؟؟

تستطيع ان تعتزل الحياة المدنية بالطبع .. لكن يحتاج ذلك ارادة وصبر ..... عندك الوفرة .. جبد ... الجهراء ممكن فيها مساحات جميلة تصلح لمزرعة او جاخوووووووووووووور وجوها لطيف نوعا ما ....

 

[شمري كويتي]

هنا المشكلة مو لازم الكويت مثلا عندك الطائف او الباحة في السعودية فيها قرى ريفية تحس بالحياه ورخيصة وجوها خيال


انا ودي اعتزل الحياة ...و بس


مابي اهاجر

مو لازم تهاجر​

اشتر بيت في الوفرة​

بيوت الوفرة رخيصة​

والوفرة تعتبر منطقة ريفية​

بعيدة عن الازعاج وحياة المدن​

او اذا تقدر اشتر مزرعة في الوفرة او العبدلي

وابن فيها بيت صغير​

واسكن فيه واشغل وقتك بالزراعة

وتربية بعض الحيوانات

لانها تجارة مربحة جدا

بالذات الاغنام والابل​

لان اذا هاجرت مدة طويلة​

احتمال تنسحب جنسيتك​

خصوصا اذا سكنت السعودية​

اول تهمة انك مزدوج​

وثاني شي يلغون دورك بالاسكان​

وبعدين اذا عندك عيال بسن الدراسة مشكلة​

المدارس والجامعة بعيدة عليهم​

هذي السالفة تصلح حق واحد​

اصغر عياله موظف ​

يعني ماعنده مسؤولية عن اي ولد او بنت بخصوص الدراسة​

وتذكر حديث الرسول صلى الله عليه وسلم​

الْمُؤْمِنُ الَّذِي يُخَالِطُ النَّاسَ وَيَصْبِرُ عَلَى أَذَاهِمْ​

أَعْظَمُ أَجْرًا مِنَ الَّذِي لا يُخَالِطُ النَّاسَ وَلا يَصْبِرُ عَلَى أَذَاهِمْ " .​

انا شخصيا اشوف انه​

لازم الواحد يخالط الناس ويتحمل الازعاج والمشاكل​

لان العزلة والاعتزال فيها مشاكل كثيرة​

تخلي الواحد مايعرف شنو مشاكل الامة الاسلامية​

وتخلي الواحد بعيد عن هموم الوطن والمواطنين​

وراح يقل اجر الانسان في هذي الحالة​

وانصحك اسأل المشايخ والعلماء​

قبل لاتسوي هذا الشي​

 

[kuwait1]

اخوي كرنيشن ترى مو عيب لو تعرض نفسك على دكتور نفسي

 

[7Ibrahimإبراهيم]

سجل في الجمعيات الخيرية سافر تساعد الناس وتدعو الى الاسلام

اسال عنهم

 

[أنا رايق]

قالوها قبلي خالط الناس واصبر على اذاهم ولك الأجر

 

[شمري كويتي]

اخوي كرنيشن ترى مو عيب لو تعرض نفسك على دكتور نفسي

طبعا أكيد مو عيب يعرض الواحد نفسه​

على طبيب نفسي​

لان النفس تمرض​

مثل الجسم لما يمرض​

ومافي انسان على وجه الارض​

خالي من مرض نفسي او اكثر​

القلق​

التوتر​

العصبية​

الوسوسة​

منو خالي من هذي الامراض العصرية​

بس العيب هو كلامك​

لانك تطنز على اخوك​

وهو كلامه واقعي ولافيه شي غلط ابدا​

وفي حديث للرسول صلى الله عليه وسلم يقول فيه​

( يُوشك أن يكون خير مال المسلم غنم يتبعُ بها شعفَ الجبال

ومواقع القطرِ يفر بدينه من الفتن ) ​

رواه البخاري.​

 

[عبدالباري]

اشترى ابل ولا مزرعه ولا تشتري تلفزيون

خووووش والله


:إستحسان::إستحسان:

 

[عبدالباري]

تستطيع ان تعتزل الحياة المدنية بالطبع .. لكن يحتاج ذلك ارادة وصبر ..... عندك الوفرة .. جبد ... الجهراء ممكن فيها مساحات جميلة تصلح لمزرعة او جاخوووووووووووووور وجوها لطيف نوعا ما ....

شكرا جزيلاً

:إستحسان:

 

[شمري كويتي]

كرنيشن اذا لقيت مكان زين بلغني

احتمال اروح وياك

واصير جارك

علشان يصيرون المجانين اثنين

ونخلي حياة المدينة المزعجة والملوثة للناس الصاحين​

 

[عبدالباري]

شمري كويتي


كلامك حلو وموزون وزي اللوز


فديت خشمك والله

 

[شمري كويتي]

سجل في الجمعيات الخيرية سافر تساعد الناس وتدعو الى الاسلام

اسال عنهم

عجبني كلامك جدا

يعني مثل الشيخ الدكتور عبدالرحمن السميط

الله يحفظه ويجزاه خير

كان طبيب ومعاشه قوي ومو ناقصه شي

ومن أسرة معروفة بالكويت

وترك الكويت وعاش حياته كلها بافريقيا

من عشرات السنين

والحين لو تسأله يقولك انه سعيد ومرتاح

بس انا ما اقدر اسوي مثله

لان افريقيا مافيها زبيدي وهامور ومربين ومكبوس

وانا ما استغني عن المأكولات الكويتية

بالذات البحرية والعيوش والمجابيس​

 

[kuwait1]

طبعا أكيد مو عيب يعرض الواحد نفسه​

على طبيب نفسي​

لان النفس تمرض​

مثل الجسم لما يمرض​

ومافي انسان على وجه الارض​

خالي من مرض نفسي او اكثر​

القلق​

التوتر​

العصبية​

الوسوسة​

منو خالي من هذي الامراض العصرية​

بس العيب هو كلامك​

لانك تطنز على اخوك​

وهو كلامه واقعي ولافيه شي غلط ابدا​

وفي حديث للرسول صلى الله عليه وسلم يقول فيه​

( يُوشك أن يكون خير مال المسلم غنم يتبعُ بها شعفَ الجبال

ومواقع القطرِ يفر بدينه من الفتن ) ​

رواه البخاري.​

:وردة: ممكن تهدي وتأخذ الموضوع بحسن نية
وابي اعرف اشلون حكمت على ان اتطنز علما بااني الاخ كرنيشن مااعرفه واول مره اشارك معاه برد ولاعمره حصل منه شي غلط صوبي
تكفى ابي دليل

 

[عبدالباري]

اخوي كرنيشن ترى مو عيب لو تعرض نفسك على دكتور نفسي

شدعوه عاد ... شايفني مقنون والا ايه ؟