ابي اقوى تخصص علمي ، واقوى معاش شنو ؟

#1
السلام عليكم

اخواني شنو اقوى شهادة علميه بالكويت ؟

لحد يقولي طب ، الطب مالي خلق ادرسله ، 7 سنوات وايد ، عمري بيروح

ابي غير الطب شنو ؟ ابي شهاده لو يقطوني باردى وزراة معاشي يكون فوق الالفين دينار

ابي معاش قوي ووظيفه قويه ،

سؤالي باختصار ، يتكون من جم نقطه راح اذكرها الحين :-

1- شنو اقوى معاش بالكويت ؟ معاش الكل يقدر يوصله ، لحد يقولي معاش وزير ولا عضو مجلس

امه ( مرتشي ) ، ابي معاش اي مواطن عادي يقدر يوصله ؟

2- شنو اقوى شهاده علميه في الكويت وماشي سوقها ، واحد يقولي مهندس البترول

بعد الزياده الاخيره ، صار معاشه قوي وما يتحاجى ويشفط حق الوزير والعضو ( المرتشي )

3- ابي وظيفه معاشها قوي اقدر اوصل لها من غير واسطه ، لان انا ماعندي واسطه تجديد

دفتر سياره بالمرور هههههه

فــ شلون بجيبلي واسطه توظفني ؟

ختاما ً ، اتمنى الاجابه على الاسئله ، واتمنى الردود تكون جديه ومافي ردود طنازه او شي جذي

وما نستغنى عنكم واللي مثلكم وشرواكم مايقصرون

وشكرا لكم
 
#2
ديوان المحاسبة

بس يبيلك أكبر واسطه بالكويت

لا والمشكلة الأكبر محتكره من قبل التجار

هالمكان اقوى معاش


وعندك النفط بس
 
#3
السلام عليكم


اخواني شنو اقوى شهادة علميه بالكويت ؟

لحد يقولي طب ، الطب مالي خلق ادرسله ، 7 سنوات وايد ، عمري بيروح

ابي غير الطب شنو ؟ ابي شهاده لو يقطوني باردى وزراة معاشي يكون فوق الالفين دينار

ابي معاش قوي ووظيفه قويه ،

سؤالي باختصار ، يتكون من جم نقطه راح اذكرها الحين :-

1- شنو اقوى معاش بالكويت ؟ معاش الكل يقدر يوصله ، لحد يقولي معاش وزير ولا عضو مجلس

امه ( مرتشي ) ، ابي معاش اي مواطن عادي يقدر يوصله ؟

2- شنو اقوى شهاده علميه في الكويت وماشي سوقها ، واحد يقولي مهندس البترول

بعد الزياده الاخيره ، صار معاشه قوي وما يتحاجى ويشفط حق الوزير والعضو ( المرتشي )

3- ابي وظيفه معاشها قوي اقدر اوصل لها من غير واسطه ، لان انا ماعندي واسطه تجديد

دفتر سياره بالمرور هههههه

فــ شلون بجيبلي واسطه توظفني ؟

ختاما ً ، اتمنى الاجابه على الاسئله ، واتمنى الردود تكون جديه ومافي ردود طنازه او شي جذي

وما نستغنى عنكم واللي مثلكم وشرواكم مايقصرون


وشكرا لكم



كمل هندسة خاصة هندسة البترول والكهرباء والميكانيكا معاشك بيكون جدا قوي.. بالتوفيق
 
#4
ديوان المحاسبة

بس يبيلك أكبر واسطه بالكويت

لا والمشكلة الأكبر محتكره من قبل التجار

هالمكان اقوى معاش


وعندك النفط بس
هلا بوجاسم هلا بالغالي ، انزين اخوي ديوان المحاسبه شنو الشهاده المطلوبه ؟

بكالريوس محاسبه ؟

وجم معاشي بالضبط ؟

وليش واسطه ؟ شنو فيه هالمكان بالضبط ؟

والنفط ادري ، بس انا ابي مكان بدون واسطه لان انا ماعندي واسطه كلش

ساعات احس اني مقطوع من شجره :(


 
#5
كمل هندسة خاصة هندسة البترول والكهرباء والميكانيكا معاشك بيكون جدا قوي.. بالتوفيق
انا الحين قاعد افكر في هندسه البترول يا حبيبي

بس خوفي باجر لا تخرجت وجبت بكالريوس هندسة بترول ودراسة 5 سنوات

ما يقبلوني بالنفط لان ماعندي واسطه ،

ساعتها بقعد اقشر بصل :(


وانا اذا ابي اصير مهندس لازم اصير مهندس بالنفط عشان المعاش يفرق

لان المعاشات في بقية القطاعات الحكوميه ضعيف مقارنة بمعاشات المهندسين

الموظفين في النفط خصوصا بعد الزياده الفلكيه الاخيره ،،،


 
#6
1- Information Technology

تخصص حلو ومطلوب في جميع الاماكن وراتبة يكون في جميع دول الخليج عالي

2- supply chain management

تخصص اسمة ادارة الدعم والامداد عبارة عن اكثر من 10 تخصصات في تخصص واحد حيث يكون لديك خلفية عن المشتريات والمبيعات وادارة المخاطر واللوجستيات تخصص مرغوب في الخليج ويعتبر من التخصصات الجديدة تقريبا من 15 سنة الى الان مافية اية جامعة في الخليج تدرسة سوي فصول في جامعة البترول والمعادن

3- ادارة مالية

تخصص حلو في المحاسبة ويفضل دعمه بالشهادات المهنية ومستقبلة حلو ورواتبة عالية وصاحبة مرحب فية في جميع قطاعات الدولة

4- التخصصات المهنية .

اي تخصص مهني ويتم دعمه بدورات تدريبية مثلا دورات SAP في الموارد البشرية او في المالية او فية ادارة اللوجستيات ميزتها ان هذه الشهادات مطلوبة بغض النظر عن مستواك العلمي يوجد في الشركات الكبرى بعض الشباب من يحمل فقط شهادة الثانوية وشهادة لغة وشهادة SAP في الموارد البشرية راتبة افضل ممن يحمل ماستر في ادارة الاعمال فقط يعتبر الشي اللي يمنع الناس من الالتحاق بهذه الدورات والشهادات المهنية عيبها الوحيد تعتبر مكلفة ماديا مثلا دورة الساب في تخصص اللوجستيات يكلفك مدة شهر واحد رسوم دراسية اكثر من 10 الاف دولار ولايوجد في الخليج سوى معهدين في الخبر ودبي
موفق اخوي واتمنى اني ماطولت ...
 
#7
دش هندسه بدون تفكير وانحش عن التخصصات الادبيه

الحقوق حلو بس بدون واسطه قويه نقعها واشرب مايها

الهندسه بكل مكان راتبها قوي

والنفط في مجال تتوظف بدون واسطه في ناس توظفو سهاله بس اهم شي النسبه وجامعتك تكون قويه وتنجح باختبار الانجليزي الي راح يكون صعب نوعاً ما حق ناس تجيد اللغه فعلاً وامتحان التخصص والمقابله الشخصيه

ولاتدرس محاسبه مليون واحد يدرسها وما انصحك

الهندسه واقطع

اتعب الحين وعيش حياتك مستقبلا

انا خريج حقوق صارلي سنه متخرج الى الان ماتوظفت

التخصصات العلميه افضل
 
#9
نصيحة اخوي اذا بتدرس وهمك الدراهم ارتاح لانك ماراح تفلح المسالة يبيلها عزيمة واصرار واذا انت اتدور الدراهم اشتغل بالتجارة
 
#10
الرواتب العالية

الاطباء

اساتذة الجامعة

الطيارين

مهندسين الطيران

المحامين

القطاع النفطي عموما

المهندسين

القضاة

وكلاء النيابة

المحققين

الهيئة العامة للصناعة

عطيتك اختيارات كثييرة
 
#11
اخوي شمري بالنسبه للمحامين الي رواتبهم قويه هم الي بالفتوى والتشريع محامي دوله ويبيلك واسطه قويه جدا اما البقيه رواتبهم ضعيفه

والهيئه العامه للصناعه ضعيفه رواتبهم مقارنه مع البقيه ..

الطب والهندسه هي المستقبل
 
#12
اخوي شمري بالنسبه للمحامين الي رواتبهم قويه هم الي بالفتوى والتشريع محامي دوله ويبيلك واسطه قويه جدا اما البقيه رواتبهم ضعيفه

والهيئه العامه للصناعه ضعيفه رواتبهم مقارنه مع البقيه ..

الطب والهندسه هي المستقبل

اخوي فهد العجمي

والنعم فيك وفي العجمان كلهم

اقصد اذا فتح مكتب محاماة

وكانت محامي شاطر

راح يطلع ذهب

القضايا اتعابها بالالاف

مثل الطبيب اللي يفتح عيادة خاصة

بعد فترة يصير من اصحاب الملايين
 
#13
يظل السؤال قائم ، شنو اقوى وظيفه باقوى معاش ؟ وشنو الشهاده العلميه المطلوبه لها

وسؤال ايضا يدور في بالي ، بخصوص هندسة البترول ، اذا جبت شهادة هندسة بترول

من جامعة الكويت ، وما اقبلوني النفط ، وين اروح ؟ شنو اسوي بشهادتي ؟

انقعها واشرب ميتها ؟

خصوصا اذا تخرجت ومعدلي مقبول واللي اعرفه النفط يبون معدلات عاليه اذا ماكان عندك واسطه ؟

اتمنى تفيدوني بهالشغله
 
#14
انا الحين قاعد افكر في هندسه البترول يا حبيبي


بس خوفي باجر لا تخرجت وجبت بكالريوس هندسة بترول ودراسة 5 سنوات



ما يقبلوني بالنفط لان ماعندي واسطه ،



ساعتها بقعد اقشر بصل :(




وانا اذا ابي اصير مهندس لازم اصير مهندس بالنفط عشان المعاش يفرق



لان المعاشات في بقية القطاعات الحكوميه ضعيف مقارنة بمعاشات المهندسين



الموظفين في النفط خصوصا بعد الزياده الفلكيه الاخيره ،،،





كلام جدا مو صحيح وعن تجارب شخصية عندك شهادة هندسة ما تمر شهور إلا وانت متوظف زي الورد .. وعلى فكرة مو شرط تتوظف بالنفط إذا شهادتك بترول حتى بوزارة الكهرباء يبون مهندسين نفط .. وبنات أعرفهم معرفة شخصية توظفوا بوزارة الكهرباء رواتب ولا أحلى والكلام هذا ماهو إلا إشاعات لتحبيط الشباب ليس إلا وانت حر .. الشهادة تأكل الشهد أما من يتقاعس ياكل هوا ويقشر بصل ويدق ثوم بعد .. شكرا
 
#15
السلام عليكم


اخواني شنو اقوى شهادة علميه بالكويت ؟

لحد يقولي طب ، الطب مالي خلق ادرسله ، 7 سنوات وايد ، عمري بيروح

ابي غير الطب شنو ؟ ابي شهاده لو يقطوني باردى وزراة معاشي يكون فوق الالفين دينار

ابي معاش قوي ووظيفه قويه ،

سؤالي باختصار ، يتكون من جم نقطه راح اذكرها الحين :-

1- شنو اقوى معاش بالكويت ؟ معاش الكل يقدر يوصله ، لحد يقولي معاش وزير ولا عضو مجلس

امه ( مرتشي ) ، ابي معاش اي مواطن عادي يقدر يوصله ؟

2- شنو اقوى شهاده علميه في الكويت وماشي سوقها ، واحد يقولي مهندس البترول

بعد الزياده الاخيره ، صار معاشه قوي وما يتحاجى ويشفط حق الوزير والعضو ( المرتشي )

3- ابي وظيفه معاشها قوي اقدر اوصل لها من غير واسطه ، لان انا ماعندي واسطه تجديد

دفتر سياره بالمرور هههههه

فــ شلون بجيبلي واسطه توظفني ؟

ختاما ً ، اتمنى الاجابه على الاسئله ، واتمنى الردود تكون جديه ومافي ردود طنازه او شي جذي

وما نستغنى عنكم واللي مثلكم وشرواكم مايقصرون


وشكرا لكم
شوف أخوي بما إن المجتمع الدولي متجة للطاقة البديلة عليك فيها بما إن تخصصك علمي
 
#16
مادري ليش كلنا في الخليج مانحب الا تخصصين فقط
ادارة اعمال وهندسة بترول

متى اشوف ربعنا يتخصصون
نانو تكنولوجي
هندسة حيوية
كهرو ميكانيك
وراثة
تقنية نووية
 

k7elan

عضو بلاتيني
#17
خصوصا اذا تخرجت ومعدلي مقبول واللي اعرفه النفط يبون معدلات عاليه اذا ماكان عندك واسطه ؟

اتمنى تفيدوني بهالشغله
سألوا اعرابي عن الشاب العاجز , فقال :-هو الشاب القليل الحيلة الملازم للأماني المستحيلة

المعدل مطلوب حتى لو شنو تكون واسطتك , الناس يبالغون

كذلك الواسطة تكون بعد النجاح بالمقابلة الوظيفية , يكون عدد الناجحين كثار فرضا تقدموا للوظيفة 300 نجح منهم 100 و الشركة تحتاج 50 فهنا تدخل الواسطة

تسقط بالمعدل او اختبار المقابلة ما لك شي ابد
 
#18
يعني يا اخوان اتخصص هندسة بترول خلاص؟

ولا في تخصص افض منه ؟

هندسة بترول اول راتب استلمه في القطاع النفطي 1750 دينار :)

خوش راتب والله ، بس الخوف كل الخوف اذا ما انقبلت بالنفط وين اتوظف ؟

في مكان ثاني بالكويت يبون مهندس بترول غير القطاع النفطي ؟

اتمنى تجيبوني لاني الحين خلاص قاعد افكر بشكل جدي اتخصص هندسة بترول

 
#19
المهندس بأردى مكان راتبك ماراح يقل عن الـ 1200 دينار يعني بوزارة طايح حظها تاخذ هالمبلغ وانت عزوبي !
والقبول بالنفط مو صعب ومو سهل بس لو شهادتك معترف فيها ومعدلك زين
والاهم لغتك الانجليزية ممتازة تنقبل بدون واسطة
والراتب يصك الـ 1750 مثل ماذكرت

اما باجي الشهايد مثل القانوني فهي مخطورة
لأن اللي رواتبهم قوي هم جهات محدودة وتبطل بين فترة وفترة يعني مثلاً الفتوى والتشريع توهم بطلوها هالسنة وآخر دفعة حسب ماسمعت قبل 10 سنوات !
نفس الشي بالنسبة لوكلاء النيابة اللي تفتح سنة وترك تقريباً غير أن المكانين اللي ذكرتهم يحتاجون واسطة قووووووية

او انك تروح بعد التخرج للضباط وبعد يبيلها واسطة ومعاشك مايقل عن 1500

:)
 

BMW

عضو ذهبي/ الفائز الثاني بالمسابقة الرمضانية لعام 1
#20
نركض مع الدنيا كما ركض دوار "" ياما كسب زندي وياما غدالي

يالغالي الارزاق بيد الله لاتجعل الدنيا اكبر همك
 
أعلى