سؤال وجواب حبوب البروفين؟؟

النوف

عضو مخضرم

حبوب بروفين حبوب مسكنة لونها وردي وهي قوية حيل في التسكين

منو عنده خبر هل لها ضرر خطير؟؟

خاصة اذا استخدمتها أكثر من مرة...

أتمنى أحد متخصص يرد علي,,,

وأكون شاكرة...
 

0utsider

عضو بلاتيني
البروفين يسبب الم وقرحه في المعده ويسبب انتفاخ للمعده ،،،،،،،،،،،،،،،،،،، خاصة اذا تم اخذه علي جوع ،،،،،،،،،،،،،،،،،،،، وهو اسوا مسكن علي الاطلاق ،،،،،،،،،،،،،،،،،،،،، كما ان كثرته تؤثر علي الكلي تاثيرا سلبيا ،،،،،،،،،،،،،،،،،،،،،،،،،،،،،،،،،،،،،،،،،،، لانه حمضي التركيب ،،،،،،،،،،،،،،،،،، شالله حادج عليه يانوف ،،،،،،،،،،،،،،،،،،،،،،،،،،،،،،،،، هناك عدة انواع للمسكنات اقوي واكثر امانا ،،،،،،،،،،،،،،،،،،،،،،، سلامتج والله ماتشوفين شر ،،،،،،،،،،،،،،،،،،، حتي انا والله ذابحتني الكحه والنشله ،،،،،،،،،،،،،،،،، ومن ضيقة الخلق دشيت ادور هوشات وطلايب المنتدي ،،،،،،،،،،،،،،،،،،،،،،،،:confused::(
 

شمري كويتي

عضو مخضرم
مسكنة للالم وخافضة للحرارة

في منها حبوب للكبار

وشراب للاطفال

لها عدة اسماء تجارية

تصنعها عدة شركات محلية وعالمية

ولكن هذا المسكن قديم

وفي بدائل جديدة وآمنة وافضل منه

هذا المسكن قوي وله اثار جانبية كثيرة

منها تخريش جدار المعدة

ويسبب قرحة في المعدة والاثني عشر

بالذات اذا تم اخذه على معدة فاضية

خطر جدا على جدار المعدة والغشاء المبطن للممعدة

اخذي مسكنات من الصيدليات التجارية بفلوسج

بس خلي الطبيب يكتبلج على مسكن آمن

بس بشرط تحت اشراف الطبيب وبوصفة طبية

لان موضوع المسكنات خطر جدا

مايصير تاخذين مسكن بدون استشارة طبية

اعطيج مثال على خطورة المسكنات

الاسبرين ممنوع على مرضى الربو

وخطر جدا ويسبب الوفاة

يعني مريض الربو معرض للموت اذا اخذ الاسبرين

طبعا هذا في الغالب

لكن ممكن في حالات نادرة جدا

ياخذ مريض الربو اسبرين ويتعب بدون ما يموت

لكن في الغالب تتعرض حياة المريض للخطر

فرجاء من الامهات اللي اطفالهم فيهم ربو

يذكرون للطبيب ان الطفل فيه ربو

لان بعض الاطباء تفكيرهم حجري وقديم

ويكتبون الاسبرين كخافض للحرارة

والافضل هو البنادول والادوية الثانية

الامنة بالنسبة لمريض الربو

والاسربين خطر على الكبار والصغار من مرضى الربو
 
^^ ^^​

كنت اخذ الاسبرين..وانا فيني ربو..:eek:

ماادري عن هالسالفه..​

النوف... لعبت فيني حبوب البروفين..​

وصارت معدتي حيييل حساسه..​

بالعربي تشلخت منه قوي حيل..​

اكلته باجرام..:confused:

وهالبقاله ماعندهم الا هالحبوب يصرفونها..​

ومايسألون..وكل المرضي نفس الدوا..​
 

شمري كويتي

عضو مخضرم
ياسبحان الله كل هذا بحبوب البروفين ؟!

انا مرات اشتريها من الصيديلية والحمد لله ارتاح عليها وماشفت منها اي ضرر



مو كل مرة تسلم الجرة

عموما حبوب البروفين

اذا اخذت على معدة متروسة

وبعد وجبة كاملة لاتسبب ضرر كبير

وخاصة اذا كانت لفترة قصيرة

وعلى فترات متباعدة

اما الخطر فهو في حالتين

اخذ الحبوب على معدة فاضية

والحالة الثانية اخذ الحبوب فترة طويلة

المسكن هو علاج مؤقت لفترة قصيرة

اما اذا استمرت الالام او الحرارة

لازم فحوصات دقيقة وتحاليل لمعرفة السبب

المسكنات ليس علاج للامراض

بل هي مسكن للالم لفترة قصيرة فقط

او خافض للحرارة حسب وصف الطبيب

ولفترة محددة يحددها الطبيب المعالج

 

جواهر*

مشرفة
طاقم الإشراف
مو كل مرة تسلم الجرة


عموما حبوب البروفين

اذا اخذت على معدة متروسة

وبعد وجبة كاملة لاتسبب ضرر كبير

وخاصة اذا كانت لفترة قصيرة

وعلى فترات متباعدة

اما الخطر فهو في حالتين

اخذ الحبوب على معدة فاضية

والحالة الثانية اخذ الحبوب فترة طويلة

المسكن هو علاج مؤقت لفترة قصيرة

اما اذا استمرت الالام او الحرارة

لازم فحوصات دقيقة وتحاليل لمعرفة السبب

المسكنات ليس علاج للامراض

بل هي مسكن للالم لفترة قصيرة فقط

او خافض للحرارة حسب وصف الطبيب

ولفترة محددة يحددها الطبيب المعالج

شكرا للمعلومة والمهمة والمفيدة اخوي الشمري

وربي يبارك فيك
 

صالح

عضو مميز
السلام عليكم

خطاكم السو وماتشوفون شر

اذا كنتي تعانين من الم قوي اخذي بروفين اذا كان الالم عرضي ويروح خلال اسبوع
البروفين ماله تاثير اذا كان على جرعات بسيطه وخلال مده قصيره لكن لايصير عاده لان ساعتها الجسم مايرتاح ويسكن المه الا بالبروفين او شي اقوى منه
واذا طالت المده تحملي الالم ولا تاخذينه
البديل الافضل اهو " اولفين " لحالات الالم الناتجه عن اي اضطراب في الجسم

في بدائل اعشاب وتباع عند محلات العسل
شي ينوم
وشي يهدي الاعصاب
وشي يسكن الالم

وماتشوفون شر اخت نوف
 

بَسْمَة ..

عضو مميز
اي حبوب مُسكنة توخذ بشككل داائم لها آآثار .. لازم لها اثار ..
هالشيء استخلصته من حبوب مُسكنة لـ ألم الأسناان ..
كنت مدمنه عليها اذا خلصت اقعد أجر شعري خخخخخخخخ
وما أرتاح الا لاشفت العلبه ..
بعد 5 شهوور من الإدمان ..
اكتشفت انها رثعت فيني رثثثع ..
أقل شيء .. سببت لي التهابات .. مهما أعالجها القاها ترد بعد فتره ..
عانيت صج .. ولازلت ..
وكله من ورا المسكنات ..

لذلك لاتاخذينها بهوس ..
فقط فقط فقط عند الحاجه ..
واذا فيه شغله مأذيتج روحي للطبيب وبلا مسكن بلا وجع راس


:

 

de novo

عضو ذهبي
شدعوه يبا شهالردود ترا كله بروفين
اخذه يبا ولاتخاف
بس ها اذا حق الصداع العادي انصحك تاخذ بندول ترا انفع
اما اذا بتاخذ بروفين حق الام المفاصل اخذ معاه مضاد للحموضه مثل الزنتاك لاجل تحمي جدار المعده من التقرح واذا تشكي من الربو ابعد عن كل ادويه NSAID وخلك علي البندول

وماتشوف شر
 
أعلى