سؤال وجواب يمقن مراقب أو لأ؟؟

النوف

عضو مخضرم

هل الواتس أب مراقب من الدولة أو لأ؟؟

انا مو مصدقه صراحة في كلام كثير طلع بس أبي كلام موثوق منه...

مع ان الواتس برنامج خصوصي حاله حال الصور والرسايل.....

اتمنى يكون غير صحيح

وإن صح الخبر ف على الخصوصية السلااام,,,

ولكل من يعطي الإجابة الصادقة

مقدما,,

له,,,:وردة:

وشكرا
 

الشعلي

عضو فعال
يمقن ايه يمقن لأ ..!

ما أعتقد مراقب ..

لأن المراسلات الي تتم بالواتس أب تتم عن طريق سيرفرات الشركة الخاصة بالبرنامج ..
ولا دخل لأي سلطة فيه دون مخاطبة الشركة الخاصة للتطبيق ..

مثل البلاك بيري ..
محد يقدر يطلع عليه إلا بأخذ الموافقة من جهة الشركة الخاصة بالجهاز وبكتاب رسمي .. والجهة الوحيدة الي تراقب الخدمة الـ CIA

مثل سالفة الإمارات يوم يوقفون خدمة البي بي بسبب رفض الشركة السماح للسلطات الإماراتية بمراقبة الخدمة !!..
 

النوف

عضو مخضرم
يمقن ايه يمقن لأ ..!

ما أعتقد مراقب ..

لأن المراسلات الي تتم بالواتس أب تتم عن طريق سيرفرات الشركة الخاصة بالبرنامج ..
ولا دخل لأي سلطة فيه دون مخاطبة الشركة الخاصة للتطبيق ..

مثل البلاك بيري ..
محد يقدر يطلع عليه إلا بأخذ الموافقة من جهة الشركة الخاصة بالجهاز وبكتاب رسمي .. والجهة الوحيدة الي تراقب الخدمة الـ CIA

مثل سالفة الإمارات يوم يوقفون خدمة البي بي بسبب رفض الشركة السماح للسلطات الإماراتية بمراقبة الخدمة !!..

كلامك صحيح....انا بعد فكرت بالبي بي,,,

بس ما تذكر البرودكاست المنتشر ويؤكد المراقبة؟؟؟
 

النوف

عضو مخضرم
مراقب لانه مو مشفر


وابسط البرامج تقدر تراقبه


لكن الواحد عقب اللي دزه من صور او كلام يتحسف على شنو


عيش حياتك وانت مرتاح

كل شي مراقب


والله هذا الخوووف منه,,,

شلون تعيش مرتاح وانت مراقب؟؟

ومشكلة اذا ما عندك خبررر
 

Desert Eagle

عضو ذهبي
شوف اختي كل شي الحين مراقب وخصوصاً بعد استيراد الاجهزه الحديثه

المراقب هو جهه امنيه ماله شغل بالصور الخاصه والاجتماعيه


لو مسوي اردى فضيحه وسولفت فيها بالواتساب ماراح يصير فيك شي


هم يبون شغلات معينه


اذا ماراح تستخدم اي برنامج مو مراقب

ما عندك الا حمام الزاجل .. اربط رسالتك فيه وروح طيره
 

تشالنجر

عضو مميز
تأكدي انه مراقب 100% اي شبكة وايرلس استطيع اشوف مايرسلونه الناس من كل شي وايرلس المطار الجامعه المستشفيات بسس يبيلها جهاز لابتوب بنظام لنكسس وخبره بسيطة
 

.. عصآمية *

عضو مخضرم
مو قصة مراقب

لكن الرقم اللي بيراقبونه يراقبونه و چنه العيد

سواء ع الواتساب او تويتر .. الخ

،

و كل الاتصالات والمعلومات بالعالم مراقبة ، اذا ماني غلطانة من فرنسا

و هالمعلومات كلها عرفناها من الأخ @3bdullla

شكراًً
 

النوف

عضو مخضرم
مو قصة مراقب

لكن الرقم اللي بيراقبونه يراقبونه و چنه العيد

سواء ع الواتساب او تويتر .. الخ

،

و كل الاتصالات والمعلومات بالعالم مراقبة ، اذا ماني غلطانة من فرنسا

و هالمعلومات كلها عرفناها من الأخ @3bdullla

شكراًً

اللي مطلوب اوكي يراقبونه...

بس اللي مو مطلوب؟؟!!

ترى في قرق
 

النوف

عضو مخضرم
تأكدي انه مراقب 100% اي شبكة وايرلس استطيع اشوف مايرسلونه الناس من كل شي وايرلس المطار الجامعه المستشفيات بسس يبيلها جهاز لابتوب بنظام لنكسس وخبره بسيطة

يعني أقول عالخصوصية السلام,,,

شكلي بحذف هالبرنامج بس تعودنا عليه....
 

بَسْمَة ..

عضو مميز
يقولك لا تبوق لا تخاف

بعدين عادي تقدرين ترى تعيشين بدونه

كاني عايشه بدونه ومااحاتي مراقب مو مراقب خل ياخذون راحتهم ويراقبون منا لـ بكرا

شنو بيلقون يعني :p يالنوف بالله ... ؟!


 
أعلى