التعدى على شروط القبول بكلية علي الصباح العسكريه !

Q8y 7r

عضو
السلام عليكم ورحمة الله وبركاته ،



يا اخوان نسبة قبول الكليه بالنسبه للادبي 68


لكن ع حد علمي واخبار تويتر من ابناء عمومة الرامي فهيد الديحاني !

ان تم قبول ابنه ساير محمد فهيد الديحاني بالكليه

للعلم نسبته 66 وخريج ادبي ! والدليل بقوقل بجرايد السنه الي فاتت !


وانا مضيع سنتين من عمري عشان يقبلوني بهالكليه واخر شي تطلع هالسوالف ؟


ما اقول الا حسبي الله ونعم الوكيل على " الظاالم "
 

الـجـذع

عضو جديد
أخوي هذي يسمونها أستثنائيه ..

اذا نسبتك قريبه من نسبة القبول روح راجعهم وطلب استثنائيه ..
 

NewMan

عضو
له افضليه اذا كان ابوه ضابط برتبه كبيرة بنفس الوزارة
هذا الكلام سمعته من شخص له علاقة بالموضوع
 

al-alajmi

عضو فعال
هذا أبوه جاب ميدالية للكويت وضابط أكيد له الاولوية ويستاهل أنت

شسويت للكويت


ما شاء الله عليك صاير استخبارات مشيك علي أسم الولد وكم


النسبة



عسي الله يفكنا من الحسد كان حنا بخير
 

بدر11

عضو فعال
ماعندك واسطه لو نسبتك 90 ماراح تحصل شي
وكله تحت بند الاستثنائه يعني قانوني يعني لوترفع قضيه ماراح تحصل شي
لانه هناك بند اسمه استثنائه ( واسطه من نوع قانوني)
 

meshal

عضو بلاتيني
هذا أبوه جاب ميدالية للكويت وضابط أكيد له الاولوية ويستاهل أنت

شسويت للكويت


ما شاء الله عليك صاير استخبارات مشيك علي أسم الولد وكم


النسبة



عسي الله يفكنا من الحسد كان حنا بخير

عزيزي العجمي
لأن أبوه جاب ميدالية
الإبن يستاهل ياخذ حق غيره .
الحين واحد حقه راح تقول له لا تحسد .. حلوه هالسالفه :)
ما في أحد معترض على فهيد وانجازه لكن هذا ما يعني أن يتم أخذ حقوق الغير .

طرى على بالي الأمريكان ..
اللاعب اللي اخذ ميدالية ذهبية بالأولمبيات يطبق عليه القانون الضريبي ويدفع 220 دولار ضريبه عن الذهبيه.
ما عندهم بيع برد بتطبيق القانون .. :)
ولا احنا ما زلنا بلد التخلف والعجائب والكلام عن القوانين بشكل عام ودور الواسطه واللي شرعو لها قانون تحت بند الإستثناء .
 
الحكومة لعبت بالبلد


وخلت اللي له حق ماياخذه واللي ماله حق يتعدى على حق غيره



وجعلت المواطن الكويتي يدور كالمسكين



فصارت المعادلة المواطن يذهب للعضو والعضو يذهب للحكومه في امور التوظيف




فاصبح دور بعض الاعضاء هم مناديب معاملات والمواطن كالشحاذ يركض ورى الاعضاء والحكومه اصبحت كالمالك لكل شيء؟



الى متى هذا الظلم وهذا التمادي في جعل مؤسسات الدولة مادة استغلالية في يد المفسدين الحقيرين
 

بدر الروقي

عضو ذهبي
والله ظلم
فهيد الديحاني رفع راسنا ونعم ماقلنا شي ويستاهل اكثر من جذية لكن مانظلم من معه شذنب صاحب الموضوع كان الله في العون
 

بوشاهين

عضو فعال
هذا ظلم ماهو حسد

الحسد اذا كنت اقل من غيرك بالنسبه وماقبلوك فهذا طبيعي ووقتها نقول عنك حسود وحاقد

اما اللي صار فهذا ظلم وفساد ذمه

شنو يعني ابوه جاب ميداليه ؟؟؟؟؟؟؟؟؟
شنو فايدة الميداليه سواء كانت ذهبيه او فضيه او برونزيه ؟؟؟؟؟؟؟؟؟؟
شنو فايدة البلد من ( ميداليه ) علقها برقبته ؟؟؟؟؟؟

طلع الثالث على العالم هييييييييييييييييييييييييييييي الله
وبعدين

ترى اقصاها قلاده

ناس ضايعه عسى الله يهديهم

 

al-alajmi

عضو فعال
ألحين مناقصات البلد دايرة علي شخص واحد وينهب من هالفلوس فتحتو

موضوع علي فرق النسبة من66 الي 68 علي الاقل ياصاحب الموضوع لا تذكر

اسامي ولا الظاهر كل مشكلة تحطونها براس مطير انا زعلان انك تذكر

الاسامي ناس نسبهم 55 وانقبلو محد تكلم رجال مثل الديحاني يستاهل

استثناء لولده ,,,البلد كلها استثناءات ردت علي الديحاني ,,,



علي فكرة في القبول يفضلون ولد الضابط .....واذا صار ضابط و بطل مثل

الديحاني غير طبعا
 

وين نروح

عضو بلاتيني
العقيد الركن فهيد الديحاني , رفع علم الكويت بعد سنين عجاف أيقاف رفع علمنا الغالي من المحافل الرياضية الدولية وبعد رفع الإيقاف للعلم رفعه فهيد الديحاني , وسجل أسم الكويت من برونز في محفل لندن , على نسبة وحده تبون الدولة ترفض ولده وتسمونها تعدي ومادري شنو ؟؟
وعلى فكره فهيد كلم المسؤولين عن ولده وقت الإحتفاليه وبدّى ولده على نفسه بالترقية لكنهم قالوا له بما أنك رفعت أسم الكويت عالياً لك الثنتين , وولده مو خريج متوسطة ولا ساقط وهذا الشبل من ذاك الأسد ..
يستاهل ولد فهيد الديحاني ضابط وبدون دوره ,, لكن الأخ كاتب الموضوع إذا مظلوم الله يكون بعونك ما قصدت إني أضايقك لكن بالنسبة لفهيد ش ثاني حط مقارنة لشخص غير فهيد .
 

وين نروح

عضو بلاتيني
هذا ظلم ماهو حسد

الحسد اذا كنت اقل من غيرك بالنسبه وماقبلوك فهذا طبيعي ووقتها نقول عنك حسود وحاقد

اما اللي صار فهذا ظلم وفساد ذمه

شنو يعني ابوه جاب ميداليه ؟؟؟؟؟؟؟؟؟
شنو فايدة الميداليه سواء كانت ذهبيه او فضيه او برونزيه ؟؟؟؟؟؟؟؟؟؟
شنو فايدة البلد من ( ميداليه ) علقها برقبته ؟؟؟؟؟؟

طلع الثالث على العالم هييييييييييييييييييييييييييييي الله
وبعدين

ترى اقصاها قلاده

ناس ضايعه عسى الله يهديهم

علقها برقبة ؟؟ إذا ما تعرف رمزية ميدالية فهيد لا تجي طاير بدون ليتات في ظلام دامس , ماهمتنا الميدالية , همنا رمزية الميدالية بعد سنين عجاف من إيقاف رفع علم الكويت اللي يعيّرنا فيها محمد بن همام ( أرفعوا علمكم وبعدين تحجو ) وكل السنين اللي طافوا يرفعون العلم الأولمبي بدل الكويتي , أول قرار برفع الإيقاف عن العلم الكويتي ...
تخيل رفعة البطل فهيد الديحاني يعني ياكل هوى محمد بن همام ويستريح جبنا القرار ورفعنا العلم غصب عنه وغصب عن اللي يكره الكويت ...
 

سبع

عضو مميز
اخوى لاجديد لو نسبتك 90 لازم عندك واسطه وزير عضو متنفذ تاجر كبير هذا ولدنا
لاجديد موضوع اصغر خوانى يعرفه ههههه
بعدين شنو فيها ولده ودش ضابط هذا شى متعارف عليه اذا كان الاب ضابط فى الجهه يكون للابن اوليه بالقبول ضابط مثل ابوه
 

عـيـمـي_24

عضو مميز
شتبي بالعسكريه

شدعوه جيش السوفيت او الأمريگي

كمل دراستك يالحبيب الجيش والله رزاله

تدخل ملازم عبالك تسوي شي ترا الحين وكيل اول احسن من الملازم من ناحية الشغل والراتب

ملازم والله يطبطبون عليك ضباط الي فوقك

اسألنيييييي عن العسكريه ولا تسال طبيب
 

بوشاهين

عضو فعال
علقها برقبة ؟؟ إذا ما تعرف رمزية ميدالية فهيد لا تجي طاير بدون ليتات في ظلام دامس , ماهمتنا الميدالية , همنا رمزية الميدالية بعد سنين عجاف من إيقاف رفع علم الكويت اللي يعيّرنا فيها محمد بن همام ( أرفعوا علمكم وبعدين تحجو ) وكل السنين اللي طافوا يرفعون العلم الأولمبي بدل الكويتي , أول قرار برفع الإيقاف عن العلم الكويتي ...


تخيل رفعة البطل فهيد الديحاني يعني ياكل هوى محمد بن همام ويستريح جبنا القرار ورفعنا العلم غصب عنه وغصب عن اللي يكره الكويت ...


شنو سنين عجاف وشنو ليتات

هدي ياخوي شفيك معصب

ترى كلها فقاعة يومين وانتهت والناس نست الموضوع
انت على بالك ان القلاده هذي خلت العالم يهتمون فيك والله محد يدري عنك

سواء اهو والا غيره لو جايب شي يفيد البلد مثل اختراع عقار يعني ( دواء ) لمرض مثلا او او او او

مبروووووك القلاده اقصد الميداليه :إستحسان:
 
يعطيك العافيه اخي كويتي حر ,

وقعت بمخالفات أحب انبهك عليها

اولا

1-نشرت إسم الشاب إبن العقيد فهيد الديحاني بدون إذن

2- قمت بإعلان نتيجة قبوول لم يعلنها الجيش أساسا حفاظا على السريه

3- يعتبر الشاب منذ قبوله عسكري بالجيش الكويتي .



خلني أقولك سالفه طريفه

ابن عمي قدم ثلاث مرات واسطه أقوى من الثانيه وبكل مره يقبل يدقون عليه الكليه ينصدم ثاني يوم أن اسمه مزال من قائمة المقبولين

وفي كل مره يقدم يحصل معه هذا الموضوع وبنفس الكليه هذه ,, اخر مره دخل مقابله وسأل رئيس الأركان في ذلك الوقت قاله حرفيا "أنتو تلعبون علي أنا انقبل وتشيلون أسمي ثاني يوم" رد عليه وقاله طالما دخلت بالواسطه تزال بالواسطه.

واخوي دخل في سنة 2001 بدون أي واسطه .


بشكل عام

لايوقف طموحك عند هذه الكليه إذا معدلك زين كمل دراستك والله الموفق



ختاما

إبن فهيد الديحاني مادخل بواسطه بل من إستثنى فهيد الديحاني إلى رتبة عقيد دخل ولده الكليه عرفانا بجهود هذا الرجل .. وأنا اقصد هنا سمو أمير البلاد حفظه الله ورعاه.
 

HMD-ALAJMI

عضو ذهبي
انتووو من تكلمووون من جد !
كلية الضبااااط سواء الشرطه او الجيش ماتدخلها الا بواسطه لو نسبتك 100/100 للاسف هذا الواقع
واسطات من قبل الشيوخ التجار اعضاء مجلس امه ابناء او اخوان قيادات او غيرها لا تفكر تسجل من
غير واسطه ولد عمتي سجل حرس وطني اختصاص حقوق وقدامه هو واللي مقدمين قرعه اذكرها بقول
اللي قدمووو 11 واحد وقبلو 6 او 5 والرجال الحين رائد والحمدالله لامنه فلان وعلااااان ..
انااا ياللي قدامكم نسبتي 72 سجلت ولا قبلوووني  ،، هذولاهم ربعي اللي سجلو معي رواد
فـ صدقووووني اللي الله كاتبه لك بيسيييير ،،
 
أعلى