سؤال وجواب من عنده خبره بسياقة السيكل

[كويتنا3]

شباب انا امنيتي اسوق سيكل وماعمري جربت ولا اعرف له



الي عنده خبره جم يبيلك وقت عشان تعرف تسوقه انا بصراحه ودي اسوقه بره لاسافرت اوروبا مثلا






وعمري فوق 30 عادي استمتع بهالهوايه ولاعيب بخصوص اني كبرت بالعمر شوي

 

[S3d1987]

مر وكالة هوندا عندهم لبناني يدربك عالسياكل اتوقع الساعه ب30 دينار بس نصيحه نصيحه نصيحه اول شي تسويه اشتر سيفتي كامل السيكل سواقته خطررره جدا عشان ابري ذمتي انصحك هالنصيحه انا صاحبي تكسر والعن خيره بسبة السيكل لانه مو لابس السيفتي نصيحه بدلة السيفتي غاليه لكنها مو اغلى من نفسك

 

[كويتنا3]

ماقصرت يالغالي الله لايهينك بمر هوندا وأسألهم

 

[Blue_Bubbles]

متعة ما بعدها متعة
وللأسف انقطعت عنها من عشر سنوات بسبب الزواج والبيت والأولاد
​

 

[سيادة الدولة]

اخذ كنم عجيب


بوثلاث تواير بس بالكويت مطافيق الواحد يسوق ويتشهد

 

[بدركوم]

مر وكالة هوندا عندهم لبناني يدربك عالسياكل اتوقع الساعه ب30 دينار بس نصيحه نصيحه نصيحه اول شي تسويه اشتر سيفتي كامل السيكل سواقته خطررره جدا عشان ابري ذمتي انصحك هالنصيحه انا صاحبي تكسر والعن خيره بسبة السيكل لانه مو لابس السيفتي نصيحه بدلة السيفتي غاليه لكنها مو اغلى من نفسك

ساعه 30 دينار ليش بعلمه شلون يقود طيارة !!

هناك رابطات للدراجات النارية وشباب كويتيين يدربونك ويعلمونك بلاش

 

[البعثي]

لا اخوي لا تروح لشركه الهوندا ساعه ٣٠ ليش

اخوي انا سامع عن شركه راعيها كويتي تقريبا بالشهر ٥٠ بس لازم عندك استماره سيكل مو ليسن عرفت


خلني اشوفلك اياه وردلك خبر

 

[Desert Eagle]

تكفى لا تسوق سيكل

ياخي خطر والله خطر

يسولف واحد من الشباب عن واحد يعرفه انه كان يسوق سيكل وماشي بخط سريع وفي شباب جمبه قاعدين يخرعونه ولفو عليه حيل وهو صدق ولف معاهم واختل توازن السيكل ويطير الرجال ويدش بلوحه المناطق عاليه ويطيح على الشارع


صدقني العافيه ما تقدر بثمن

اخذها نصيحه العافيه نعمه دير بالك عليها

 

[مساعد الشويب]

والله ياخوي قبل كم يوم داعم سوبر بو عبدالله جارنا والسبب السيكل

اخوي وربعه شله سياكل وبخاطري اركب هالسيكل ومنحرج

بيقلون شكبره ومتزوج ويسوق سيكل الحمدالله والشكر


الموعد الساعه وحده بليل بروح للجمعيه اجيب اغراض

ولا شله السياكل قدام بيتنا

قلتله تكفا عطني دوره (( سوالف قبل عطني دوره وحط رجلك هههههه))

ربط الدشداشه ودست وظيعت بين الكلج والبريك تخيل شكلي وانا حاك رجولي بالقار

المهم صار الي صار وحلف اني ماصلحله بشرط اني ماركب سيكل مره ثانيه

وانصحك خلك ع الفورد احسلك

 

[تشالنجر]

تكفا لااتذكرني بايام االطفوله و المراهقه بالبر و المزارع عيال عمي كلهم بانشيات و سياكل اله انا

ااتذكر الوالد كان يبي يشتريلي سيلك لما كان عمري 10 سنين وخلاص بيدفع الفلوس وتدق امي وتقوول لا مافي سيكل و الفلوس اخذها و الحمدالله ماشريت ولاني شاري

اتذكر السيكل نفس هذا بس ياماها

 

[كعضول]

السيكل لكل الأعمار يالغالي والاغلبية كبار بعد خاصة اصحاب الهارلي

بس دير بالك وانصحك تاخذلك من طقة الهارلي تكانه و كهواية افضل و مريح اكثر للقعده والتمشي وبتدش جو اكثر اذا دشيت قروب و وخر عن السياكل السبورت نفس هوندا وكوازاكي لانهم يشيشون على الاستهار و الدوس

اما بخصوص التعليم ما عندي فكره

موفق وعساك عالقوه

 

[MeshoX]

كان حلمي قاري ( دراجه هوائية ) الى الآن احسد الاطفال كل ماشفتهم راكبين قواري
ابوج دنيا

 

[كويتنا3]

الله يعطيكم العافيه شباب عالردود وماقصرتوا كلكم





والهارلي زين وفيه سفتي

 

[اقوش]

ذكرتنا في ايام الصبا.
المهم
سواقه السيكل متعه الي ابعد حد
انا عملت في وزاره الدفاع في المواكب سريه الدراجات الناريه لمده 7 سنوات
اجمل ايام عمري العسكريه كانت فيها
السيكل خطر الى ابعد حد ولكن يحتاجه تدريب مو اقل من 3 شهور
يتضمن التدريب المنحنيات والوقوف المفاجئ والجسور والدوارات والسرعه مسافه طويله
ويتاجله انتبااااااه كبير
بخصوص انك بتسافر اوربا يلزمك ليسن دولي لدراجه الناريه طبعاىبعد التمرين اتسوي اتراي في مرور العاصمه قسم الدراجات وبعدها تاخذىالليسن الكويتي الخاص بالدارجه ومن ثم تاخذىالليسن الدولي من اتحاد مكاتب المختصه في الليسن الدولي مثل اتحاد السيارات والخ
والله يوفقك ودير باااااااالك

 

[سوزان 1]

زكرتني بايام الطفولة كان عندي واحد
وهلا عند بنتي واحد ماشالله ماكملت ال 6 سنوات وسواقتها ممتازة

 

[جيمس بوند الكويت]

عندك النجم الثلاثي يعطونك دورة عشر حصص الحصة بساعه بـ 200 دينار

الاجرائات الامان عندهم جيده مثبتات وخوذ وقفازات وبوتات وغيرها

هذا غير اذا بتسوي التراي تعطيهم الموعد ووصلولك السيكل لي مكانك

 

[Alajmi99]

ههههههههههههه الصراحه ردودكم تحف حبايبي
١- الرخصه مدري عنها نهائين
٢- التعليم انا تعلم السيكل بروح والله لا دورات ولا تدفع ولا خرابيط
تبي تتعلم عندك اليوتتيوب علمك الاسسيات الكلج و التبديلات و البريك و الشغلات الثانيه
٣- لا تنسى انه السياكل انواع في ٦٠٠ سي سي في ١٠٠٠سي سي
اذا انت مبتدى لا تجربها نهايين اشترك ابو ٣٠٠سي سي او اقل بعد و خذلك فره فرتين بالفريج بعدها بتعرف و بتتعلم انا صدق متهور اسوق سيكل بدون سيفتي و بدون رخصه قياده بسس والله غلط الى اسويه بس نصيحه تعلم بعدين جرب و شكرا

 

[Diamond 5]

برأي اذا انت مالك خبره بلسياكل خليك على سيكل الفيسبا اقل خطوره من الانواع الثانيه مثل الياماها 600 او 1000 او حتى 400 حتى البري والبانشي خطرين فيسبا بطيء شوي بس حلو يمشيك ومو مزعج ولا صعب بس بريك وبانزين الثاني صعب مقارنة بلفيسبا كلج وميزان وكبير. اعتقد في قروب مشهور عندهم سياكل فيسبا