سؤال وجواب أخيرا نويت أبني الأرض بس محتار ..؟؟

[AlBadel]

عندي أرض سكنية ( سد ) ودي واحد يدلني علي نموذج بيت سرداب وأول سد مثلي
ودي بصورة بشرط يكون البيت معروف أو عنوان بيت حلو وبنيانه عجيب أروح أشوفه
أبي أشوف البيت من الداخل ضروري
ممكن تفيدوني مع خالص شكري :وردة:​

 

[جبلي وافتخر]

اخوي الغالي صعب احد يقولك تعال ادخل بيتي في حاله واحد تعرفة عادي اما واحد ماتعرفة صعب
اذ تبي نصيحة روح مجمع الاوقاف وفيه كذا مكتب وعندهم كذا نموذج وفيه تصوير فيديو وتقدر تختار
اما بحاله عجبك نموذج بيت من الخارج تقدر تتفق من المهندس ويجي يشوف التصميم الخارجي اما بخصوص السرداب يعتمد علي حاجتك فيه ناس يخليه دوانية والبعض الاخر يكون مجلس للاهل والبعض يكون حمام سباحة
وانت واختيارك وحاجتك للسرداب
اما نصيحتي لك دام بيتك سد اجعلة مجلس معيشة لك وحق اهلك افضل لنه لا يوجد موقف سيارات امام منزلك وافضل شي تجعلة سرداب ساقط وهو يكون مفتوح من فوق
الله يجعلة منزل مبارك واتمني لك التوفيق

 

[AlBadel]

مشكور أخوي الجبلي صدقت صعب جداا هالطلب ولكن ممكن واحد يقولي عن مكتب عند تصاميم طيبه
ونصيحتك مقبوله وتسلم علي الدعوه
لاهنت طال عمرك

 

[أبوطلال]

اخوى البديل نفس ماتفضل به الاخ الجبلى لكون قسيمتك سد
الافضل استغلال السرداب مفتوح من خارج البيت كديوانية مفصوله مع مرافقها فى جزءه الاول ..
والجزء الخلفى المفصول والمنعزل عن الديوانية . استغلاله للاهل وللابناء او كمخزن ويكون مفتوح بباب من داخل البيت .
والله يعينك على البنيان وموفق كل الخير ...:وردة:​

 

[AlBadel]

هلا بالعود بوطلال
مشكور علي المرور والبنيان أبيه بسيط لكن المشكلة أبي صورة أو منظر لبيت
لاهنت طال عمرك

 

[ابوصالح]

اخوي البديل روح اي من المناطق التي فيها بنيان جديد

شوف البيوت التي لم يتم سكنها واسال الحارس وشاهد البيوت التي مثل بيتك سد على ماقلت

اذا عجبك البيت اطلب من راعي البيت صورة من المخطط

بعضهم انسان طيب يعطيك والاخر يرفض والاكثر منهم يتماهل قليلا

المهم انت خل عندك تصور وارسم الكروكي في مخك وروح للمكاتب الهندسيه واشرح لهم الوضع وصدقني راح تحصل تصميم افضل واحسن