سؤال وجواب احسن تواير من ناحية طول العمر والجودة

[كيفان]

السلام عليكم

اخواني بغيت استفسر منكم شنو احسن نوع تواير لسيارتي من ناحية طول عمر التواير وجودتها

السيارة كامري 2008 مقاس الرنجات 16

ويا ليت اللي يعرف السعر لا يبخل علينا

 

[البعثي]

اخوي الساير يركب لسياراته يوكوهاما وهو وكيله

وعندك التويو ياباني ممتاز وسعره زيت تقريبا اربع تواير 150 دينار

والهانكوك الكوري ممتاز وسعره نفس سعر التويو ونفس المستوي

عمر التاير بجوائنا الصعبه وحراره القار بالصيف سنتين حتي لو السياره ماتمشي لان التواير تشمس ويفضل بعد السنتين لو ماتبي تغير التواير تغير اماكن التواير بحرف الاكس يعني الي ورا تحطه قدام

 

[محمود المليجي]

عليك بالقودير الألماني افضل نوعيه وحاليا سيارتي قودير لها سنتين ونص

 

[المهذب]

ميشلان
بريجستون​

 

[meshal]

عندك البريلي الألماني ممتاز بالراحة تستخدمه 3 سنين .

 

[تويتر الكويت]

ميشلان

بيريللي

بريجستون

يوكوهاما

تويو

​

 

[blackq811]

قود يير وتاكد من تاريخ الصنع و التاير اليمين حطه يمين و اليسار يسار مو بس يركب وخلاص
وخل يشد البراغي بالمسدس مو بالحديده
و خل يخلي النقشه بأتجاه واحد ونفس النقشه
موفق

 

[محمود المليجي]

اخوي الساير يركب لسياراته يوكوهاما وهو وكيله

وعندك التويو ياباني ممتاز وسعره زيت تقريبا اربع تواير 150 دينار

والهانكوك الكوري ممتاز وسعره نفس سعر التويو ونفس المستوي

عمر التاير بجوائنا الصعبه وحراره القار بالصيف سنتين حتي لو السياره ماتمشي لان التواير تشمس ويفضل بعد السنتين لو ماتبي تغير التواير تغير اماكن التواير بحرف الاكس يعني الي ورا تحطه قدام

تصحيح امس ركبت تواير تويو التاير بـ 45 الاجمالي 180 وكنت ناوي اركب قودير بس مع الاسف ماحصلت خالص من المحل الي اركب عنده ..

 

[البعثي]

كم حجم رنقاتك

توني مركب لوانيت رنقات 17 عند وكيله الميلم

وعادي تصير يفرق السعر من عميل لعميل