ذائــــــ شعريهـ ــــــــــقهـ

[ابو فهد الكويتي]

.

حس انها حلوه وهي حسته ذوق
حبوا بعض في يوم كان اغلبه كذب

والله لاحبوا ولا حسوا بشوق
مراهقين وشوهوا صورة الحب​

.

 

[ابو فهد الكويتي]

.

يوم سافرت وتركت الحدايـق للرمال ** ما تخيّل وش بقى لي مع الصبر الطويل
ضحكةٍ ما كنّهـا الا غمـامٍ دوووب سال ** سيّلت في وسط روحي جروحٍ مـا تسيل
تدري انك كل ما ابطيت داهمني سـؤال ** كيف صار البعد واقع مع انه مستحيل ​

.

 

[ابو فهد الكويتي]

.

الشـك باب ويفتحه كـل مفتـاح
و إذا إنفتح . ضيّق عليك الزوايـا

إن كان ودّك تقضي العمر مرتاح
حـاكـم سـلوك ، ولا تحـاكم نـوايا ​

.

 

[ابو فهد الكويتي]

.

ابكي شره وابكي ندم واتعبر ** من حر مابي ليت من مات وارتاح

طبع الو فاء ياناس فينا تغير ** حتى الو فاء مسكين من غدرنا طاح

الله معك مابيك مني تعذر ** يكفي عنك اسهيل والطير لا ناح

يمك حدان الشوق ما ني مخير ** واللي حداه الشوق معذور لو صاح​

.

 

[ابو فهد الكويتي]

.

البارحه عن لذة النوم سهران ** ابكي خفا والدمع يجري من العين
افكر على ما صار والبال مشتان ** جد ضاع فكري والعقل والبراهين
ضاع الفكر مما يشوفه بالاعيان ** وقت ٍ دعا فرسان عزه ذليلين
ماني على ما دبر الله جزعان ** الله كريم ويبدل الشين بالزين​

.

 

[خجـل]

‏مو كل صدفه للبشر تجمع احباب
ولا كل فرصه في حياتـك سعيده
يمكن يكون احيان اغلاق الكتـاب
أفضل ترى من فتح صفحه جديده !

:وردة:​

 

[Way one]

‏مو كل صدفه للبشر تجمع احباب
ولا كل فرصه في حياتـك سعيده
يمكن يكون احيان اغلاق الكتـاب
أفضل ترى من فتح صفحه جديده !

:وردة:​

صح لسان قايلها و ناقلها

 

[ابو فهد الكويتي]

.

مدري القصايد فيك وش ممكن تكون

لا صرت صفحة مالها بالغلا طي

ما أبيك تسأل كيف أنا أغليك وشلون

الحب كله فيك أنا أشوفه شوي ​

.

 

[ابو فهد الكويتي]

.

ياناس حبـي لـه بـلاسلـم وحـدود ** وفراق روحي مـن سبايـب فراقـه
ان كـان شفتـه فتـح القلـب بـورود ** وان غاب هلت دمعتي مـن فراقـه
مـدام هـو موجـود فالحـب موجـود ** وسـط الضمايـر مبهـمـات اغـلاقـه​

.

 

[ابو فهد الكويتي]

.

ي كثرما شابت من الوقت الاحلآم
وي كثر ما خابت من الناس هقوه
لكن على الله ي صواديف الايآم
بكره يطيب الحظ ويطيب جوه​

.

 

[ابو فهد الكويتي]

.

يشوفون الربيع فعيني اللي لا حضـر طاريـك ** نبت جفني زهر وانفاس روحي تنشر أطيابـك
تبيني لك هوى خذني خفوق ٍ جعلـه يسليـك ** وش احلى ما يجيني غيرحبك وأجمل عتابـك
ويمكنّك تعَرف اني احبـك واعشقـك واغليـك ** ولكن لو تعَرف اللي كتمته ضاعت ركابـك​

.

 

[ابو فهد الكويتي]

.

لون الدجى لون شعره والفم ليمن حجا به ** عجيب كلامه رزين
عيبه تجافيه والقلب قد تزايد عذابه ** واصبح بحبه رهين
ما لذ له نوم عاف الاكل ولذة شرابه ** والداء منه مكين
جميل حلو المعان وازين طلعة شبابه ** مافيه عيب يشين​

.

 

[ابو فهد الكويتي]

.

كنت احسب اني عرفت الحب قبل اعرفك
وعشقت قبل اعشقك واشتقت قبل التقيـك
وكنت احسب اني لقيت احباب قبل اوصلك
واثري توهمت في غيرك وانا كنت ابيـك​

.

 

[ابو فهد الكويتي]

.

لون الدجى لون شعره والفم ليمن حجا به ** عجيب كلامه رزين

عيبه تجافيه والقلب قد تزايد عذابه ** واصبح بحبه رهين

ما لذ له نوم عاف الاكل ولذة شرابه ** والداء منه مكين

جميل حلو المعان وازين طلعة شبابه ** مافيه عيب يشين​

.

 

[ابو فهد الكويتي]

.

ان كان ودك ترسيّني على كحلك ** لمّيت عمري وخاويتك على أهدابك ​

لكن قبل تنجرف حبيت أوضح لك ** مستقبلي في يدينك واعمل حسابك

لوضاع مستقبلي مانيـب سامح لك ** يكفيني الماضي اللي ضاع بأسبابك​

.

 

[ابو فهد الكويتي]

.

رفيقي اواصله وانشد عن علومه
والى سبقني بها جعله على القوّه
على النقا والثقه ماهيب معدومه
نعرف حقوق الخوي ونقدّر الخوّه​

.

 

[ابو فهد الكويتي]

.

اللي بقلبي يختلف عن كلامي
ماكل كيف الحال قصدي بها الحال

أحيان كيفك؟ تعني القلب ضامي
واحيانا وينك؟ تعني البعد قتال​

.

 

[تباشيرالأمل]

ذِبَلْ وَجْهَ الحَنِيْنْ وانْطِفَـى شَمْـعَ المَحَّبَة وغَابْ


تَغَافَلْتَ الدُمُـوعْ الليْ تَهَـادَتْ مِنْ غَلا أَحْبَابِيْ



وِجِيْتْ أَسْأَلْ عَنْ ظُـرُوفَ الجِـفَا وَأَحْبَابِيْ الغِيّابْ


وِغَصِّيْتْ بِتَنَاهِيـدِيْ وِبَانْ الدَّمْـعْ فَـ أَهْدَابِيْ



فِيْ عِيْنِيْ نَظْرَةْ آلامْ وتِجَـسَّدْ فِيْ دُمُـوعِيْ عِتَابْ




تَحَرِّيْتْ الحِزِنْ يَنْطِقْ وزَادْ الصَّـمْتْ فِـ عِتَابِيْ



تِطِير الـ آهـ مِنْ فَمّيْ وِتَبْقَى فِيْ عِيُونِيْ أَسْرَابْ





كَأَنِّكْ يَا تَنَـاهِيْدِيْ طُيُـور تَغَنِّيْ لِـ غِيَابِـيْ






حَسَبْتْ إنّ الأَلَـمْ غَافِـيْ وفَصَّلْ للتَنَـاسِيْ ثِيَابْ




لِقِيْتْ إِنَّ الجُرُوحْ تِجّفْ وِتَرْجِعْ تِغْرِقْ ثِيَابِـيْ




يَا عُوْنَ الله وِشْ بَاقِيْ ؟! وقلبي ما تفتّت .. ذابْ




تِذَكَّرْ رِيْحَةْ الغَالِـيْنْ وِرَدّ الضِّيْقْ يَصْحَى بِيْ




حَرَامْ إنّ الزِّمَـنْ يَسْرِقْ مَلامِحْ فَرْحَةْ الأَحْبَابْ



وَحَرَامْ إنّي ألاقِيْ رِيْحَةْ الذِّكْرَىْ عَلَى بَابِـيْ






تَعَالْ نِتُوبْ مِنْ ذَنْـبْ الغِيَـابْ وافْعَلْ الأَسْبَابْ



تَعَالْ وشُوف بِعْيُونِكْ حَنِيْنِيْ كِيْفْ سَوّى بِيْ

 

[تباشيرالأمل]

كريم يا بارقٍ عقب العشاء ساري
لاناض يفضح سواد الليل بمزونه

جعله على ديرةٍ لا جابها الطاري
لا كن قلبي من ضلوعه يتلونه

 

[( القلب الكبير )]

جبــرت نفسي لو كسرني زماني
و سرقـــت من مرّ الأماني حلاها
و خذيت في صـدر المكارم مكاني
وأبعدت عن كذب النفوس و غثاها​