مستشار كويتي
عضو بلاتيني
السلام عليكم..... تزوج صديقي الكويتي ابو صالح بنت طيوبه حبوبه امها اردنيه ..... ارتاح معها فالبنت ربه بيت وام حنونه وماشاف منها الا كل خير ......بس المشكله هو ان البنت تحب الجو البارد حيل حيل ودائما حرانه مع ان الجو بارد والحراره من 19-20 درجه مئويه .....ابو صالح دائما ينتفض من البرد بينما زوجته دائما تحس بالحروره ....عيال بو صالح دائما منشولين وبردانين طالعين على ابوهم مواصفات خليجيه بينما المدام حرانه .....انكسر الكمبروسور مرتبن هالصيف ...المكيف مو ملحق والفاتوره في تصاعد ..... الحين احتار ابو صالح مو قادر يلبس خفيف صيف وشتاء ....مو قادر يلبس الاوزار والفانيله بو علاق ....دائما لابس له فنايل شتويه او لاف نفسه بكمبل ..... داخ الريال ....فيا اخواني ماهو حل ابو صالح مع زوجته الجديده ؟.... بصراحه حالته حاله وماتسر الا العدو ....والريال في اللحظه هذه حاط المكيف على On يعني الكمبروسور مايرتاح .....