سؤال وجواب كيف البس الغتره او الشماغ ضروري

badboy1972

عضو جديد
السلام عليكم ،

الي يقدر يشرحلي شلون البس الغتره او الشماغ اكون شاكر له كثيرا ، لنه الحين بلبس الشماغ و موعارف شلون حق المناسبات.

شكرا
 

الانصاف

عضو مميز
أولا، تأكد من انك ماخذ مقاس الشماغ المناسب لك. لو انك طويل و كتفك عريض خذ قياس 55، و لو كنت شوي قصير خذ قياس 52.

ثانيا، الشماغ نسفته اسهل من الغترة. خذ اشماغك و وده الكواي قوله ابيه "مربع مع نشه" هذا اسهل شي للنسفه. بعدين النسفه تعتمد من مناسبة لي مناسبة. يعني في نسفه حق الدوام و نسفه حق العزا و نسفه حق العروس و نسفه حق الديوانية الخ.
 

badboy1972

عضو جديد
أولا، تأكد من انك ماخذ مقاس الشماغ المناسب لك. لو انك طويل و كتفك عريض خذ قياس 55، و لو كنت شوي قصير خذ قياس 52.

ثانيا، الشماغ نسفته اسهل من الغترة. خذ اشماغك و وده الكواي قوله ابيه "مربع مع نشه" هذا اسهل شي للنسفه. بعدين النسفه تعتمد من مناسبة لي مناسبة. يعني في نسفه حق الدوام و نسفه حق العزا و نسفه حق العروس و نسفه حق الديوانية الخ.

مشكور يعطيك العافيه ، بس حاب شرح للنسفه ، يعني طريقه البس
 
انا افا عليك اعطيك احلا طريقه


تمسك الطرف اليمين وتحذفه يسار

وتمسك الطرف اليسار وتحذفه يمين

بعدين ...........

تتكوكس ثلاث مرات للخلف

وتنط رواسي بحمام سباحه ..... لكن !!!

لازم تطلع من الماى خلال ١٠ ثواني

وبعدين تركض باقصى سرعه ممكنه
( لازم تحاول ان سرعتك تتجاوز حاجز الصوت )

وتدعم طوفه
( يستحسن طوفه مدرسه قديمه، بنيان زمان اول عتر)

حاليا المفروض ان قوه الصدمة طردت كل نقطه ماء من الخام
وما بقي موجود الا الكلور

هذي الطريقة اوفر عليك من ربع دينار للمصبغه يسويلك مربع نشا

طبعا الكلور راح ي يبس الغتره ويثبتها بشكل رائع

لكن سلبياته ان يسببلك حكه شديده

لفحص جوده ثبات الغتره، روح لمستشفي الأمراض الساريه.

طق الجرس

وحك ظهرك على الباب لين ما يفتحون

طبعا لما يفتحون الباب راح تطيح على الأرض (لا تتوقف عن الهرش)

اذا لازالت الغتره ثابته، فقد نجحت

أما اذا طاحت من راسك. فيرجي أعاده المحاوله ولكن هذه المره اجعل غطسه حمام السباحه لمده ١٥ ثانيه.


أتمنى لك التوفيق.
 
أعلى