سؤال وجواب هل يحق لي ان ارفع قضيه علي وزارة الاسكان واطالب

[ام سلمان]

السلام عليكم. انا بعد حبيت استفسر
بيتنا طلع بيت ورثه الوثيقه في اربع اسامي.
امي وابوي وجدتي وعمتي ابوي وجدتي متوفين الله يرحمهم

البيت هذا كان بيت حق جدتي ايام السبعينات وعشان البيت ماينسحب ضافه ابوي بالوثيقه البيت وبعدها ابوي يوم تزوج امي ضافها بالوثيقه

الحين يحق لي اني اطالب بيت لامي واخواني

مع اني سويت كذا لجنه بالاسكان. وكانت مرفوضه

كذا شخص يقول ارفعوا قضيه علي الاسكان
انا ماعندي خلفيه عن هالسوالف اذا رفعت ممكن انها تربح
اولا وهل في ناس سوا هالشي. وخذوا لهم بيت وياليت اذا فيه محامي بالمنتدي يفيدني

 

[غيث]

إذا كانت وامج لازال اسمها بالوثيقه ولم يتم بيع البيت لن تستفدي من القضية
وإن تم بيع البيت قدم على قرض الإسكان وستستلم السبعين عاد الله يعينكم تزودونهن وتترون بيت

 

[ام سلمان]

اي امي اسمها موجود ونسبتها من البيت ٢٥٪‏ ومستعده تنازل عن حصتها لنا. مقابل انهم يتم الموافقه علي منحنا بيت

 

[ام سلمان]

لان حنا ابوي الله يرحمه. ما اخذ طلب من الاسكان مثل باقي الرجال هذا بيت امه بس منو المحامي الشاطر اللي راح يفيدنا ويكسب القضيه لنا

 

[شمري كويتي]

المحامين الكبار المشهورين بالكويت معروفين
اذا بغيتي توكلين اي احد منهم
عطيني اسمه فقط واعطيج عنوانه ورقمه​

 

[غيث]

لان حنا ابوي الله يرحمه. ما اخذ طلب من الاسكان مثل باقي الرجال هذا بيت امه بس منو المحامي الشاطر اللي راح يفيدنا ويكسب القضيه لنا

اظن ما يحتاج محامي يبيلج واسطه ببنك التسليف راجعي بنك التسليف وشوفي عل الامر يمشي بدون واسطه
قبل شهرين صارفين القرض الاسكاني لوحده مقاربه لموضوع امج