سؤال وجواب اللي يداوم بالأشغال .. ياريت تفيدنا

روائي

عضو مميز
السلام عليكم

اخواني انا موظف في وزارة الاشغال جامعي عالدرجة الثالثة حاليا .. ابي انقل لوزارة الاشغال ياترى كم رواتبهم ؟ والادارات وطبيعة العمل ؟ بالنسبة لتخصصي مكتبات
 

الانصاف

عضو مميز
السلام عليكم

اخواني انا موظف في وزارة الاشغال جامعي عالدرجة الثالثة حاليا .. ابي انقل لوزارة الاشغال ياترى كم رواتبهم ؟ والادارات وطبيعة العمل ؟ بالنسبة لتخصصي مكتبات

أخوي ما فهمت سؤالك. انت تقول انك موظف بوزارة الأشغال، فشلون تبي تنقل حق وزارة الأشغال؟؟ تقصد بتروح مقر الوزارة نفسه؟؟

عموما، اذا ماني غلطان تخصص المكتبات ما له كادر خاص. يعني بيعطونك كادر عام. و اذا انت عالدرجة الثالثة راح تستلم (بالكادر العام) بدون بدل شاشة تقريبا 920 دينار (هذا صافي الراتب الي تستلمه بعد خصم التأمينات). واذا قدمت على بدل شاشة و وافقوا لك عليه بيزيدونك 20 دينار يخصمون منها دينارين حق التأمينات يعني المجموع يساوي 938 دينار تقريبا.
 

روائي

عضو مميز
أخوي ما فهمت سؤالك. انت تقول انك موظف بوزارة الأشغال، فشلون تبي تنقل حق وزارة الأشغال؟؟ تقصد بتروح مقر الوزارة نفسه؟؟

عموما، اذا ماني غلطان تخصص المكتبات ما له كادر خاص. يعني بيعطونك كادر عام. و اذا انت عالدرجة الثالثة راح تستلم (بالكادر العام) بدون بدل شاشة تقريبا 920 دينار (هذا صافي الراتب الي تستلمه بعد خصم التأمينات). واذا قدمت على بدل شاشة و وافقوا لك عليه بيزيدونك 20 دينار يخصمون منها دينارين حق التأمينات يعني المجموع يساوي 938 دينار تقريبا.



خطا مطبعي اخوي والله كثر مافكر .. اقصد اني موظف بالتربيه

عموما شكرا على المعلومه
 

روائي

عضو مميز
أخوي ما فهمت سؤالك. انت تقول انك موظف بوزارة الأشغال، فشلون تبي تنقل حق وزارة الأشغال؟؟ تقصد بتروح مقر الوزارة نفسه؟؟

عموما، اذا ماني غلطان تخصص المكتبات ما له كادر خاص. يعني بيعطونك كادر عام. و اذا انت عالدرجة الثالثة راح تستلم (بالكادر العام) بدون بدل شاشة تقريبا 920 دينار (هذا صافي الراتب الي تستلمه بعد خصم التأمينات). واذا قدمت على بدل شاشة و وافقوا لك عليه بيزيدونك 20 دينار يخصمون منها دينارين حق التأمينات يعني المجموع يساوي 938 دينار تقريبا.


بس اخوي انا صارلي ست سنين خبره وعندي درجه بالاختيار يعني معقوله راتب اقل من اللي استلمه الحين بوزارتي ؟
 

الانصاف

عضو مميز
بس اخوي انا صارلي ست سنين خبره وعندي درجه بالاختيار يعني معقوله راتب اقل من اللي استلمه الحين بوزارتي ؟

938 دينار مع بدل الشاشة بعد خصم التأمينات. هذا معاش العزوبي (بدون زوجية و لا عيال و لا بدل الايجار) عالدرجة الثالثة (مع علاوة واحدة). بس دام عندك خبرة 6 سنوات و يايتك درجة بالاختيار فأتوقع انك عالدرجة الثالثة + 3 علاوات. أو يمكن 4 علاوات. عموما ما يفرق وايد. كل علاوة زيادتها 9 دنانير بعد خصم التأمينات.

أخوي كلامي هذا اذا ما كان عندك كادر خاص. فتاخذ المعاش الي ذكرته لك على الكادر العام. لو تدخل حسابك بموقع ديوان الخدمة المدنية (الرابط بحطه لك تحت) و تشوف شهادة تفصيل الراتب راح تعرف اذا كان عندك كادر خاص ول كادر عام. و راح تعرف جم زيادة مسماك الوظيفي. بس زيادة المسمى الوظيفي و الكادر اذا كان عام ول خاص اهم الي يفرقون بالراتب من وزارة لي وزارة أخرى.

http://www.csc.net.kw:8888/csc/ar/home.jsp

ادخل على البيانات الأساسية للموظف (تلقاها تحت يسار الموقع) و ادخل بياناتك و رقمك السري، و بعدين شوف شهادة راتبك تبين بالتفصيل.
 

الانصاف

عضو مميز
خطا مطبعي اخوي والله كثر مافكر .. اقصد اني موظف بالتربيه

عموما شكرا على المعلومه

بس أخوي التحويل بين الوزارات واقف الحين. يعني عشان تحول من وزارة لي وزارة ثانية لازم تستقيل و تقدم بديوان الخدمة من يد و يديد. و اذا تبي وزارة معينة (مثل وضعك تبي الأشغال بالذات) لازم تسوي ربط، و على ما يطلع اسمك بالوزارة الي تبيها راح تنطر جم شهر (يمكن 6 أشهر و أكثر). راح تقعدهم بدون وظيفة و بدون معاش.
 

روائي

عضو مميز
بس أخوي التحويل بين الوزارات واقف الحين. يعني عشان تحول من وزارة لي وزارة ثانية لازم تستقيل و تقدم بديوان الخدمة من يد و يديد. و اذا تبي وزارة معينة (مثل وضعك تبي الأشغال بالذات) لازم تسوي ربط، و على ما يطلع اسمك بالوزارة الي تبيها راح تنطر جم شهر (يمكن 6 أشهر و أكثر). راح تقعدهم بدون وظيفة و بدون معاش.


اممممم يبيلها واسطه السالفه ، عالعموم مشكور اخوي والله يعطيك العافيه
 
أعلى