سؤال وجواب حصل لي هذا الموقف .. بالشارع!!

[Barcelona]

صبحكم الله بالخير يا أخوان

يا جماعة اليوم حصل لي موقف استغربت منه بالشارع

لفيت على واحد بالغلط و لا ما اشوف الا يأشرلي بحركة مو زينه بإصبعه

اقدر اشتكي عليه ولا طاف و لا شالموضوع

 

[الانصاف]

صبحكم الله بالخير يا أخوان

يا جماعة اليوم حصل لي موقف استغربت منه بالشارع

لفيت على واحد بالغلط و لا ما اشوف الا يأشرلي بحركة مو زينه بإصبعه

اقدر اشتكي عليه ولا طاف و لا شالموضوع

من صجك تبي تشتكي عليه عشان سوالك .1.؟؟

اذا رحت و شتكيت عليه عشان هالحركة هاذ راح يضحكون عليك ضحك بالمخفر.

ياخوي سامحه و احتسب الأجر. و مر ثانية سوق عدل محد يسويلك هالحركة.

 

[شمري كويتي]

كبر عقلك ومو كل واحد تشره عليه
ولا تنزل مستواك الى مستوى السفهاء والحمقى وضعاف العقول وضعاف الدين
الشارع فيه الصالح والطالح والطيب والخبيث والصاحي والمجنون
انت شدراك انه شخص طبيعي او سكران او متعاطي مخدرات او حشيش او شبو او كيميكال
لا تحط في بالك ان كل اللي يسوقون سيارات هم صاحين وفي حالة طبيعية
تدري شكثر جرايم قتل وطعن صارت بسبب شرهة البعض على السفهاء والخبول والمستهترين

 

[بدور الوهيبي]

سوري

بس القانون وضع لكي يحمي لنا كرامتنا .... انا مو من الكويت صراحة وداشة المنتدى لاني احب اتواجد في منتديات خليجية واحس اني بين اخواني اتعلم واستفيد ويستفاد مني

بس في بلدي ما اعتقد ان احد ممكن يتجرا انه يسوي مثل ها الحركة حتى لو كنت مثلا انا لفيت عليه بالسيارة او ما سقت عدل ... فيه قانون صارم يغرم هذا الشخص اللي يسوي هاالحركة ما يقارب ال 3000 دينار كويتي مع السجن لمدة شهر