سؤال وجواب للوالدة جزاكم الله خير

[رُبـّـمــا]

السلام عليكم
الوالدة ومع كبر السن وتغيير الجو الله يحفظها متأذية من الانفلونزا
نبي نسوي ماي تتبخر فيه ويريح صدرها
سؤالي شنو المفروض نحط بالماي عشان تتبخر فيه
فكس ؟ بوفاس؟ وشنو بعد

ارجو الرد بسرعة الماي يغلي على البوتاغاز

 

[تباشيرالأمل]

الله يعافيها
حطي بابونج او زعتر بري
ممتازه

 

[جواهر*]

وعليك السلام
عسى الله يشفيها ويعافيها ويرفع عنها
مثل ماقالت تباشير زعتر بابونج او نعناع قرفة
واجر وعافية

 

[تباشيرالأمل]

السلام عليكم
الوالدة ومع كبر السن وتغيير الجو الله يحفظها متأذية من الانفلونزا
نبي نسوي ماي تتبخر فيه ويريح صدرها
سؤالي شنو المفروض نحط بالماي عشان تتبخر فيه
فكس ؟ بوفاس؟ وشنو بعد

ارجو الرد بسرعة الماي يغلي على البوتاغاز

الفكس والي مثله يتعبها ماتتحمله

 

[تباشيرالأمل]

زينوا لها مرقة اللحم او دجاج طازج وكثروا بصلها وفصين ثوم وشوي عدس
ممتازه تطرد البرد وتقوي المناعه
دفوا زيت زيتون مع ملعقة زنجبيل وشوي مسمار وحبه سوظاء ومرخيها فيها جسمها وغطيها تنام
وربي يعافيها

 

[رُبـّـمــا]

يا حبيباتي ما قصرتوا ذكرتوني بشغلة سويناها العام ( بمبر ولسان الثور وكنار مجففين) الله يذكركم بالشهادة

 

[تباشيرالأمل]

يا حبيباتي ما قصرتوا ذكرتوني بشغلة سويناها العام ( بمبر ولسان الثور وكنار مجففين) الله يذكركم بالشهادة

الله ينفع بها
لاتنسين طمنينا عن الوالده
عسى ربي يطول بعمرها بطاعته
ويخليها لكم

 

[رُبـّـمــا]

زينوا لها مرقة اللحم او دجاج طازج وكثروا بصلها وفصين ثوم وشوي عدس
ممتازه تطرد البرد وتقوي المناعه
دفوا زيت زيتون مع ملعقة زنجبيل وشوي مسمار وحبه سوظاء ومرخيها فيها جسمها وغطيها تنام
وربي يعافيها

يا روحي انتي ابد مو راضية تاكل وان كلت يدوب رؤوس أقلام وينها وين مرقة لحم دجاج

 

[تباشيرالأمل]

يا روحي انتي ابد مو راضية تاكل وان كلت يدوب رؤوس أقلام وينها وين مرقة لحم دجاج

الله يشفيها
سوها وعطوها بس المرقه لو مقدار كاسة شاهي

 

[رُبـّـمــا]

وعليك السلام
عسى الله يشفيها ويعافيها ويرفع عنها
مثل ماقالت تباشير زعتر بابونج او نعناع قرفة
واجر وعافية

شاي وإلا تتنشقهم ؟
ومشكورة على الدعاء يا حياتي

 

[رُبـّـمــا]

الله ينفع بها
لاتنسين طمنينا عن الوالده
عسى ربي يطول بعمرها بطاعته
ويخليها لكم

آمين ويحفظ غواليكم

 

[تباشيرالأمل]

شاي وإلا تتنشقهم ؟
ومشكورة على الدعاء يا حياتي

سويها بخار تستنشقها
وبعد سوي لها شاي
الاولى يهدي و يطهرالمجاري التنفسيه
والثاني يعالج السعال

 

[رُبـّـمــا]

بإذن الله تعالى حبيبتي تباشير

 

[رُبـّـمــا]

للفائدة هذا كنار وبمبر مجفف تم غليه
يقدمون على شكل شاي للأسف لسان الثور ماكان متوفر

يهدون الصدر ويخففون أعراض نزلة البرد

دعواتكم لأمي بالشفاء العاجل وجميع مرضى المسلمين

 

[رُبـّـمــا]

شاي البمبر والكنار المجفف


الاهم غسلهم جيدا وتنظيفهم من الأتربة واي شيء علق بهم أثناء التخزين
والتأكد من نظافة المكان اللي تشترون منه
بعض العطارين مهملين

 

[شمري كويتي]

الله يشفيها ويعافيها ويطول في عمرها على الطاعة

 

[رُبـّـمــا]

آمين يا رب العالمين وأجمعين جزاك الله خير اخي العزيز شمري كويتي