لا تصيـر دعــله !!

كوكاكولا

عضو جديد
أدخـل بالموضـــوع مبــاشره ....

اللــــي يدخــل الأنتــخابـــات عشـــان بس يحطـــــون صورتـــه بالجرايـــد !
اللــــي يدخــل الأنتــخابـــات عشـــان بس يعطــــونه إجــازه براتـــب !
اللـــــي يدخــل الأنتـــخابــات عشـــان بس يسمــونه مرشــح !
اللـــــي يدخـــل الأنتــخابــات عشـــان بس الضحك والغشمره وغيرها !
اللــــي يدخــــل الأنتـــخابــات عشان يمكــــن يصــدف الحظ ويــفوز .... !!
اللــــي يتفذلـك ويتذاكـى وينزل في منطقه فيها جماعته أقليه عشان يمكن بأصواتهم يفوز.. !
واللــــي يدخل الأنتـــخــابات عشان يمكن واحد هــامور يعطيه جم ألف وينســحب .. !
واللـــي واللـــي واللـــي . . .

هذولـــه اللــــي يحرجـــــون أهلــهم وجمــاعتهم وربعـــهم وهم عارفين أن أملهم أمل أبليس في الجنـــــه ..

ليــــش ما يســن قــانـــون يمنـــع مثلا من حصـــل على أقـــل من ألف صـــوت من الترشــح في الأنتــــخابات التـــــاليــه ؟

ياجمـــــاعه الأنتــــخابــات لازم ماتكــــون مجـــالها لمن هب ودب
مو مســــرحيه ولا لعبـــة كوت ولا هـند

دام ماتبـــي تقص الحــق من نفســـك ومو مستــحي ومصمــم أن تحــرج أهلـك وجمــاعتك
دام هالأصـــوات القليـــله مابيــنت لك قدرك بين الناس ووضحــت لك صورتــك
دام مستــحلي أن تكــون "دعـــله " !

خل يكون هنــــاك قانـــون يوقــفك , و يـحد من هالتهريــــج والمسخــره


ولا شــــرايكــم .....
 

المهم^الكويت

عضو بلاتيني
كلامك صح والحل قاله اعتقد وليد الطبطبائي ( 3 الاف بدال الخمسين دينار بشرط انها تسرتجع في حال حصول العضو على نسبه معينه من الاصوات ) نسيت النسبه جم بالضبط بس تكون مرتفعه شوي عشان على قولتك لحد يصير دعله :)
 

دي نيرو

عضو مميز
دام مستــحلي أن تكــون "دعـــله " !

خل يكون هنــــاك قانـــون يوقــفك , و يـحد من هالتهريــــج والمسخــره


ولا شــــرايكــم .....


قانون مافيه بس فيه أمور ثانية المفروض توقفهم ...لأن بعضهم ترشح 8 مرات بالضبط من بعد التحرير , ومانجح ولا مرة !! حتي التكميلي ترشح فيه ونفس الشي !!!:confused:
 

كوكاكولا

عضو جديد
احد ولد فريجــنا !

عندنــــا واحد ولد فريـــجنا , أيام الدوائــــر الخمس وعشرين رشــح نفسـه أربع مرات في أربع دوائر مختــــلفه ! (يعني يكــون صايد الحركـه !)

أهلـــه مفتشـــلين منـه
الصبــيان قاموا يكتبـــون كلام على طوفــــتهم !
ديوانيــــات المنطقه قاموا يتعذرونــــه !

وهالسنه نزل بالدائره الرابعــــه

سألتــه : ها بشــــر ؟
قال : تعـــاونوا علي المطــــران , وخون فيني مســـلم !!!
 

k7elan

عضو بلاتيني
كوكا كولا

كأني متخيلك هيك ماسك كلاشنكوف او M-16 وقدامك مجسم للديمقراطية قاعد تصوب عليه و ماهي الا

ثواني و انت مخلص جميع الذخيرة فيه



ما فيه انتخابات صحيحة بالعالم تمنع المرشحين من الترشح ما عدا الانتخاابات الايرانية

يلزم موافقة مصلحة تشخيص النظام في إيران لزوم نزول الانتخابات
 
أعلى