سؤال وجواب يوريكا ولا الغانم ولا ... ؟

Mariner

عضو
شنو الاحسن عند شراء الالكترونيات من موبايلات وسوالف الكمبيوتر الغانم ولا يوريكا ؟
ولا في محلات أحسن ؟
بس لا تقولون لي شارع ابن خلدون ... الزحمه اللي فيه تذبح !!

وشلون طريقتهم وقت الكفالة .. يعني لو شريت كمبيوتر واخترب لا سمح الله اهمه يصلحونه بورشتهم ولا لازم اروح ادور وين ورشة الوكيل و اوديه ؟

انا مرة سالت يوريكا وقالوا احنا مالنا شغل اذا اخترب ... الوكيل اهو يصلحه بالورشه مالتهم !! بس مادري غيروا طريقتهم ولا لأ.

فهل هذا الكلام صحيح ؟ والغانم نفس الشي بعد ؟

في اماكن احسن تنصحوني فيها ؟
وفي جهة تبيع كمبيوترات ولو اخترب اهمه يدزون احد ياخذه ويصلحه حتى لو برسوم ؟ (شوفوا الكسل :) )

اي نصايح او خبرات ؟

ومشكورين
 

Edrak

مشرف منتدى القلم
جوف قدس الله سرك

الغانم شغله كله بو طقة .. يصلحلك .. بس احسن واحد يرهم و يرقع ...

أما يوريكا فأجدها أفضل لأن خدمة العملاء لديهم افضل و فاعلة جدا و انا جربتهم ...
 

نقطة نظام

عضو مميز
الاثنان يوريكا والغانم يندرجان تحت مسمى "كبار الموزعيين" للوكلات الالكترونيه وايضا ً لهم وكالاتهم الخاصه..

وعندما يسلمك الكفالة لمنتج فالوكاله المعنيه بهذا المنتج هي من تقوم بالتصليح والتسليم ايضا ً

يعني على سبيل المثال عندما تشتري تلفزيون "باناسونيك" من يوريكا فإن الوكاله "اليوسفي" هو من يقوم بالتوصيل وايضا ً تكون الكفاله عليه..

اما وكالاتهم الخاصه "ونسا" مثلا عند الغانم فالوكيل وهو الغانم يوصلها و يكفلها..

تحياتي لك,,,
 

دسمان

عضو مميز
الغانم متميز بمعاملات الاقساط اكثر من يوريكا على حسب اراء الذين اعرفهم
وكذلك بالكفالات تدق عليهم يوصلون بسرعه ويغيرون القطعة على الكفالة
كان عندي مكيف سبلت الاسكا حق غرفة الهندية كل شوي يخترب ادق عليهم ويجون ويغيرون القطعة على كفالتهم
 
أعلى