سؤال وجواب منو يعرف " للزل الإيراني " ؟

الكاشونة

عضو ذهبي
اشتريت زوليتين نفس النقشة ( زوج ) وبر قياس 1.5 م في 2 م نوع " تبريزي "

صناعة يدوية 55 غرزة بمبلغ 900 دينار ..

كان المفروض طبعاً استشيركم قبل لا اشتري , لكن " قدر الله و ما شاء فعل " ..

السؤال الحين :

سعرهم معقول و الا قصو علي الإيرانيين ؟

تحياتي ,,
 

الساعة 6

عضو ذهبي
سالت قريبي عن مواصفات السجادة كما نقلتها لي فقال لي الاتي :

من الصعب جداً الحكم على سعر سجادة بمجرد معرفة مواصفاتها .. وكذا الزوج ..

من هنا .. سألته .. عن زوج بهذه المواصفات ..

هل يمكن ان يصل الى 900 .. فقال ممكن ان يصل الزوج الى اكثر من هذا

ولكنه لا بد ان يكون زوجا مميزا جداً ..
 

الكاشونة

عضو ذهبي
أخي الكريم " الساعة 6 " ..

جزيل شكري و إمتناني لك و لقريبك .. أما من ناحية أن " زوج الزوليتين " مميز , فهو

مميز بالنسبة لي على الأقل ( عجبوني حيل ) , لكن للأمانة الأيراني حلف و أكد لي

أن نقشتهم و ألوانهم غير تقليدية و أن ربحه فيهم لا يتعدى 150 دينار ..

الواضح من رأي قريبك أن السعر الذي دفعته هو بحدود قيمتهم و إن غلبني

البائع الإيراني فليس بالكثير ..

أكرر الشكر مع أطيب تحياتي ,,
 

liberalism

عضو بلاتيني
مرحبا grand

اول شي ممكن سؤال .. من وين شريت الزل؟؟

من هني ولا من برا ؟؟

و ترا على السعر وايد على الوبر لو خيوط حرير افضل .. لأن التبريزي معناه البارز اللي اهوا 3D

و غرز ال 55 اعتقد انهم كبار شوي ..

بس عليك بألف عافية و تستاهل ... اذا عند احد يروح ايران وصّه على زل من هناك لأن السعر

وايد راح يفرق معاك ..

و اذا انت من عشاق الزل الايراني ..

او تعرف احد يشتري سجاد ايراني بمبالغ خيالية عندنا وحدة معروضة للبيع :D

قصتها طويلة بس سعرها 67.000 الف كويتي ;)
 

الكاشونة

عضو ذهبي
هلا و غلا أخوي liberalism

إشتريت الزل من هنيه .. من محلات السجاد الإيراني اللي مقابلة صفاة الغنم

في الري و قرب السوق الإيراني .. ماذكر إسم المحل الحين :( لكن إذا تبيه ضروري

أروح لهم باجر و أجيب كرته و أقول لك .. :)

مشكور .. الله يعافيك دنيا و آخره .. :وردة:

الصراحة آنا ما فيني شدة على هالمبلغ :باكي: و مع إني أعرف " هوامير " وايد , لكن عقب

تقوع البورصة , الظاهر صاروا " زوري " .. ;) لكن هم أبسأللك .. تامر

:وردة:تحياتي :وردة:
 

liberalism

عضو بلاتيني
الف مبروك الزّل مرة ثانية ..

و اسمحلي الرد المتأخر لأني من ذاك الوقت و انا احاول ارفع الصورة عشان تشوفها !!

بس مع الاسف مو راضية تصير ..

ان شاء الله احاول فيها بعد مرة ..

شكرا لك :وردة:
 
أعلى