user1
عضو بلاتيني
قبل لا تقرا الشاهد تبي اعطيك البلاتوث مال عوده لما قال سنغل وجم صوت طلع بالنتائج سنغل؟
هل صحيح الشي هذا ولا تقولون لا عوده ما قال ابي سنغل ولما اطلعت النتائج انتم ما سنغلتو؟
شكلك ماعندك رد مقنع لانك ماتعرف ترد ولاتتبع تسلسل الاحداث.
عوده لما قال سنقل قالها قبل الانتخابات. يعني رسالة للكل إن اللي يقول للناس ان عوده ماعنده احد ولايملك الاصوات في 2006 وان اصوات جماعته مشتته وكلنا راح ناخذ منه هالاصوات الغنيمة في نظر باقي المرشحين واللي اغلبهم نجحوا من اصواتهم. ولما ترشح عوده حاولوا يضعفونه ويلفون الدوواوين ويقولون ربعه مو معاه. عشان جذي كان الدرس قاسي للكل. اللي مايحترم الصوت مايشوفه, تبي بدل خذ بدل. والا بذمتك الناس شلون تبدل الاصوات؟ مو أصواتهم بالاساس سنقل ولما يصير بدل يبدلون؟ وقولي منهو من المرشحين مايبدل؟ يعني منهو من المرشحين يقول مابي بدل والا ماعندي بدل؟ اللي يبدل بالاساس يملك صوت وصوت يبدل فيه، صح؟ يعني عوده قال أذا ماحصل بدل ماراح اقول عطوا فلان والا فلان عشان انجح هذا واسقط هذا. قالوا سنقل اذا مافيه بدل. يعني بالعرف الانتخابي انا ماني وسيلة لاسقط او انجح واجد على حساب الثاني وهذي تحسب له مو عليه. بس ماتبون تقولون الصج حتى لو كان واضح وضوح الشمس.
فهمت؟
وبعد الانتخابات، جاك التحلطم وضرب الخدود. والله عوده حرمنا من الاصوات. لا من صجك؟ حرام.
والا شرايك يعني تبيهم هبه وانت نفسك عندك اكثر من 50% سنقل.
شوف الاحصائية ونتيجة فرز الاصوات السنقل لانتخابات 2006 وتعرف ان عوده كان بطل وغير نظرة الناس لاصوات قبيلة كانت تروح بعفوية للاخرين وتساهم في نجاحهم وللاسف البعض يقول عنهم بياعة. إذا بياعة اشلون عوده يجيب 1200 سنقل. ابي افهم؟
نتائج الفرز سنة 2006:
المرشح_________اصوات السقل____مجموع أصوات القبيلة______النسبة%
جمعان الحربش_________ 830_________________2200 _________________37
خلف دميثير____________ 374 _________________2200 ________________17
( مجموع اصوات جمعان وخلف السنقل 1204 بنسبة 54% من مجموع اصوات القبيلة)
الهبيدة ________________504 ________________1000 _________________50
العرادة _________________462 ________________800_________________ 58
عوده __________________1233 _______________2000 ________________61
يعني الكل مسنقل. قنعت؟
واذا تبي الانصاف اكثر ترى الكل مبدل مع بعض وهم سنقلوا الا عوده الاقل في الاصوات المشتركة ولو حصل بدل جان ماشفت ولا سنقل... واللي يبي النتائج بالتفصيل يقول لي...أعطيه ويشوف ويحكم عقبها...
يعني هم بدلوا وسنقلوا وعوده مابدل وماحصل له بدل وقلتوا ليش سنقل... منطق!
ولاكلمة في هالموضوع وخلنا نحترم بعضنا. ترى مصخت ونعرف نرد.... قليل من الانصاف...ترى كلنا اخوان...
الحين روح إقرأ الشاهد. ليش؟ لانها بعد الانتخابات...
إلتزام... مثل ماقال عوده...صاحب الكلمة...