العراده :الدائره الثانيه كلها اهلى وانا منهم ولهم

[بيض الخفقع]

اكد مرشح الدائره الثانيه الدكتور عبدالله العراده بان الكويت هى الوطن الام
والدائره كلها اهلى وانا منهم ولهم وسوف يختارون من هو يمثلهم بكل صدق وامانه لانها عليهم امانه
وانه قد ادى العمل الذي عليه والواجبات كمرشح
والان جاء دوركم لتختارو ماتريدون ليمثلكم والله الموفق



فبيدكم القرار .......احسن الاختيار


والله يوفقك ابوسلطان

 

[الامبراطور]

فبيدكم القرار .......احسن الاختيار


والله يوفقك ابوسلطان

اللهم آآميـن .. وانت اختياري يابو سلطان .. عسا ربي يوفقك

 

[الكويت عاليه]

لامجاملات ولاتضحيه لجل عين الكويت

اهل الدائره اهله واهو بس مركز على صليبخات وحتى ندواته ومقراته بنفس منطقه مشكله تركيزه بس على منطقته الحين صرنا اهله

للاسف انا عن نفسي واهلي قناعاتنا ماراح نعطيه ونعم فيه ولكن قناعاتي لاتسمح ان اختار من باب المجامله على حساب الكويت

((والعراده انسب له يكون فقط امام مسجد ومدرس فقط ))

لانه دخوله المجلس في السابق لم يثبت نفسه ولم يحصد انجازات ولو زعلتوا بس هذا الواقع
لامجامله لحساب وطني

عموما الله يوفقه ويوفق الجميع

لامجاملات لجل عين الكويت ولاتضحيه الا للكويت

 

[مع كل أسف]

وانا أضم صوتي لك اخوي .. لامجامله على حساب وطني

 

[الذوق كله1]

وانا أضم صوتي لك اخوي .. لامجامله على حساب وطني

أنا لا أضم صوتي لكم

العرادة من أقوى المنافسين بعد

جمعان وخلف بالنسبة لمرشحين صليبخات

والعرادة الكل بدأ يشعر بقوتة وتوجه الناس له

والعرادة يستاهل لأنا جربناه فلم يصوت ضد المواطن

وما عنده شركات ومناقصات وخمور والرجل راعي صلاة

قسماً بالله لأعطيك صوت يالعرادة لأنك أقل المرشحين ضرراً

 

[من الدائره الرابعه]

مركز على صليبخات وحتى ندواته ومقراته بنفس منطقه

أشكر ملاحظتك الطيبه وايضا اشكر وطنيتك فانت حر ونسأل الله أن يوفقك بإختيارك

ثانيا عن المقر والندوات:-
الدكتور عبدالله العراده أقام مقر واحد فقط في منطقه لأنه إبن المنطقه وهو مرشح ولدية حرية يكفلها القانون بأن يقيم مقره في أي مكان وفق شروط المقرات الإنتخابية.

أما عن الندوات فالدكتور عبدالله العراده أقام ندوتين للناخبين ومثلهما للناخبات( الناخبات ندوة في صالة نادي الصليبيخات والندوة الأخرى في منطقة النزهه صالة الحساوي).

بالنسبة للسيدات الفاضلات فنحن نحترم خصوصية المجتمع الكويتي ونقدر العناء لحظور ندوة أو لقاء معين, فالأخوات الناخبات ليس كالرجال يستطيع أن يذهب لوحده لاي مكان فهناك حدود وايضا لإتاحت الفرصة للناخبات للتعرف على جميع المرشحين وبرامجهم الانتخابية ولتتضح صورة حسن الإختيار ونراهن كثيرا على تفهم الجميع لهذة النقطه.

أما الندوات الخاصة بالرجال فكانت بإفتتاح المقر وندوة ختامية.

نسأل الله العلي القدير أن يرينا الحق حقاً ويرزقنا إتباعه
ونسأله سبحانه وتعالى أن يرينا الباطل باطلاً ويجنبنا إتباعه
اللهم إنا نسألك أن تولي علينا خيارنا وأن تجنبنا شرارنا

هذا والله أعلم والله وهو على كل شي قدير

أحسن الإختيار بيدك أنت القرار

 

[كاسكو]

والله العظيم انا كنت بعطي صوتي بس بعد التخبط والكلام الي يروجه على دعوده اعتقد خسر مئات الاصوات موبس صوتي وعلى فكره اهوا يعرف من وصله الكرسي ويعرف من سقطه بس يابوسلطان عليك بنفسك واترك محاربه الاخرين وماكنا نستحق منك هالشي وبنشوف بدون اصواتنا اشلون توصل

 

[من الدائره الرابعه]

والله العظيم انا كنت بعطي صوتي بس بعد التخبط والكلام الي يروجه على دعوده اعتقد خسر مئات الاصوات موبس صوتي وعلى فكره اهوا يعرف من وصله الكرسي ويعرف من سقطه بس يابوسلطان عليك بنفسك واترك محاربه الاخرين وماكنا نستحق منك هالشي وبنشوف بدون اصواتنا اشلون توصل

اخوي ونعم فيك وبربعك وجماعتك والدكتور عوده
بس حسب معرفتي فان بوسلطان لايبخس حق أحد ولا يغتاب احد يجوز حملة تشويه صورة مو اكثر.

واذا عندك دليل لكن لاتقولي يقولون لاننا راح نتعب ورى هالوكالة هذي.

أحسن الظن في أخيك المسلم وإلتمس له 70 عذرا

والمعذره منك اذا شايل على طارك

 

[al-q8y]

صدقوني هذي كله أشاعات وأبو ساطان ولد المنطقة وييييستاهل لصوت وعسي الله لا يفرق أهل المنطقة وأنا بالنسبة لي صوتي الاهل النطقة الصوت لا يطلع برة تكفونا شنو نفعو أهل النطقة الدخلية في أحد منهم جاي لكم الدونية أو جي عز ا أوعرس أو أي مناسبة أنتم بالنسبة لهم تنبعونا وتشترونا الله الله الله يرحم ولدكم لا يطلع الصوت ببببببببببببببببببببببببببببببببببببببببببببببببرررررررررررررررررررررررررررررررررةةةةةةةةةةةةةةةةةةة

 

[ولد الشاميه]

بخاطري اقول
سيذكرني قومي إذا جد جدهم وفي الليلة الظلماء يفتقد البدر​

الدكتور عبدالله متعب العراده



لا ان شاء الله راح ينجح ابو سلطان وعسى الله يوفقه اجمعين






السلطان
الحربش
العراده
المطير
إن شاء الله
​

 

[الكويت عاليه]

الكويت اعطت الكثير فهل تستحق هذا من ابنائها

ثانيا عن المقر والندوات:-
الدكتور عبدالله العراده أقام مقر واحد فقط في منطقه لأنه إبن المنطقه وهو مرشح ولدية حرية يكفلها القانون بأن يقيم مقره في أي مكان وفق شروط المقرات الإنتخابية.

القانون يكفل الجميع والحريه بالعرس الديمقراطي بايدي الجميع ولكن انا كلامي كان ان المرشح ماله اي مقر بمناطق ثانيه ماقلت شي غلط ومثل مااهو له حريه باختيار المقر هم احنا لنا حريه باختيار المرشح وانا هم ارجع واقول

لامجامله على حساب وطني

ويمكن هالشي ضعف العراده بمناطق الثانيه لان الاغلبيه ليس عندهم خلفيه عن المرشح ولايتحالفون لان كل واحد عنده قناعه بحريه الاختيار ولو صار تحالفات قليله وناخبين لايستطيع المرشح اجبارهم على تصويت للي معاه الابقناعتهم ويشوفون الطرح بتقول ليش عندنا الصوت غالي ونعطيه للي نشوفه مناسب ماتشوف اغلب المرشحين يركزون على مناطق الداخليه بندوات وصليبخات كلمتين وبوفيه عرفت الفرق

ماعندنا تكفى ولاعشاني لا اختيارنا بعقولنا

عموما الله يوفقه بس هالملاحظات للمرات القادمه اذا فكر ينزل يحط اعتبار لمناطق الدائره عشان يحطون له اعتبار ويصوتون له

ويبقى اولا واخيرا ابن الكويت وليس ابن صليبخات


شكرا

الكويت اعطت الكثير فهل تستحق هذا من ابنائها ((احسنوا الاختيار))

 

[كويتي وحقي افتخر]

كلام فاضي

العراده احترام وقيم ومصداقية بلا شك

واذا كنت تبي تكون مثقف على راسي ويعني مسوي فيها

سياسي ترا العراده كذا قانون اهو منه ومشى وكان

وفي للكويت وشعبها لا تتكلم عن شي انت تجهله

لانك راح تسأل عليه يوم لا ينفع لا مال ولا بنون

 

[الكويت عاليه]

لو كل عضو يحط له قانون لكانت الكويت بلد المليون قانون

((كلام فاضي))


العراده احترام وقيم ومصداقية بلا شك

كلام ماخوذ خيره الكل يقول هالكلام عن مرشحه وكل اهل الديره محترمين قولي شي اقنعني واقنع الكل موكلام مجاملات

((واذا كنت تبي تكون مثقف على راسي ويعني مسوي فيها

سياسي ترا العراده كذا قانون اهو منه ومشى وكان))

مثقف على راسك ليش يبا انا قاعد وياك بالدوانيه ولاقاعد اخطب على راسك
مبادئي ونظرتنا للمرشح بمناطق الثانيه موصليبخات

العراده سياسي ههههه ومسوي قانون عيل كل واحد بيحطله دفتر ويسوي قانون في بيتهم ياللي تستهزء بالثقافه

يبا بلدنا بلد قانون وقانون الكويت لايتغير للعلم ومافي قانون ينحط من المرشحين بل يمكن لهم تعديل ماده القانون بموافقه الاغبيه اذا موالكل وعلى فكره دستور الكويت لايتغير واللي مكذب عليك وقايلك ان حاط قانون بيضحك عليك اصحى ياعمي حتى القوانين يتدخلتوا فيها

يمكن حاطله قانون واحنا ماندري ههههههههههه يمكن في بيته او مدرسه شنو القانون اللي حاطه اخوي عشان اعرف؟؟

للاسف الاغلبيه يجهلون مهمات الاعضاء ووظيفه الاعضاء يجب اعطاء مناهج بالمدارس او ندوات للقوانين ومهمات الاعضاء هههههههه

الله يهديك ويعطيك طوله البال

اذا كل عضو يحط له قانون لكانت الكويت بلد المليون قانون ومو كل سنه ينحل المجلس كل يوم :إستحسان:


((وفي للكويت وشعبها لا تتكلم عن شي انت تجهله

لانك راح تسأل عليه يوم لا ينفع لا مال ولا بنون))


وفي ماقلت انه خاين للاسف وين شطحت واذا انا وغيري جاهلين عشان العراده فالحمدلله جهلنا عنده وفهمنا عند الكل

لاتدخل الدين بالسياسه اخوي وليش انسال عنه عشان قلت عن تقصيره بمقرات مناطق الثانيه

حتى الايات القرانيه الشريفه استخدمتوها للرد لاحول الله

ردي عليك خساره