ديهن اود / ديهن اود / ديهن اود / ديهن اود
صبحكم الله بالخير جميع
الاخونجي بومصعب سلمكم الله يني بو طير من سكان منطقة الروضه عاطل عن العمل بطالي ما يدل الجبله يدق عود ودمبكجي عود وماذي اهله والفريج سنه من السنين انظم للجمبازيه بجمعيه الاصلاح وبلش بنادي صحي يبي يعضل الحبيب غسلو مخه الاخونجيه ربه لحيته وقصر دشاديشه فوق الكعب يزاك الله خير 3 سنين وله بومصعب هذا من شفر صرفيه ودخنته وراه وبيت بالروضه جيري امولح لو يمر يم الطوفه عتوي ويحك ظهره طاحت طابوقتين فجأه لبس البيت رخام ومظلات العثمان كيسبان وفتح له ديوانيه والشفر الصرفيه ثمنه وخذه بداله مرسيدس الحوت اول ما هبو فيه شسالفه ؟؟ تدرون بهالديره حسد ولقافه اللهم يا كافي المهم ما عرفوا شسالفته لااااه تطور الريال تزوج وشره البيت الي يمهم هده من عرجه 3 ادوار نظام شقق نظام اجار شسالفه ؟؟ الحبيب خامووش مادروا عنه الا تالي صاير من تيييار العطور والبخور زين شلون بلش الحبيب ؟؟ شره كمية قراش جزاز وبلاستيك بخاخ بسعر الجمله وطبع ستكرات النقشه اندلسيه وبلش يخلط خلطاته السحريه بغرفة بملحق بيتهم عب بهالقراش وحيييل شغال بييع علي هالاوادم بلش بجمعية الروضه وسوق اليمعه
الحبيب يشتري كراتين معطر الارضيات كوليكش نقول البطل لتر بدينار والقراش 250 ملي الحبيب بومصعب يفرغ البطول بدرام زباله عود موصله حنفيه والخلطه السحريه نص الدرام عطر كولكشن والنص الثاني ماي والقرشه 250 ملي بدينارين شكثر ربحان ؟ الله اعلم وزين مايخلط الكوليكشن بماي صليبي
طرق غش دهن العود دهن بريك وزيت سمسم نظام كاترج قديم بو مصعب عتوي عود شسوه اكتشف اختراع يديد للغش عباره عن زيت خفيف كلش ماله ريحه يستخدمونه حق مكاين الحلاقه خنقول تطلع عيله تولة دهن العود الكمبودي ب 15 دينار نصها زيت مكاين حلاقه والتوله من 60 الي 80 دينار والورد الطايفي ب 120 دينار بارك الله فيك لا ومسميه الورد الطايفي الملكي لا حول ولا قوة الا بالله حسبي الله عليك يا البريعصي
لاه وفاتح له محل عسل بالفروانيه عسل القوة وزيادة الوزن نص القرشه فستق ايراني وكازو محزر وحبتين داينبول وتري 1000 حبه بتايلند ب 4 دنانير
وعسل المعرس غذاء الملكات وحبتين سياليس ولا فياغرا مصري يطحنهم ويخلطهم بالعسل لاه ويقولك لازم تخلط مزيج العسل وغذاء الملكات بارك الله فيك قبل لا تلهههط لك قفشه وتلقه الكشره شاقه ويهه من الوناسه لانهم يستانسون علي هالسوالف
وعسل الشفاء للربو والصدفيه والحساسيه والبو زليقه 2 ملي كورتيزون
وان قلت له انت غشاش و جذاب و حرامي و بريعصي عود قالك انت ليبرالي وعلماني وكافر في جهنم وبئس المصير
