جولة في ضاحية العدلية (( مطاعم ومقاهي ))

[السليطي]

ربما كثير من الاخوة والاخوات يزرون البحرين ويتجولون فيها لكن اغلبهم لايعرف الا المجمعات وسوق المحرق

واليوم احببت ان اعرفكم على ضاحية العدلية الواقعة خلف فندق الخليج مباشرا

تتمز المنطقة بهدوئها وجوها الرومنسي للمتزوجين حديثا

وتتميز ايضا بمطاعمها الغريبة بديكوراتها الجميلة وتنوعها

المنطقة يوجد بها كل شي من مطاعم عالمية وبنوك وفنادق وغيرها

وايضا بعض المحلات التجارية لكن تشتهر اكثر بمطاعمها الفريدة

واشهر شارع بالعدلية هو

ونلاحظ ان بالخلف هو فندق الخليج

اول ماتدخل تشاهد مواقف السيارات

وسيارت الاجرة تاكسي لندن متواجد بكثره بالمنطقة

المنطقة ترتيب عل آخـر ..

مقاعد للاستراحة في كل مكان وبين كل خطوات نجدها على أكتاف الشارع ..

الان سوف ندخل شارع اسامة بن زيد وهو تفرع من شارع الشيراوي

الــــــــــرواق ..مطعم ، مقهى​

مشهد للمقهى الشعبي من الرواق ..​

المطاعم الصينية والتايلندية تتواجد بشكل ملحوظ في المنطقة .. ويتواجد كذلك الأجانب من شرق آسيا ..​

المطعم التايلندي على اليمين ..​

من التراث التايلندي .. على فكرة تراه منحوت بطريقة روووعة ..​

مدخل المطعم التايلندي ..​

المنطقة مرتبة لدرجة كبيرة .. يمكن لقلة المارة .. وقلنا قلة المارة يكمن في أن المنطقة ليست منطقة سوق وانما منطقة أكل .. ولاحظوا المصابيح الموجودة في الأرض تتغير كل ثانيتين بشكل جميل ..​

مطعم ذا ميت كو ..​

من الزاوية الخلفية .. شرايكم ؟؟ ​

المكان شرح ويرد الروح وفوق كل هذا رومانسي ​

مطعم جيمس ..​

مطعم الحرير ..​

اطلالة جميلة لمطعم الحرير ..​

مطعم بامبو ​

​

المطعم الصيني ..​

إلى مطعم ومقهى مـيـزالـونــا ..

​

في الحقيقة المنطقة مليانه مطاعم ومقاهي الواحد يحتار من قلب في الاختيار ..

معطم هـاش هـــــــاوس ..​

مطعم ومقهي ليلو

مطعم ليلو ومسجد الشيخ عبالرحمن عبدالوهاب ..​

مقهى لافنتانا كافيه ..​

مطعم مينوز ..​

من الداخل ..​

مقاهي قيد الإنشــــــــــــــــاء ..​

مطعم باسكال​

مــطــعـــم زوي .. ​

من جد تحتار وين تاكل ووين تقعد بس انا اتعشي من مطعم واكل سويت من كوفي وابصراحة

انصحكم بسويت ليلو

والف عافية على قلوبكم
​

 

[@Noura@]

ألف ألف شكر أخوي السليطي على هذا التقرير الجميل عن البحرين أو ضاحية العدلية على وجه الخصوص ...

هذي البحرين صل على النبي ..

بس وين مطعمك اللي تاكل فيه كراعين ؟؟

 

[السليطي]

بس وين مطعمك اللي تاكل فيه كراعين ؟؟

ههههههههههههههههههه والله يالربع شمس خربت المزاج

مرة ثانية اسوي تقرير عنه بس لازم يكون الموضوع لفوق 18+

رعب مع الكراعين

الله يذكرك بالخير يا مطر

شكرا اختي ام عثمان على الاطلالة الجميلة :وردة:

 

[clashman82]

تشكر يا السليطي..مكان جميل والله و هادئ

كنت افكر اسافر مع الاهل للبحرين..بس الصراحة ما ادري وين اروح

لنا اهل بالبحرين...وحابين انزورها بفترة من الفترات

 

[السليطي]

تشكر يا السليطي..مكان جميل والله و هادئ

كنت افكر اسافر مع الاهل للبحرين..بس الصراحة ما ادري وين اروح

لنا اهل بالبحرين...وحابين انزورها بفترة من الفترات

اذا قررت تجي خبرني وانا اسويلك برنامج حلووو

واذا ماتشيلك الارض تشيلك العين يالحبيب :وردة:

 

[clashman82]

اصيل يا ولد البحرين..
انشاء الله انت اول من راح اسأله اذا نويت

 

[Ms Rose]

واااو

عن جد روعه

احب اماكن جذيه

بس وين ستار بوكس

لاتقولي مافيه

​

 

[ريما القمر]

ليييييش ..​

أحلى مافي هذي المنطقه هدوءها ..​

وإنت قاعد تعلم الناس عليها.. ​

خلهم على مجمع السيف وشارع المعارض .. ​

مع إن الصور اللي خبرك موجوده لكن ماراح أحطها ..​

.​

 

[شين الحلايا]

فعلا المنطقة هذه وايد ناس يسألوني عنها وعن مطاعمها ويستغربون اذا قلت اكو في البحرين خوش مطاعم او مقاهي في المحرق او حتي في طريق البديع او في مناطق ثانية او تكلمت عن اماكن ترفيهية او تراثية في البحرين . واعتقد السبب هو جسر الملك فهد فأغلب المسافرين يأتون عن طريق البر واغلبهم يسكن في اماكن قريبة من المجمعات التجارية .واسم المحرق ارتبط بأذهان الكويتيين بالحلوى بس .


على كتر : السليطي لايكون عندك مطعم وتسوي عليه دعاية بالمنتدى .
اذا عندك مطعم الله يرزقك وانا اول واحد راح اسويله دعاية عندنا بالكويت .
لايكون ليلو

 

[السليطي]

واااو​

عن جد روعه​

احب اماكن جذيه​

بس وين ستار بوكس​

لاتقولي مافيه​

ستار بوكس موجود لكن بجهة اخرى يكون باخر الشارع قريب من فدركرز وكوستا

وهناك شارع حيوي بالعدلية مليان مطاعم لكن اخترت لكم هذة المنطقة من العدلية لجمال مناظرها وهدؤها مقارنه بالمنامة

 

[السليطي]

ليييييش ..​

أحلى مافي هذي المنطقه هدوءها ..​

وإنت قاعد تعلم الناس عليها.. ​

خلهم على مجمع السيف وشارع المعارض .. ​

مع إن الصور اللي خبرك موجوده لكن ماراح أحطها ..​

.​

الاخت ريما زارت المنطقة وكلت من ليلو وانا نصحتها انها تاكل من مطعم مونسون وهو قريب منه لكن ماصار نصيب

ياريت تنزلين الصوور

 

[السليطي]

فعلا المنطقة هذه وايد ناس يسألوني عنها وعن مطاعمها ويستغربون اذا قلت اكو في البحرين خوش مطاعم او مقاهي في المحرق او حتي في طريق البديع او في مناطق ثانية او تكلمت عن اماكن ترفيهية او تراثية في البحرين . واعتقد السبب هو جسر الملك فهد فأغلب المسافرين يأتون عن طريق البر واغلبهم يسكن في اماكن قريبة من المجمعات التجارية .واسم المحرق ارتبط بأذهان الكويتيين بالحلوى بس .


على كتر : السليطي لايكون عندك مطعم وتسوي عليه دعاية بالمنتدى .
اذا عندك مطعم الله يرزقك وانا اول واحد راح اسويله دعاية عندنا بالكويت .
لايكون ليلو

ههههه لا والله ليلو ماهو لي ولا شي واترك عنك التصيد بالماء العكر عجبتني


والله ياخوي انا احب الخير للجميع وهذا الموضوع وغيرة يتكون من ارشادات لمطاعم ومقاهي

وحلو الواحد يتكلم عن تجربة ليفيد الاخر

ودام تكلمت عن ليلو

انا انصح بكل من ياتي لمجمع السيف التوسعة الجديدة هناك كوفي اسمه مايا

افضل من ليلو واكلاته وسويتاته رووووعة

 

[شين الحلايا]

ههههه لا والله ليلو ماهو لي ولا شي واترك عنك التصيد بالماء العكر عجبتني


والله ياخوي انا احب الخير للجميع وهذا الموضوع وغيرة يتكون من ارشادات لمطاعم ومقاهي

وحلو الواحد يتكلم عن تجربة ليفيد الاخر

ودام تكلمت عن ليلو

انا انصح بكل من ياتي لمجمع السيف التوسعة الجديدة هناك كوفي اسمه مايا

افضل من ليلو واكلاته وسويتاته رووووعة

بالعكس الموضوع حلو ويفيد ناس ماتعرف وايد عن البحرين .

لاتخاف ماني حاسدك الله يرزقك
وبعد كوفي مايا احلا من ليلو ضيعتنا

ان شاءالله اذا خلص مشروع تلال الغروب واستلم ابوي الفيلا بعزمك عندنا ونتشرف فيك وبمعرفتك ياالغالي .

 

[السليطي]

بالعكس الموضوع حلو ويفيد ناس ماتعرف وايد عن البحرين .

لاتخاف ماني حاسدك الله يرزقك
وبعد كوفي مايا احلا من ليلو ضيعتنا

ان شاءالله اذا خلص مشروع تلال الغروب واستلم ابوي الفيلا بعزمك عندنا ونتشرف فيك وبمعرفتك ياالغالي .

تسلم والله

بس ليش رحتوا بعيييد تلال الغروب بوسط البر

لو ماخذين بجزبرة امواج احلي واقرب من كل شي