سؤال وجواب تنصحوني بأي مستشفى اعمل " طـهــور " للولد ؟!

الديفي

عضو بلاتيني
السلام عليكم ..

باركولي زوجتي ولدت الصبح يابت ولد لله الحمد والمنه

تنصحوني بأي مستشفى اعمل "طهور" للبيبي ؟

انا جربت المواساة بطفلي الاول وصراحه تعذب وايد وبكا بقوه حتى اني بكيت معاه ! :باكي:


انا سمعت ان مستشفى السلام يعملون " طهور بالليزر " ومن ميزته ان ما يحطون شاش على العضو بعد ما يضربونه ليزر ؟

وفي ناس صراحه تمدح طهور "مستشفى الشفاء الجديد" اللي بحولي ..

وانتو شنو تقولون ؟ :eek:
 
انا قاعد اقرى ردودكم وواصلين للصفحه 10 :( طهور ولدي راح يعطل قاعدة بيانات المنتدى ..

الولد بعد كم يوم راح يسووله شيء العن من الطهور ..

السالفه يا اخواني ان الدكتور المصري اللي ولّد المدام ضرب بمشرطه الحاد بالخطأ راس الولد اثناء الولاده.. وعلي ضغوط الان لكي ارفع قضية على المستشفى .. مستشفى المواساة

طاقم التوليد كانو متكتمين بالبداية خاشين عنا الموضوع وخايفين ولكن طلع ممرض يخاف ربه قابلنا وماسك الولد وعلمنا بموضوع ضربة المشرط وورانا الاصابة ..

الاصابة سطحيه والولد طبيعي وبالبيت الحين ..

الولد وضعو برأسه غرزه لكي يقفلو الشق وراح نشيل الغرزه بعد ايام قليله ..

الدكتور يقول ان حاله ضرب الولد بالمشرط تحدث لطفل واحد من مليون ..
\

ارفع قضيه والا انا ابرفع

عشان يخافون من تكرار خطاهم وينتبهون عدل
 

الديفي

عضو بلاتيني
الولد سليم ويرضع وفتح عينه .. الجرح اللي براسه صغير حيل وما في نزيف لأنه سطحي وبالعافية شفناه ..
زوجتي تقول ماصار الا العافية ..

مشكورين .. على تهانيكم ..

المنيع يسوي حركه طريفه بالطهور بعد ما تخلص عيادته يروح لجناح الطهور وطبعا الناس ناطرته وياخذ كل الاطفال دفعه وحده ويدخلهم غرفه الطهور .. ويشتغل فيهم بالدور يخلص من هذا ويبلش بإللي نايم جنبه ههههه

تسمع صياح اليهال واحد ورا الثاني وكل ابو يقول هذا ولدي اللي يبجي ولا لأ؟!! وبلاخير الجناح يهتز بصراخ الاطفال ..

اقول صج يمدحون طهور دار الشفا ؟! ;)
 

jody

عضو مخضرم
الحمدلله والشكر لك يآرب ..

أخوي .. المخيزيم .. في الفحيحيل .. شي ثآني .. تبآرك الله ..

دآر الشفا .. محد أمدحه أهني ..


..

سؤال يدور ببآلي ..

شنو أسم الأمير الله يصلحه ؟

يمكن أقلّدكم ..

:D
 

سليل الجود

عضو مخضرم
الولد سليم ويرضع وفتح عينه .. الجرح اللي براسه صغير حيل وما في نزيف لأنه سطحي وبالعافية شفناه ..
زوجتي تقول ماصار الا العافية ..

مشكورين .. على تهانيكم ..

المنيع يسوي حركه طريفه بالطهور بعد ما تخلص عيادته يروح لجناح الطهور وطبعا الناس ناطرته وياخذ كل الاطفال دفعه وحده ويدخلهم غرفه الطهور .. ويشتغل فيهم بالدور يخلص من هذا ويبلش بإللي نايم جنبه ههههه

تسمع صياح اليهال واحد ورا الثاني وكل ابو يقول هذا ولدي اللي يبجي ولا لأ؟!! وبلاخير الجناح يهتز بصراخ الاطفال ..

اقول صج يمدحون طهور دار الشفا ؟! ;)

الديفى

حمدلله على سلامه الولد اول شى

ثانى شى محمد المنيع بغى يذبح شايب من شيبانا

الحبيب مسوى عمليه المراره ومو مسكر الشريان عدل

وبالليل والا الشايب تنفخت عيونه وقام يرجع وحالته حاله

صار معاه نزيف داخلى

لو ما لحق عليه دكتور مصري بأمر من رب السموات

والا راح الشايب

ويوم شفنا محمد المنيع عقب عمليه النزيف وشقوا بطنه

والا قاعد يضحك وبارد ويقول شفيكم شفيكم

كلبس وانفتح ترى عادى

لو الشيبان ذاك اليوم مو معانا بالمستشفى جان ذبحناه

الشايب بغى يموت والحبيب يقول عادى عادى

والادهى والامر

دفعّونا قيمه خطأهم الطبى

ودفعنا قيمه عمليه النزيف

لكن استرديناها من خلال المحاكم مع تعويض

بالنسبه لدار الشفاء

واحد من عيالنا طهرّه ابوه عندهم

ومو راضيه تطيح هذه الحلقه اللى يحطونها

ووداه لهم مره ثانيه جان يقوم دكتور مصري ويشيلها

يقول ابوه : شكل البتاع مو مضبوط

مشوّه يعنى

ووداه للدكتور العويد اللى بالمنقف

قام يهز راسه الدكتور ويقول : لعبوه فيه

تشوّه فى راس الذكر مع زوائد جلديه شكلها بشع

وقال اذا صار عمره سنه يحتاج عمليه جراحيه تجميليه

واظن وصاهم على دكتور بحولى يسوى هالعمليات

ووالله يا الديفى ما نقصت حرف ولا زدت حرف

المواساه والشفاء مخالفاتهم وفضايحهم تعجز عن حملها البغال

واسأل اى واحد تعرفه فى اداره التراخيص الطبيه وبيقولك

انا انصحك بمشتاق لأن سمعته طيبه ومحد ذمّه

والله ولى التوفيق
 

الديفي

عضو بلاتيني
مشكور يا سليل الجود وما يشوف شر الشايب :(

المنيع كــريــكــره هو طبيعته جذي ومو يضحك لكي يستفزكم ..

يا بختكم يا اهل الجهرا بمشتاق :(

مجرد فضول مشتاق الابن كم ياخذ على الطهور؟ .. وهل مهارة الابن نفس ابوه المرحوم ؟



الولد فيه "بوصفار" ! احنا نعطيه مميه فيها حبه سكر نبات يقولون زين حق البوصفار ؟ صح هذا الكلام ولا معتقدات :(

ولا بس نشمسه لما تنكسر الشمس بالـ5 ؟
 

العبدلي

عضو بلاتيني
يا بختكم يا اهل الجهرا بمشتاق :(

مجرد فضول مشتاق الابن كم ياخذ على الطهور؟ .. وهل مهارة الابن نفس ابوه المرحوم ؟



؟

الي سمعته بيته الي بالجهراء سكرته البلديه

الحين يفتر على البيوت

ياخذ عشرين دينار هذا قبل سنتين

اذا تغيرت الاسعار بسبب الارتفاع لا اعلم شيئ:)
 

It's Me

عضو بلاتيني
الولد فيه "بوصفار" ! احنا نعطيه مميه فيها حبه سكر نبات يقولون زين حق البوصفار ؟ صح هذا الكلام ولا معتقدات
منو بديع عصره و زمانه إللي ناصحكم هالنصيحة ؟؟

ترا الطفل ينولد نظيف و ياخذ على طعم الأكل الطبيعي , لا تخرب طبيعته و تعوده عالحالي ضغط والله عالبنكرياس .. ناهيك طبعا ً عن إن السكر نبات يسبب غازات و يعطل الهضم عند الطفل !!!!!!!!!!!!
وبوصفار العادي يبيلك تشمسه بس (يفضل الفجر و المغربية بعد لنتيجة سريعه) .. و إذا قوي بالمستشفى يحطونه بالحضانه و يعطونه أشعة ..

الله يهداكم عسى ما تسمعون شي طرتوا سويتوه!! مو زيل للصغير دير بالك ..
 

هنوه

عضو ذهبي
الاخ الكريم الديفي


بما ان الولد فيه بوصفار فينصح بتأجيل العمليه

(اسال طبيب الاطفال افضل )


الغاليه اتس مي


اعتقد ان الطفل المصاب بالبوصفار يعطونه سكر نباته و ينصحون بتعريضه لاشعه الشمس وقت الفجر او المغرب


و اذا كان هذا الامر صعب يمكن تعرضيه لاضاءه نيون فهي تقوم بمقام اشعه الشمس


خارج النص

ما يشوف شر البيبي اخي الديفي
 

It's Me

عضو بلاتيني
عتقد ان الطفل المصاب بالبوصفار يعطونه سكر نباته و ينصحون بتعريضه لاشعه الشمس وقت الفجر او المغرب
الشمس أوكي يا العزيزة .. لكن السكر بأنواعه ممنوووووووووووووووووع!!!!
يعني لو ولد الزميل الديفي يرضع حليب صناعي تدرين المفروض شيسوي بس عشان يعادل التحلية إللي موجودة بالحليبة ؟
رضعة ماي بين كل ممية و الثانية مع إن الجاهل بهالعمر ترا يستغني عن الماي ولا فيها مشاكل..
آنا والله أقول هالكلام من واقع خبرة+دراسة .... خصوصا المحليات هاذي دمار للطفل سواء طبيعية أو لا !!
:(:(:(
 

سليل الجود

عضو مخضرم
ياجماعه ما تحسون صوب ولد الديفى

يعنى احساس الامومه :(

اول ما اشبك على طول ادش هالموضوع

عموما درس اليوم

عن بو صفار

ينتج بو صفار من زياده نسبه الحديد فى الدم

مما يؤدى لزياده كريات الدم مادرى عاد الحمراء والا البيضاء فى الدم

ناسى

وهو امر طبيعى جدا لكل المواليد

ومن المفيد له وضع سكر نبات ووضعه تحت اشعه الشمس

واطالب بتثبيت الموضوع

الى اليوم الذى يتخرج فيه ولد الديفى من الجامعه

ساعتها عاد كيفه
 

خلك طبيعي

عضو بلاتيني
مبروك الولد وان شاء الله انت اللي تزوجه

انصحك تروح حق اي حلاق باكستاني
نفس ايام قبل وبالموس ابو تمساح تعطيه


بصراحه عاد انصحك بالدكتور معرفي الفحيحيل قرب سوق سناء
 

العبدلي

عضو بلاتيني
الديفي ماودي اتكلم لكن غصه بلعومي

اول شيئ مشرط شق راسه ثم بو صفار

العموم يقول(( ما شاء الله )) احس الولد مسدوح عين

والعين حق ومافيها مذمه لاحد

ينطيكم العافية:وردة::وردة::وردة:
 
أعلى