بحكم ان انا من الناس اللي فيني حساسيه بشكل مو طبيعي ..
وعلاقتي مع الحساسيه .. علاقة ود ومحبه .. من اسنين ..!
لدرجه اني اقعد اعاطس .. مليون عطسه بالدقيقه .. لـ ما احس بـ شهقه تطلع روحي منها ..!
اول شي رحت عالجت بمستشفى زين المختص بالاذن والانف الحنجره ( ام تي سي سابقا ً ) ..
وقعدت اتعالج عندهم لمدة سنه كامله .. بمراجعه شبه اسبوعيه .. وماكو فايده ..
وكنت اخذ ابر كرتيزون .. بجرعة 200 مل .. بكل اسبوع ..
لـ ما حسيت اني هلكت .. من الكرتيزون .. ومن الحساسيه .. ومن كل شي من هالدنيا ..
اخر شي .. اقترحوا علي الاطبه بمستشفى زين .. انهم يحولوني حق مستشفى الراشد للحساسيه ..
ويوم وصلت اهناك .. سووا لي .. اختبار .. يشوفون الحساسيه من وين او من شنو .. ( هل من البيض .. السمج .. الغبار .. الحيوانات تكرمون الخ الخ ) ..
اخر شي اطلعت الحساسيه من حبوب اللقاح .. ومن الحدايق والمزارع .. ومن الغبار ..
قمت اخذ كورسات علاجيه لـ ابر الفاكسين.. اخذها بشكل اسبوعي .. لمدة 3 سنوات .. - بالزند -
وكل اسبوع ادق سيارتي سلف .. واروح .. ويقزوني ابره ..
بـ احد المرات .. وبعد مرور سنه ونص من اخذ الابر بشكل اسبوعي ..
صارلي ظرف .. اضطريت اني ما اروح المستشفى ..لمدة شهر كامل وما اخذت الابر ..
فـ اضطر الطبيب انه يعيدني لنقطة الصفر ..
وتكنسل الكورس العلاجي السابق ..
والحين قاعد ابلش من اول ويديد ..
والحمدالله احس نفسي احسن من قبل ..
مع العلم ان لا زيرتك ولا بخاخ حق الانف تقدر اتيب راسي ..
والله يبعد عنكم المرض .. ويشافيكم يارب ..