عــطـــوني ( نصيبي ) من النفط (....) يا حكومة ...!

BDùll∂H∂

عضو بلاتيني

ما يحلها إلا أوباما .. عين السيح :وردة::D


أنا رجال تعبت .. كويتي بالتأسيس .. وأعامل كمعاملة زوج النائبة معصومة البحريني .. :D

ما أبي لا كوادر ولا علاوات ولا خدمات صحية ولا تعليمية ولا شئ .. أبي نصيبي من
النفط وبأشتري فيها منطقة كاملة وأفتح لي مدرسة خاصة وعيادة خاصة و وبأسويها
مقاطعة إنفصالية ..

تعبنا من هالحكومة .. نفط وخير ودنيا .. وعينك عين بووووق ومصالح شخصية تصرف
هنا وهناك كأن النفط وإيراداته ( ملكهم الخاص ) ..!

بتقولون الحكومة ما قصرت معاك .. لا والله كذبتم ..!

طلعت على الدنيا ..
ودخلت المدرسة ( يقولون إنها مجاناً ) طيب هل التعليم .. تعليم بحق ولا تحمير ( على وزن حمار ) :D

لا والله إلا تحمير .. مدرسين فاشلين ومناهج فاشله وسياسة تعليم فاشله وكل
اللي أمسكوا وزارة التربية والتعليم فاشلين بعد :D

وتجي تتخرج بنسبة ممتازة وتتفاجأة بنسب الجامعة المرتفعة .. طيب يا مال الشحم
من زين جامعتكم يعني .؟! :D

حتى جامعتكم فاشله مع أحترامي لدكاترتها وطلابها .. عطوني إنجازات الجامعة
والمواهب والإختراعات اللي تسجلت بإسمها .. ولا شئ .. ما عندهم إلا الفلس ..!

إذاّ .. من ناحية التعليم .. الحكومة سرقت المواطن ولعبت عليه .. وأطالب أوباما
بالتدخل وإسترجاع نصيبي النفطي الذي صرف لي على التعليم .. !

للأن التعليم فاشل ولا يلبي طموحي مقارنةً بالمبالغ التي صرفت علي لتعليمي :D

.....................................................

ويقولون ( خدمات صحية مجانية )

هي النقطة الأكثر سواداً في الكويت .. تبدأ قصتك مع الصحة وخدماتها لما تولد
أمي تقول جبتك بمستشفى العدان وولدتك عند الممر بالطابق الثاني :D
سلامات يمه ..؟! ليش ما فيه مكان .. تقول لا .. إلا اللي عنده واسطه .!

ليييش هندي أنا ولا كلب .. وين غرفتي الخاصة وين العناية .. إسم الله علي
واحد مثلي كذا ينولد .. :D ونفطي الخاص ليش ما صرف علي بحفاوة عندما
أبصرت النور :D ..!

وبعدها تبدأ بقصة التطعيم .. كذابين .. أبره فيها ماي .. ويقولون تطعيم :D
بعدين ليش الممرض يعطيني الإبرة ويجرحني .. وين العناية ... أقعد أسابيع
وأنا أصايح مثل البنت :D ..

وبعدها تتوكل على الله .. لا مرضت شرفنا ذيك الساعة ..!

تجي مريض .. وأذكر جاتني جلطه في الرجل - جعلكم ما تشوفونها - ولا عندي
فلوس .. فلوسي سارقتها الحكومة .. رحت للعدان وعطوني موعد للأشعة على
الرجل بعد شهر .. :D طيب وإذا مت وش أسوي .. بتقولون لا تخاف بندفنك والكفن
على حسابنا ...

مو حجي .. :D

أنا رجال كاتب وصية من ألحين .. إذا مت أحرقوني وأنثروني بالبحر :D
يالله .. عطوني فلوس الكفن والقبر .. :D ..!؟

خدماتكم الصحية - دكاترها - قصاصيب وشهادات بيطرية مش بشريه - تلعبون
علينا يعني .. ليش ما ني مواطن حالي حال الحكومة اللي عسى ما ( كح )
واحد منهم عطوه طيارة خاصة فخمة وعلى باريس ولا لندن ولا عند الشيخ / أوباما
ويسوون له فحوصات طبية من حساب الدولة ..!

أوباما .. أنقذني .. فأن الخدمات الصحية لا تعالجني وإنما شوهتني ..!
أبي مقسومي من النفط واللي صرف على خدماتي الصحية ..!

............................

يقولون ( توفير وظيفة لك مجاناً )

بكالريوس محاسبة .. :D وسهرت الليل والنهار كله وأجتهدت للأني مو فاهم شئ
من تعليمهم ومع هذا حاولت بشتى الطرق إني أفهم تعليمهم عبر الإستعانه بكتب
وبحوث من الخارج .. وبالأخير حالياً بوظيفة حكومية غير تخصصي وإنما أقل منه
حالي حال الدبلوم والثانوي في المركز فقط ..!

ما عندي واسطة يا أخي وش أسوي :D

أوباما .. ما أبي معاشهم ولا وظيفتهم .. أبي نفطي الخاص :D

..............................

أركد أركد يا ولد .. بنعطيك لا تزوجت 4 ألاف دينار - ألفين هبه .. وألفين فتحية وأقساط .!
وبنمشي لك بدل إيجابر 150 وبدل علاوة زوجية ولا جبت عيال بنعطيك على
كل رأس 50 دينار بعد علشان تصرف عليه ..!
وبيطلع لك بيت بعد 15 سنة مثل البيت الأبيض :D لا وبعد بنقدم لك خدمات
بالمنطقة وتعيش حياة ملوك للأن ( نصيبك من النفط ) مو شوي ، وبنحاول
إننا نمسك نصيبك ونديرة لك بعناية وبحكمة ..!

تكذبون ( يا حرامية ) .. نصيبي من النفط أكبر من هالأشكال والخدمات والعلاوات
والكوادر اللي تخصصونها لي .. :D


علينا يا حكومة .. ;)

طيب نجي للسواسية في الحقوق تحت ظل الدستور ..!

ليش أنتم بيوتكم 1000 متر وأنا بيتي 300 متر تقول بيت كلب ..!
وليش عندي الكهرباء بالصيف ( تفصل ) وعندكم لا .. ;):D
وليش الماي عندكم نظيف .. والماي اللي عندي سبب لي تساقط بالشعر :D
وحساسية بالجلد :D

وليش أنا أسكن بجنب مصانع كلها تلوث . وأنت تسكن في منطقة كلها هواء نقي :D

إذا الهواء ( برسوم ) علمونا . علشان أعلمكم تأخذون من نصيبي من النفط
وتجيبون لي هواء نقي :D

....................................................

نجي لسرقات الحكومة .. :D

أبي نصيبي من الـ 5 ملايين اللي سرقها وزير الداخلية وصاحب شركة الأعلانات
الإنتخابية على 150 لوحة معدنية حديدية مصديّـه ..!

أبي نصيبي من الوزير اللي سرق الـ 4مليون وحوله لحسابه الخاص قبل يوم
من ميزانية الدولة الجديدة ..!

أبي نصيبي حالي حالي أعضاء المجلس ووزراءها الحرامية ( البعض منهم )
اللي يأخذون مزارع وبيوت وشركات ومناقصات مقابل إيجار 60 دينار سنوياً

طيب أنا أبي مزرعة بإيجار 60 دينار سنوياً .. :D

أبي موتر مثل مواتر الشيوخ والنواب والوزاراء .. وأبي خط وطنية ولا زين بفواتير
مجانية ( عندي وحده أحبها وأبي أكلمها 24 ساعة ) كيفي :D

وأبي قروض مثل قروض رولا دشتي ( تبجي :D ) أبي سهولة بالقروض
والمعاملة .. أبي أحس إن بشر مش كلب ..!

ليش .. وش يفرق النائب ولا الوزير عن المواطن .. كلهم واحد :D
بتقولون هذا صاحب مكانة ووجاهه ومركز سياسي حساس ... أقول ( خسئتم )

وش نفعنا ( المجلس ) شنهو إنجاز الحكومة ..

رعاية صحية فاشلة
خدمات تعليمية تحميريه
كوادر وعلاوة تخديرية
حياة مستقبلية ( مظلمة )


ما نبي مجلس .. نبي دراهمنا ونصيبنا من النفط :D

........................................


أوباما .. يا أبو باراك .. تكفى يا عين السيح .. أنقذني .. أبي نصيبي اللي أعتصبوه
الحكومة ولعبت علينا .. أجل أنا آكل كاكاو أبو نجوم وهم يأكلون شوكلاته سويسرية .!

هزلت ..


اللي عنده إيميل أباوما يرسله على الخاص لو سمحتم .. :cool::وردة:

 

Plato

عضو فعال
ويقولون ( خدمات صحية مجانية )

هي النقطة الأكثر سواداً في الكويت .. تبدأ قصتك مع الصحة وخدماتها لما تولد
أمي تقول جبتك بمستشفى العدان وولدتك عند الممر بالطابق الثاني :D
سلامات يمه ..؟! ليش ما فيه مكان .. تقول لا .. إلا اللي عنده واسطه .!

ليييش هندي أنا ولا كلب .. وين غرفتي الخاصة وين العناية .. إسم الله علي
واحد مثلي كذا ينولد .. :D ونفطي الخاص ليش ما صرف علي بحفاوة عندما
أبصرت النور :D ..!

وبعدها تبدأ بقصة التطعيم .. كذابين .. أبره فيها ماي .. ويقولون تطعيم :D
بعدين ليش الممرض يعطيني الإبرة ويجرحني .. وين العناية ... أقعد أسابيع
وأنا أصايح مثل البنت :D ..

يا أخي والله ما يجوز هالكلام ..

شلون الهندي اللي اهو انسان رب العالمين كرمه بالعقل والخلقة السوية ... تحطه مع الكلب ؟؟

احترموا البشر ..

أرجو تغيير العبارة ..
 

بوكنعان

عضو فعال
اخوي عبدالله الحل عند بليير ههههههههههههههههههههه
قبض مليون وراااح وخلى الديره على طمام المرحوم
 

BDùll∂H∂

عضو بلاتيني
الهندي يعني مو مواطن ... والكلب مو كائن بشري .. ما غلطت :D

ألحين مسك هالجملة . اللي فيها إلتباس .. وتركت النهب والسرقات :D

انت حكومي :D
 

sager

عضو ذهبي
على كيفك تقول نصيبك هذا مال عام مو مالك الخاص و عندنا حكومة معينه من امير البلاد الى بايعناه و بايعنا عائلته الكريمه لادارة حكم البلاد و لدينا مجلس امة يفترض ان يراقب هل سرقات و محاكم تحاسب من يسرق

اما ان تتهم ناس من غير دليل و من غير حكم و تقول حراميه فهذا بحكم الشرع و القانون قذف بحق الناس لو حكومتنا سنعه جان حاسبتك عليه خاصة انك تقول عن وزير الداخليه حرامى و القانون انصفه و المجلس انصفه قبلها و محد فيكم اعتذر

الله لو يفكنا من هل نوعيه من البشر الى بس همها فلوس الديرة و بس نكون بخير
ولا شهاده محاسبة تروح حكومة ليش ؟ تبون كلكم حكومة و كلكم تبون تخصصاتكم ؟؟ ما يصير !!
 

Normal

عضو مخضرم
3ayez.jpg
 

كويتي عجمي

عضو بلاتيني
لا يغير الله ما بي قوم حتى يغيروا ما في انفسهم

هذا الدستور وهذا المجلس اللي احكتكمتوا اليه وتركتوا شرع الله وين يجيكم التوفيق ؟؟!!!

ما طلعتوا في الانتخابات الا كل افاك كذاب .. الا من ندر ... المجلس آفة ولا يصلح لشئ ..؟؟

الراي ... والله على ما اقول شهيد ... جهة رقابية وقضائية في نفس الوقت.. بالتعيين وبمباركة شعبية بنسبة 80 %

ويكون رديف لمجلسكم المؤقر و يريح القضاء للاتجاه الآخر وهو الفصل بين المواطنين ..
 

BDùll∂H∂

عضو بلاتيني
على كيفك تقول نصيبك هذا مال عام مو مالك الخاص و عندنا حكومة معينه من امير البلاد الى بايعناه و بايعنا عائلته الكريمه لادارة حكم البلاد و لدينا مجلس امة يفترض ان يراقب هل سرقات و محاكم تحاسب من يسرق

اما ان تتهم ناس من غير دليل و من غير حكم و تقول حراميه فهذا بحكم الشرع و القانون قذف بحق الناس لو حكومتنا سنعه جان حاسبتك عليه خاصة انك تقول عن وزير الداخليه حرامى و القانون انصفه و المجلس انصفه قبلها و محد فيكم اعتذر

الله لو يفكنا من هل نوعيه من البشر الى بس همها فلوس الديرة و بس نكون بخير
ولا شهاده محاسبة تروح حكومة ليش ؟ تبون كلكم حكومة و كلكم تبون تخصصاتكم ؟؟ ما يصير !!

طيب عطني الـ 5 ملايين .. أبي أشتري فيها 150 لوحة إعلانية .. كيفي ولا أحد يحاسبني :D

المال مال الشعب مو دراهم شخص معين :D:وردة:

وما صرف علي .. لا يساوي نصف الربع من نصيبي :D

خلاص كيفي .. أبي حقي ليش زعلان أنت .. أبي المشرف العام يثبت الموضوع ويشوفونه
الحكومة ويشوفه باراك أوباما :D
 
نجي لسرقات الحكومة ..

أبي نصيبي من الـ 5 ملايين اللي سرقها وزير الداخلية وصاحب شركة الأعلانات
الإنتخابية على 150 لوحة معدنية حديدية مصديّـه ..!

أبي نصيبي من الوزير اللي سرق الـ 4مليون وحوله لحسابه الخاص قبل يوم
من ميزانية الدولة الجديدة ..!
أبي نصيبي حالي حالي أعضاء المجلس ووزراءها الحرامية ( البعض منهم )
اللي يأخذون مزارع وبيوت وشركات ومناقصات مقابل إيجار 60 دينار سنوياً

طيب أنا أبي مزرعة بإيجار 60 دينار سنوياً ..

أبي موتر مثل مواتر الشيوخ والنواب والوزاراء .. وأبي خط وطنية ولا زين بفواتير
مجانية ( عندي وحده أحبها وأبي أكلمها 24 ساعة ) كيفي

وأبي قروض مثل قروض رولا دشتي ( تبجي ) أبي سهولة بالقروض
والمعاملة .. أبي أحس إن بشر مش كلب ..!

ليش .. وش يفرق النائب ولا الوزير عن المواطن .. كلهم واحد
بتقولون هذا صاحب مكانة ووجاهه ومركز سياسي حساس ... أقول ( خسئتم )

وش نفعنا ( المجلس ) شنهو إنجاز الحكومة .

خلاص يا ولد

مر مكتبي عقب يومين ثلاثة

وجيب معاك برميل فاضي (تكون شاريه مو بايقه من الشارع)

وآنا راح أبلغ السكرتير المصري إنه يعبي لك البرميل

شوية نفط :confused:


ولأنك مثال للمواطن الملتزم

لك هدية مني

غالون (بنزين) فوق البيعة :وردة:



آل أبي نصيبي آل

ههههههههههههه



أخي العزيز ... لديك حس فكاهي وتنفع تمثل بقناة الراي بدال طارق العلي :D
 

BDùll∂H∂

عضو بلاتيني
خلاص يا ولد

مر مكتبي عقب يومين ثلاثة

وجيب معاك برميل فاضي (تكون شاريه مو بايقه من الشارع)

وآنا راح أبلغ السكرتير المصري إنه يعبي لك البرميل

شوية نفط :confused:


ولأنك مثال للمواطن الملتزم

لك هدية مني

غالون (بنزين) فوق البيعة :وردة:



آل أبي نصيبي آل

ههههههههههههه



أخي العزيز ... لديك حس فكاهي وتنفع تمثل بقناة الراي بدال طارق العلي :D

ما أبي أمرك في مكتب الخدم ولا شئ ذكرتني في نقوشي الله يذكره بالخير :D
أبي نصيبي من النفط .. :D ولا منتك .. أجل عندك خير ومكتب وحالتك حاله
وقاعد إطقطق بالشبكة .. ناس فاضية وماصخه :D مثلي :D:وردة:
 

abo_ahmad_k

عضو مميز
وانا بعد ابي نصيبي :D
انصح الحكومه ان تعطي كل مواطن
نصيبه هو وعياله وتخلي المواطن يبلش بعياله :D
 
لايسمعكم النائب الفاضل ضيف الله بو رمية

ويتخذ هالشعار لحملته الجاية :D

والتي ستحمل عنوان:


برميل نفط لكل مواطن :confused:


دام إنه فلّس من سالفة إسقاط القروض


ففرصته بهالحملة قوية


على الأقل يخلي الناس تنسى خرابيطة

وهو أيضا ينسى (الوكسة اللي اتوكسها) بالسابق




زميلي صاحب اقتراح البرميل

أنصحك تسجل براءة هذا المقترح (بالشهر العقاري)

لأنك بديرة البوق شغال فيها بدرجة كبيرة

حتى بالاقتراحات (الغير منطقية والمضحكة بآن واحد)

فقط لا غير
:وردة:
 

القطبي

عضو مخضرم
جيل ذكي و واعي يدرك الحقيقه00
و لذلك يجب ان يساير هذا الجيل حكومه ذكيه تحترم هذا الذكاء و الإدراك و ليس بتسفيهه و استفزازه00
 

تحت السلّم

عضو فعال

انا سآكن بالفردوس
بيتنا بالوثيقه 300 متر
ولكن لما رممنآه طلع 290 متر :)

والمشكله الوآلد حآط حوش @@


وهـ النآس تآخذ مزآرع بآلاف الأمتآر وبقسط 60دينآر

قهر :)

 

راعي الخير

عضو فعال
نصيبك من النفط راح في بطون الحيتان ولاعزاء لك ولأمثالك من المواطنين الشرفاء

انت يجب ان تطلب الستر والصحة والعافية من رب العالمين

...
 
أعلى