BeNT JaBeR
عضو مميز
السلام عليكم ورحمة الله وبركاته,,
في ظل هالاوضاع السياسيه الحاصله بالديره مادري ليش تذكرت الغزو وفي بالي سؤال لهالدرجه احنا ما نتعلم من اخطاء الماضي؟
ما الوم الدول الخارجيه لو طمعت في ديرتنا دآم هذا حآلنا
هذا كوووم ولي قالوا غزو صدآمي
ليش صدام غزانا بروحه؟ والا مع مليون من شاكلته
وفئه ثانيه تقولك لا احنا عيال اليوم انا اقوله يبلع العافيه افضل لانه ماشاف الي شافوه اهلنا..
انا كنت صغيره وقت الغزو بس ما انسى اصوات التفجير وما انسى استاذ اخوي الفلسطيني الي فتن على اخوي بحكم انه عسكري ولا راح انسى دموع الام الخايفه على ولدهاا..
شنو ترتجون من دوله مجاوره ما حفظت الجيره ولا راح تحفظها ابد طول ماهي ديار فتنه ومشاكل..
والحين لو اسأل اي طفل شنو تعرف عن الغزو راح تكون الاجابه سايلنت مالومه الشرهه على الي طامسين تاريخ الكويت بالكتب المدرسيه..
تكفووون احنا مو ناقصين والكويت ماعادت تتحمل غزو ثاني
لا تنسون دمعة ابونا جابر على شعب ضاع بين يوم وليله
لا تنسون اعدائنا الي من ردت الكويت يقدمون اعتذار ياااالله اعتذار بكل بساطه على شنو على ارواح راحت والا على النهب والبوق والترويع؟
طول ما احنا بهالاوضاع بيكون للعدو فرص اكبر للنهب والتخريب والاحتلال
محتاجين لشجاعة ابونا سعد الله يرحمه
محتاجين لحكمة ابونا جابر الله يرحمه
محتاجين لتضحيات ابونا فهد الاحمد الله يرحمه
محتاجين لرجاااااااااااااااااااااااال
احنا شعب حر ماتعودنا على التشرد من خلقنا الله عزيزين
انذلينا بين يوم وليله وياليتنا نعتبر
والله هالكلام اكتبه وقلبي محروووق من الي قاعد يصير
مانبي الي صار من عشرين سنه يتكرر
واخيرا الله يحفظ لنا الكويت ويرد كيد العدو بنحره ويشغله بروحه اللهم آمين