حلوة الكويت
عضو مخضرم
طبعا ...سؤال يدور براسي..
دايم نسمع ( اشاهد انه رجال)؟
السؤال الحين شنو الصفة او الميزة التي نطلق عليها...
صج رجال ؟
يعني شلون نحكم ...ونقيس رجولة الرجل؟..
ملاحظة بعيد عن فكر التكاثر
الرجال طال عمرج الي ينقاله رجال
راعي دين (مو مثل هالايام حاط لحيه زينه)
راعي حق (ينصف الرجال حقه لو مهما صار مو ينافق جدام الناس لوجه الله ماخذ حق الانسان)
راعي واجب ( يوجب الجيران ويوجب جماعته ويتواصل معاهم صلة الرحم )
متواضع ولا يتكبر
ولاينافق ( يعني يوعد ويخلف ويسولف بالناس ويذمهم ويحسد خلق الله واذا امن عنده امانه مايامن فيها )
يعطي المسكين (مو لاجاه مسكين بالشارع يشحد من قال هذا غني بس يسوي نفسه فقير)
وتبين تعرفين عن المرجله اكثر واذا عشق عشقه عفيف
مثل ماقال الاخ اقري سيرة عنتره بن شداد
لان الرسول صلى الله عليه وسلم تمنى ان يرى عنتره لان كان يمتلك صفات المسلمين وعنتره لم يكن مسلم
لانهم كانو بعصر الجهله انذاك
تقارنينة باي نائب مجلس امة اذا كان مافيه من صفاتهم يعني رجال اذا فيه لو صفة وحده من صفات نواب المجلس يعني مو رجاااااااااااال ولايحلم يكون رجل هو مجرد ذكر فقط
طلبتك يا طويل العمر...
دلني بواحد من هالى عديتهم...وينهم
ابي رجال
تدرون شنو الى يقهر بهالموضوع ان الاغلبية يعرف معني المرجلة...
بس القلة الى تطبق المرجلة بهالزمن...:باكي:...
ابي رجال
كل هالاموار ..حلوة...وضايعه...
تعتقد ضياع معني الرجولة سييها عدم تمسكنا بمبادئ دينا؟؟
تدرون شنو الى يقهر بهالموضوع ان الاغلبية يعرف معني المرجلة...
بس القلة الى تطبق المرجلة بهالزمن...:باكي:...
ابي رجال
يازين الحياء عند النساء
حلوه انتي موضيعج عن الحب والزواج واليوم ابي رجال وبكره شنو ابي زوج وبعد عن خيانه الرجل لزوجته وليش البنت تشرب شيشه والــــخ وبخصوص المرجله يبااااا شوفيني واحكمي وما عليج من قصص عنتر بن شداد الرجل لا قال كلمه وصدق فيها هو الرجل
اذا الـمـراجــل لـبــســة شــمـــاغ وعــقـــال
قــــــــل لــلـــعـــذاري يــلــبــســن الــعــمــايـــم
مــاعــاد يــفــرق زول حــرمـــة ورجـــــال
دام الفـعـايـل تـشـبـه الـبـعــض دايــــم
الــمــرجــلــة مــاهـــيـــب كــلـــمـــة وتــنـــقـــال
وتـــروح مـاراحــت هـبــوب النـسـايـم
ولا خشـونـة صـــوت اورفـــع الاثـقــال
او رزة صـــــــدور وفــــعــــل الــــزلايــــم
ولاهــــي بــعــد مـفـتــاح مــوتــر وجـــــوال
والا ردى لـســانــن حـديــثــة شـتــايــم
الـمـرجـلـة شـيـمــه عــــن الـقـيــل والــقــال
رفــيـــع نـفــســن حــــــر بـــاجـــو حـــايـــم
الـمـرجــلــة عـــقـــل وزن وزنـــــــه جـــبــــال
ودون الـعـقـل وش فـرقـنـا والـبـهـايـم
يامسـنـدي لومـايـل الـوقــت بـــي مـــال
يـــاولــــد أبــــويــــه يــاعــظــيــم الــعـــزايـــم
يـامـعـرب الـجـديـن مـــن الـعــم والـخــال
يــانــخــوة الــمــفــزوع وقــــــت الــهــزايــم
المـرجـلـة يـاخــوي هــــي طــولــة الــبــال
هـي العـزم هــي الصـبـر فالظـلايـم
فــيــهـــا الــــكــــرم عــــــــزة دلــــــــه وفــنـــجـــال
فيهاالكرامه عن ردى الطبع شايم
والــديـــن لامــنـــه خـــــذا الـقــلــب مـــنـــزال
مـشـى طـريـق الـحـق وابلـيـس نـايـم
ومـن لاعـرف ربـه فـي طيـب الحـال
لابـــد وقــــت الـضـيــق بـالـهــم هــايــم
حتى صلاتك مع جماعات ورجال
فـــي خـيـرهــا يــاخــوي نــعــم الـغـنـايـم
ولامن نصف ليلـك قـم صفـي البـال
ياعـظـم اجــرك بـيـن سـاجــد وقـايــم
ولامـــن رفـــع ربـــي لـــه كـــل الاعـمــال
حسـن الذكـر لاقالـوا فـلان صـايـم
وخلك شريـف القصـد ياطيـب الفـال
ســـوء المـقـاصـد فالـبـيـوت الـهـدايــم
واحذر تبيع النفـس فـي دب الأنـذال
وتـتـبـع خـــوي ابـلـيــس راع الـنـمـايـم
الـنـفــس خــيــل لـــــك اذا كــنـــت خــيـــال
ومـــن لاقـــوى نـفـسـه قـوتــه الـهـزايـم
ولاصرت ماتـدري لـوش انـت رجـال
والله خــســـارة فــيـــك ذبـــــح الـتـمــايــم
وسلامتكم..للاسف ماعندي علم بقائلها.