اعزائي الشعب الكويتي الحبيب
حبيت اكتب موضوع دون ان ادخل في تفاصيل الامور لدرجه اني لما اتكلم عن شيء اجد اخواني ابناء الشعب الكويتي الفاهم زياده عن اللزوم يتكلم بالتفاصيل ولا يدخل بالعموميات فلو فتحنا موضوع عن شيء بسيط خلال ربع ساعه سيتطور الامر الى الانتقال الى سالفه ثانيه مالها علاقه بالاولى .
بالعربي نبي نناقش المشكله المعفنه وما نبي احلام وتوهمات ، نبي نوصل لحل ، والسالفه ما هي فضفضه ، خلونا نكون اجابيين ولا تشمتون حكومه السيارات الكلاسيكيه فينا ، يعني نبي نقول بالنهايه هذه افكار الشعب اما الحكومه ما سوت شيء غير الابر المخدره .
الموضوع
عندنا بالكويت خطين سريعين رئيسيين من الجنوب الى المدينه وخط من الوسط الى المدينه (المطار) وخطوط من الشرق للغرب والعكس الاول والثاني والثالث والرابع والخامس والسادس اما السابع انا مستثنيه من قصه الازمه .
المشكله في التكدس اهيا الاولى العاصمه والثانيه الشويخ والثالثه مناطق الكليات المنحاشه من الشويخ مثل الخالديه وحولي .
اساس الزحمه ينحصر بين الدائري الثالث والخامس ، وهني مربط المشكله كلها ، واحد الاسباب المشكله الجامعات والمدارس ولو نلاحظ ان الصيف من النادر نشوف ازدحام وان شفنا فالسبب اكيد حادث .
الحلول الحكوميه والشعبيه والتجاريه
لو كنا نتكلم بمنطق تجاري راح نقول نسوي شارع بفلوس ولكن لو توقف لمده نص ساعه بدون شغل وتشوف اغلب مرتادي الطريق راح تعرف انهم كويتيين او سواويق الكويتيين يعني لو سوينا نفس دبي لانها اقرب مثال جغرافيا يعني ما كدينا خير وبالعكس ربحنا واحد من مصاصي دماء الشعب فلوس ماكان يحلم فيها .
حلول الحكومه غريبه جدا فالحكومه تبي تطور الدائري الاول وطريق الجهراء ونسيت حتى تشيل اشاره الخطوط السريعه وعلشان جذي المستفيد فقط سكان الدائري الاول واما طريق الجهراء تخيلوا معاي ان السالفه نفس ما تعانيه الخطوط السريعه الاخرى لان اخر الطريق اشاره يعني ابشروا بالزحمه .
اما الحل الحكومي ببناء جسر جابر مع ان الحكومه الغت مشروع مدينه الصبيه فانا حتى الان قاعد ادور لحكومه التنميه والتطوير ضياع مئات الملايين على شارع يا يوديك للشاليهات او البر بالاضافه انه بعز الزحمه يعني بالغزالي ابو الازدحامات .
ودامنا على طاري لفه الغزالي اللي على الخامس انا ودي اعرف يعني ماكو احد يفكر يوسع للفه علشان تشيل سيارتين
المهم يا حلوين خلونا الحلول الشعبيه اللي انتوا راح تبدعون فيها
وللعلم علشان تكون المشاركه فعاليه تكون كالاتي
انا اقترح
نسوي جسور علويه مثل الدول المتقدمه والمتخلفه تكون طابق ثاني بالاضافه الى انشاء مواقف عموميه اسفل الديره والجامعات والمستشفيات .
بالاضافه الى تطبيق النظام الالماني (الاوتوبان) على شوارعنا بمعني الشارع الذكي اللي فيه مجسات تقيس عرقله السير ولوحات علويه تبين اسباب الازدحام وتقترح الطرق البديله بالاضافه الى تخصيص موجه اذاعيه او تركيب ابراج بث تعطي اجهزه الملاحه بالسيارات اخبار عن حاله الطريق نفس المانيا يعني ما عندنا شيء اسمه اختراع جديد .
وتكون الجسور قابله لتركيب جسور اعلى منها مثل الموجود في سياتل في امريكا اللي تخصص الطابق الاول للشاحنات والمعدات الثقيله والطابق الاول باتجاه والطابق الثاني باتجاه معاكس .
حبيت اكتب موضوع دون ان ادخل في تفاصيل الامور لدرجه اني لما اتكلم عن شيء اجد اخواني ابناء الشعب الكويتي الفاهم زياده عن اللزوم يتكلم بالتفاصيل ولا يدخل بالعموميات فلو فتحنا موضوع عن شيء بسيط خلال ربع ساعه سيتطور الامر الى الانتقال الى سالفه ثانيه مالها علاقه بالاولى .
بالعربي نبي نناقش المشكله المعفنه وما نبي احلام وتوهمات ، نبي نوصل لحل ، والسالفه ما هي فضفضه ، خلونا نكون اجابيين ولا تشمتون حكومه السيارات الكلاسيكيه فينا ، يعني نبي نقول بالنهايه هذه افكار الشعب اما الحكومه ما سوت شيء غير الابر المخدره .
الموضوع
عندنا بالكويت خطين سريعين رئيسيين من الجنوب الى المدينه وخط من الوسط الى المدينه (المطار) وخطوط من الشرق للغرب والعكس الاول والثاني والثالث والرابع والخامس والسادس اما السابع انا مستثنيه من قصه الازمه .
المشكله في التكدس اهيا الاولى العاصمه والثانيه الشويخ والثالثه مناطق الكليات المنحاشه من الشويخ مثل الخالديه وحولي .
اساس الزحمه ينحصر بين الدائري الثالث والخامس ، وهني مربط المشكله كلها ، واحد الاسباب المشكله الجامعات والمدارس ولو نلاحظ ان الصيف من النادر نشوف ازدحام وان شفنا فالسبب اكيد حادث .
الحلول الحكوميه والشعبيه والتجاريه
لو كنا نتكلم بمنطق تجاري راح نقول نسوي شارع بفلوس ولكن لو توقف لمده نص ساعه بدون شغل وتشوف اغلب مرتادي الطريق راح تعرف انهم كويتيين او سواويق الكويتيين يعني لو سوينا نفس دبي لانها اقرب مثال جغرافيا يعني ما كدينا خير وبالعكس ربحنا واحد من مصاصي دماء الشعب فلوس ماكان يحلم فيها .
حلول الحكومه غريبه جدا فالحكومه تبي تطور الدائري الاول وطريق الجهراء ونسيت حتى تشيل اشاره الخطوط السريعه وعلشان جذي المستفيد فقط سكان الدائري الاول واما طريق الجهراء تخيلوا معاي ان السالفه نفس ما تعانيه الخطوط السريعه الاخرى لان اخر الطريق اشاره يعني ابشروا بالزحمه .
اما الحل الحكومي ببناء جسر جابر مع ان الحكومه الغت مشروع مدينه الصبيه فانا حتى الان قاعد ادور لحكومه التنميه والتطوير ضياع مئات الملايين على شارع يا يوديك للشاليهات او البر بالاضافه انه بعز الزحمه يعني بالغزالي ابو الازدحامات .
ودامنا على طاري لفه الغزالي اللي على الخامس انا ودي اعرف يعني ماكو احد يفكر يوسع للفه علشان تشيل سيارتين
المهم يا حلوين خلونا الحلول الشعبيه اللي انتوا راح تبدعون فيها
وللعلم علشان تكون المشاركه فعاليه تكون كالاتي
انا اقترح
نسوي جسور علويه مثل الدول المتقدمه والمتخلفه تكون طابق ثاني بالاضافه الى انشاء مواقف عموميه اسفل الديره والجامعات والمستشفيات .
بالاضافه الى تطبيق النظام الالماني (الاوتوبان) على شوارعنا بمعني الشارع الذكي اللي فيه مجسات تقيس عرقله السير ولوحات علويه تبين اسباب الازدحام وتقترح الطرق البديله بالاضافه الى تخصيص موجه اذاعيه او تركيب ابراج بث تعطي اجهزه الملاحه بالسيارات اخبار عن حاله الطريق نفس المانيا يعني ما عندنا شيء اسمه اختراع جديد .
وتكون الجسور قابله لتركيب جسور اعلى منها مثل الموجود في سياتل في امريكا اللي تخصص الطابق الاول للشاحنات والمعدات الثقيله والطابق الاول باتجاه والطابق الثاني باتجاه معاكس .