معصى على شواربكم الا الكويت (منشورات تدعوا للتظاهر )

[عبدالله الثامن]

وسط الأحداث التي تشهدها دول عدة في العالم العربي، عثر رجال الأمن هنا في الكويت أمس على منشورات تحريضية وزعها مجهول على سيارات أمام بعض المباني في العاصمة تحث على التظاهر.
وبإبلاغ جهات الاختصاص من قبل بعض أصحاب تلك السيارات حضرت فرقة أمنية وجمعت تلك المنشورات حيث يجري التحقيق في شأنها.

http://alwatan.kuwait.tt/ArticleDetails.aspx?id=89998

كل كويتي شريف ماراح يرضى بغير ال صباح حفظهم الله وعلى راسهم صاحب السمو امير البلاد اطال الله بعمره
معروفين منو ورى هالمنشورات و شنو جناسيهم
راح اتضل الكويت امنه باذن الله و اللي يفكر يمس شبر من ترابها نقطع ايده وكل الشعب الكويتي ايد وحده وعمار ياكويت ولنا الفخر ان يكونون ال صباح هم حكامنا والله يحفظهم من كل شر .
:وردة:​

​

 

[الشهامه]

يارب تحفظ الكويت

من اصحاب البطانه الفاسده

 

[مواطن غلبان]

الحمد لله والشكر له ..

حنا بامن ورخاء ..

شنبي بعد : 1000 دينار .. وفواتير كهربا وماي مدفوعه .. ودكتور عبيد طلع .. والجاسم طلع .. وتوجه لاسقاط القروض ..

ومع ان فيه مساوء مثل (( بقاء ناصر المحمد ))

بس الحمد لله

ونقول للي وزع المنشورات ان الله يرد كيدهم ..

 

[شارلي شابلن]

نكته ومحد درى عنه اكيد هذا مينون من شلة حاكم المطيري ويبيله علاج في الطب النفسي

 

[عـــــبدالمــــــلك]

قلنالكم الدور بعدالبحرين على الشرقيه والكويت

 

[حدي وطني]

هذي سوالف حزب الله

نصر الله لو رجال اطلع بالشارع مو منخش بالسراديب

 

[عبدالله الثامن]

نكته ومحد درى عنه اكيد هذا مينون من شلة حاكم المطيري ويبيله علاج في الطب النفسي

حاكم المطيرى وربعه زحازيح ورجال قبيله لاشبت نار الوغى ياسعد عينك يفدون البلد بالمال وبالولد ابشر بسعدك يا سعد منهو منهم ​

 

[كويتيq]

لتظاهر له اسبابه المنطقيه في الدول التي تم التظاهر فيها من تونس الى مصر حتى البحرين بعظها اسباب معيشية وبعظها تدخلات سياسيه من الخارج الكويت والحمدلله تعد من اقوى الدخل في المنطه للفرد حتى جماعة السور الخامس ومطالبهم كانت بسبب استفزاز الجويهل لهم وتحقيره لهم في قناة السور وسكوب ولا يرتقون الى اي تنظيم خارجي ولا اتوقع ان احد يفكر في التظاهر في الكويت لانه وبكل بساطه خاسر في ضل الترابط الشعبي مع اسرة الحكم ولم يفكك هذا الترابط الغزو العراقي الغاشم

 

[مواطن غلبان]

اييه عرفت منو هذول ...

(( مستوسف مال جابريه )) ههههه

 

[عبيط]

الظاهر انها مقصوده

 

[كهمس]

الوطن ومحررها النجار


وين والمصداقية ويييييييين

 

[مواطن كويتي غيور]

بعيدتن عن شواربهم اللي يفكر انه يأذي الكويت من طلعنا على الدنيا تربينا على اننا نكون ايد وحده وصف واحد بقيادة آل الصباح الكرام وعلى راسهم ابونا الغالي فديته الشيخ صباح الاحمد الصباح قولو آمين عسى ربي يعز ديرتنا وشيوخنا ويحفظهم يارب

:وردة:عاشــــــــت الكويــــــــــــــــت حـــــــــــرة أبيـــــــة :وردة:​

 

[عبدالله الثامن]

قلنالكم الدور بعدالبحرين على الشرقيه والكويت

فالك ماقبلناه وعسى الله ينعم علينا بنعمة الامن والامان ويخزى كل من يحاول الاساءة لهذا الوطن ​

 

[بو مصلح الشلاحي]

لازم يطبقون اشد العقوبه على الفاعل

والحمدلله شعب الكويت شعب شريف او واعي ومايسوي السوالف هذه

ولكن انا اجزم ان الي سوى الحركه هذه ( غير كويتي )

اللهم احفظ الكويت وحفظ شيوخنا وحفظ شعبنا

 

[عاد أقولك]

يوم قلنا لكم لاتسكتون عن الطابور الخامس
في مظاهرتهم بتاريخ 8/2
قلتوا انت موالي للحكومه وأنت ضد المطالب الشعبيه
ويوم قلنا لاتسكتون للبدون اللي يبون يتظاهرون في تاريخ 19/2
قلتوا انت عنصري وضد البدون ولازم يمارسون حقهم في التعبير

الحين عاد أكلوها
السالفه أوصلت منشورات وتحريض علني
يأ أخوان يا أعضاء الشبكه الوطنيين لاتسمحوا بأستغلال موقعكم الوطني
لنشر مواضيع المظاهرات والانفلات الأمني
الكويت ما تستاهل نجازيها جذي

 

[ألب آرسلان]

والله لا أملك إلا ( نفسي ) وعمري
وكم هو حلم وطموح لي أن أقدم روحي في سبيل ( حفظ أمن الكويت )
لذلك ( لا سمح الله ) لو حصل أمر ما سيكون هناك وقفه من كل شريف يغار
على الكويت وأقسم بالله أن أفعالنا تسبق أقوالنا
وغير حكم آل الصباح في الكويت لا نريد بديل لأنهم منا ونحن منهم​

وأقول لشرذمته التي تريد أن تخل بأمن الوطن ( جربونا ) وستعرفون أي الرجال نحن
وأي شباب تضم الكويت على أرضها الطاهره


أما في حال إعتصام اي مواطن كويتي للمطالبه بحقوقه الدستوريه
هذا أمر طبيعي جدا وهو حق لكل مواطن
لكن حديثي بالأعلى لكل ( غير كويتي ) يريد أن يخل بأمن الوطن​

حفظ الله الكويت وشعبها وأسرتها الحاكمه من كل مكروه​

 

[" كش ملك "]

الكويت بخير ليش التظاهر ،، كل ما يريده الشعب يستطيع الوصول له عبر البرلمان

 

[ام عزوز]

الله يحفظ الكويت من شرهم

 

[داوي88]

ان بغت من حزب الله ولامن غيره ان مسكنا احد يوزع هالخرابيط خليناه ياكلها
واللي يقول عشان المنحه
والله قبل المنحه لونشوف واحد يوزع هالخرابيط كسرنا راسه
هذي الكويت وامنها مافيه نقاش

 

[عبدالله الثامن]

يوم قلنا لكم لاتسكتون عن الطابور الخامس
في مظاهرتهم بتاريخ 8/2
قلتوا انت موالي للحكومه وأنت ضد المطالب الشعبيه
ويوم قلنا لاتسكتون للبدون اللي يبون يتظاهرون في تاريخ 19/2
قلتوا انت عنصري وضد البدون ولازم يمارسون حقهم في التعبير

الحين عاد أكلوها
السالفه أوصلت منشورات وتحريض علني
يأ أخوان يا أعضاء الشبكه الوطنيين لاتسمحوا بأستغلال موقعكم الوطني
لنشر مواضيع المظاهرات والانفلات الأمني
الكويت ما تستاهل نجازيها جذي

هل تقصد بالطابور الخامس السور الخامس
اخوى سعود شدخل السور الخامس والبدون بتوزيع المنشورات الجميع يعلم من هم اصحاب السبق فى مثل هالامور والتاريخ لازال موجود مامسحناه من روسنا بعد