سؤال وجواب خبرتكم بكاميرات Point & Shoot

World on Wheelz

عضو ذهبي
السلام عليكم

أخوانى اللى عنده تجربه مع هالنوع من الكاميرات وخصوصا اللى توه شاريله وحده ومرتاح من تصويرها يا ليت يعطينى شوى من خبرته والنتائج اللى حصلها ..

طبعا قصدت بكلامى الكاميرات العاديه مو مالت المحترفين اللى تركبلها عدسات مختلفه ..

أبى شغله حق السفر وتستطيع تصوير فيديو أيضا بجوده عاليه ..

شوفة عينكم الكامرات من هالنوع تارسه السوق ومن الصعب معرفة جودة أداء الكاميرا وتصويرها الا بعد أن يتم شراءها ..

لذلك أسأل عن تجاربكم الشخصيه .. قبل أن أتدبس وأشترى وحده ..
 

adilalroh

عضو ذهبي
اخذ كامره كانون....canon...علي ضمانتي
والنوعيه اللى تبيها Digital IXUS 960 IS
Digital-IXUS-960-IS_w200_tcm13-455421.jpg

الميجا بكسل 12.1
والزوم 3.7x
شريتها من الغانم سنه 2008 بـ 120.. الحين يمكن سعرها اقل
كامره قويه جدا وغير معقده وبدون عدسات وفيها فيديو
وخفيفه

وهذي عينه من صورها من موقع كانون

13_456099.jpg

13_456093.jpg
 

عبدالله .

عضو بلاتيني
من الأخر
اخذ كانون بس شرط تكون يابانية 100%
ترا في فرق كبير بالسعر
وإذا ماتبي كانون اخذ سوني

الكانون في نوعين للهواة في باور شوت وفي IXUS
الباور شوت متطورة اكثر لكن يبقى تصنيفها للهواة

وفي السوني سايبر شوت كاميرا مميزة بعد

اللي الخصه لك انك لاتطلع عن الكانون والسوني وانا افضل الكانون اكثر
لا تاخذ لا اوليمبوس ولا كاسيو ولا اي شي ثاني

حتى لو اغروك بقوة البيكسل والزوم و و و
لأن الجودة تفرق
قبل كان عندي كانون 7 بيكسل و كاسيو 10 بيكسل وماكان موجود بالسوق 10 اصلاً إلا الكاسيو
بس كان في فرق كبير بين الكاميرتين الكاسيو جني اصور من تليفون نوكيا والكانون جودة ووضوح وصفاء وكأنها SLR
:)

موفق إن شاء الله
 

بن سالم

عضو مميز


عزيزي من واقع تجربه أنصحك بكاميرا كانون power shot sx 200 is كاميرا شيه

أحترافيه وعمليه


الزوم 12 والميجابكسل 12 وفيها الكثير من المواصفات الجيده والفيديو فيها واضح وممتاز.

وسوف أعرض لك لقطات من تصويري بها لا حقاً.
 

World on Wheelz

عضو ذهبي
مشكورين اخوانى عديل الروح وبن سالم على المشاركه

سؤالى هو للاخ بن سالم بخصوص سعر هالكاميرا وهل هى متوفره حاليا بمحلات الالكترونيات ام لا ؟؟؟

انا جيكت على الرفيوز حول هالكاميرا وغالبها ايجابى

سعرها بالامازون مناسب بس خوفك توصلنى خربانه او شيء من هالقبيل وكما تعلم انم الوكيل لا يعترف بكفالة الشراء من الامازون .
 

بن سالم

عضو مميز
حياك الله أخوي أنا شريتها من اكترونيات الغانم قبل سنه تقريباً بما يقارب 140 دينارمع ميموري كارد من غير جنطه ولا أعلم إذا ما زالت موجود عندهم.

تقدر تتأكد من الوكيل : شركة ناصر محمد الساير كانون

الصيانه المكتب الرئيسي ومركز الصيانه

شرق 2448103
حولي 2612072
الصالحية 2401871



 

World on Wheelz

عضو ذهبي
من الأخر

اخذ كانون بس شرط تكون يابانية 100%
ترا في فرق كبير بالسعر
وإذا ماتبي كانون اخذ سوني

الكانون في نوعين للهواة في باور شوت وفي IXUS
الباور شوت متطورة اكثر لكن يبقى تصنيفها للهواة

وفي السوني سايبر شوت كاميرا مميزة بعد

اللي الخصه لك انك لاتطلع عن الكانون والسوني وانا افضل الكانون اكثر
لا تاخذ لا اوليمبوس ولا كاسيو ولا اي شي ثاني

حتى لو اغروك بقوة البيكسل والزوم و و و
لأن الجودة تفرق
قبل كان عندي كانون 7 بيكسل و كاسيو 10 بيكسل وماكان موجود بالسوق 10 اصلاً إلا الكاسيو
بس كان في فرق كبير بين الكاميرتين الكاسيو جني اصور من تليفون نوكيا والكانون جودة ووضوح وصفاء وكأنها SLR
:)


موفق إن شاء الله


اسمحلى أخوى عبدالله لم أتمكن من رؤية مشاركتك ألا الآن وهذا بسبب صور الأخ عديل الروح .. حيث أنها غمتت مشاركتك وداست ببطنها ..

الناس تحط نمونه ربع الصفحه .. نص الصفحه .. بس هو من زود الكرم حاط جداريتين الله يطولى عمره . :D

معلوماتك قيمه أخوى وبالفعل البيكسل ليس بأهمية المعالج والعدسات اللى بالكاميرا ..
 

عبدالله .

عضو بلاتيني
اسمحلى أخوى عبدالله لم أتمكن من رؤية مشاركتك ألا الآن وهذا بسبب صور الأخ عديل الروح .. حيث أنها غمتت مشاركتك وداست ببطنها ..

الناس تحط نمونه ربع الصفحه .. نص الصفحه .. بس هو من زود الكرم حاط جداريتين الله يطولى عمره . :D

معلوماتك قيمه أخوى وبالفعل البيكسل ليس بأهمية المعالج والعدسات اللى بالكاميرا ..

مسموح ياخوي
ههههههههه اي للأسف المنتدى مافيه خاصية ضبط تلقائي لمقاييس الصور
ومثل ماذكرت لك دور عالكانون وبس

:)
 
أعلى