هالفلم المعفن أعلاه .. لحد يدشه
دشيته قبل كم يوم .. قلت اخذ الفاملي حقتي
ونروح نشوف لنا فلم .. وفتشنا عن الافلام بدور العرض
دار دار زنقه زنقه .. وقلنا ماكو الا هالفلم بدار سينما الافنيوز
تدور أحداس الفلم حول :
= جهال يبون يصورون فلم يدشون فيه مسابقه
= يقررون التصوير عند محطة القطار
= يصادف مرور القطار .. ويستغلون مروره لتصويره بفلمهم
= يجي وانيت 200 ويدش بالقطار انتحاري وتصير عفسه
= هالانتحاري الملقوف دكتور ماادري عالم او مدرس
= ويشوف الجهال ويقول لهم انحاشو انحااااااشوا ترا راح يقتلونكم
= الجهال يفركون لها من موقع الحادس
= عاد تصير الاحداس بعد هالحادس
= تصير احداس غريبه في البلده
= كلاب القريه يفرون الى جهه غير معلومه
= ميكرويفات القريه تختفي
= الكرهباااا تشب وتطفي بالبلده
= بعض افراد القريه يختفون ..
= جنود سلاح الجو منتشرين بالبلده يفتشون على شي ويبحسون ويحوسون
= اهل القريه مستنفرين .. أيه اللي بيحصل ده
= الوكيل عريف الدريد مال القريه .. يقول السالفه بيها أنه
= الوكيل عريف يروح يكلم سلاح الجو ويقول لهم .. أيه الحكايه
= مسئول سلاح الجو يطنش بالوكيل عريف ,, ويقول مالك شغل وأضبط نفسك
= نعود للجهال .. الجهال
جاهل يحب جاهله
ابو الجاهل ما يحب ابو الجاهله
لانه كان السبب بموت ام الجاهل
ابو الجاهله 24 ساعه لاكه .. ضميره يأنبه
لأنه أم الجاهل أستلمت مكانه الدوام بالمصنع
وصار حادث .. وماتت
المهم ..
= أختفت الجاهله .. أنخطفت من كائن غريب ( القمنده ) شافه ابوها لما خطفها
= طلع هالكائن منحاش من القطار يوم صار الحادث
= وسلاح الجو مكتم على هالموضوع .. بس انكشفوا
= الجاهل يشد حيله .. وقال لازم انقذ الحب
= ويروح هو ورفيجه جاهل ثاني خبير الجراغيات .. للكائن عشان يتفاهم معاه
= راح الجاهل لمكان كان شاك انه الكائن يتكي فيه تحت الارض .. خزان ماي
= طاح عليه ويصير كر فر ويلقون كل اللي اختفوا موجدين عنده ..
= ويسون لهم خطه ومني مناك .. وينحاشون ويلحقهم
= آخر شي يحشرهم بزاويه ويكلمه الجاهل ويقول أنزح وراك وفكنا من شرك
= العجيب هالكائن سمع كلامه .. وتوكل .. ومشاا ..
ومشينا .. أنا وين دشيته
هذا وفي الفلم .. تفاصيل أخرى