حياك الله اخوى الفاضل بندر واسعدنى مرورك .:وردة:
وهالعيون والعدسات اللى كل يوم تغير مع لون نفنوفها حياك الله اخوى الفاضل بندر واسعدنى مرورك .:وردة:
ماتبى ستينيه او سبعينيه بعد يالحبيب يالثلاثينى يالثلاثييييييييييينى
انتوا يالشباب تبون تكوشون على كل شى .ليش يبه تخطر الدور ماتقولى شيايبك للخمسينيات والا انت فاضى يالثلاثيييييينى كل يوم تعور راسك موديها عياده السكر..؟؟ومره مرتفع ضغطها و مره راسها مصدع وانت بس شغلتك مجابلها وتنوقل لها علاج من الصيدليات .
يبه نصيحه يابندر دامك ثلاثينى اخذ لك وحده بالعشرينات .
يكفى هالعشرينيه كلامها المعسول (وااااااااو .وامبيه مو صج )جى من كلامها تدووووخ .
مو خمسينيه ماتسمع الا طقة علجها البصرى 0جرااااخ ..وحلجها من 0(الديرم )تصك على مصاص الدماء واخذ كلمات مثل (سليحط ..اسليمه تصكك .يمالج الماحى )ومن هالحجى اللى يجيب اليهد ويدششك اجواء وجو سنة الطبعه ويخليك تنام على وجهك وانت تلعن اليوم اللى قررت فيه تتزوج نسره خمسينيه
بعدين تعال يالثلاثييييينى انت من صجك ..قاعد تدور وحده خمسينيه رشيقه لا وبعد طماع تبيها رشيقه وجميله .بنفس الوقت :باكي:الخمسينيه تلاقى صفطات وطبقات وكتل من الشحوم واللحوم تكونت من جراء و اثر سنوات طويله من التهام جدور المجابيس والمطبق والمربين والبريانى وعندما تنظر الى جسم خمسينيه تقدر ان كرشها حسب التقديرات الاوليه الغير دقيقه ..!! قد التهم طوال سنين ماضيه مايعادل (40 الف سيخ كباب) ومثلهم من التكه والشيش طاووق
و(60 طن )من جاطات الحمص ومثلهم من التبوله .!!!!و 3 الاف (تب )من اللبن الخاثر والروب الرائب ومثلهم من المشروبات الغازيه والكولا .ولاتنسى ان تقدر الكميات الكبيره والضخمه الملتهمه من صوانى الكنافه النابلسيه فهى تقدر بحموله وانيت صغير .
شيل سالفه زواجك من خمسينيه يابندر وتقبل تحياتى :وردة::وردة:
؟ لاتزعلهم منك اخوي الخمسين عمر جميل يكون الرجل فيه بحالة ماديه ممتازه ويكون له خبرات وقصص للحياة ,, ويكون خبره في الحياة وفي التعامل مع الانثى ,, وخصوصا اذا كان رياضي يكون شكله مقبول وكثير من نجوم السينما عدو الخمسين كمثال هذا الممثل الذي لا يزال يلعب دور العاشق وهو عدا الخمسين بثلاث سنوات
وايضا جورج كلوني عدا الخمسين :
والاعمار بيد الله ويمكن للانسان ان يعيش الى التسعين والمئه يعني لو قلنا ان الرجل الان يعيش الى الثمانين يعني باقيله ثلاثين سنة عمر طوييييييل
فما المانع ان يقضيها بطاعة الله والصلاة بالمسجد والزواج ببنت جميله يستمتع بها بعمر 35 الى 45 سنة ويستحسن مطلقه او ارمله لكي يأجر عليها ويربي ابناءها ويزيد الاجر حسب رأيي انا ,,
خل اقولك وجهة نظري بقولك ياعمي بما انك قلت انك خمسيني
:باكي:تذكرت خالى عبدالله الله يطول عمره بلغ حاليا سن الشيخوخه تعدى 75 سنه عندما كان عمره بالخمسينات كان يصبغ و ازقرتى وقلبه خضر وكان يتضايق اذا موظفات بنات صغار يقولون له (ياعمي )يحسسونه انه شايب كان يبى عبدالله حافى بدون لقب العم !!! اتذكر مره قالت موظفة (ياعبدالله )تشقق والكشره من الشق للشق قال ايه هذه اللى عندها نظر !!
الشباب شباب القلب ياما في شباب بالعشرينيات وربي يجيبون الهم والنكد
وفي بالاربعينيات وربي شوفة وجه تجيب الفرح والسعاده والطيبه والسنع والذرابه
والضحكه ما تفارق سنه >..........
وشكرا يانوره على الدعم المعنوى للشياب .
تزوج اذا كنت تتمتع بروح شبابيه وقلبك وسيع لحنة الحريم ، بس خوفك تضيع بدال لا تقول زوجي تقول يبه ..
الرجل لا يتوقف عن سن معين
والمثال على ذلك
عندما تزوج
الرسول صلى الله عليه
عائشه رضى الله عنها
اذا بحلات جورج كلوني انا راضيه فيه وبدفع المهر بعد
بعدين انت من صجك مشرفي !!
تقارن ربعنا بجورج وجيمس!!
هذويل لو حتي تعدو الستين ماينعافون ذرابه وجسم يسوا شباب الثلاثين عندنا
كله كرووش وبس شاد حيله بصبغ شعرة كل يوم منتفخ حنجه من هالصبع مايسوا عليه
الشيب وقاااار وحلو الافضل بالرجال يهتم برياضه حق جسمه ولياقته ويخلي الشيب لانه مو عيب بالعكس يزيدهم حلاوه
وكل عام وانتم بخير
لااحد يزعل علي انا بس اقط الكلام جذيه