تبي فيلا ببلاش والا عماره

فهيدااان

عضو ذهبي
السلام عليكم
لقد توقفت طويلا عند حديث رسول الله صلى الله عليه وسلم: "تناكحوا تناسلوا تكاثروا فإني مباه بكم الأمم يوم القيامة
نصيحه للشباب المتزوجين واللي ما تزوج بعد
ارجو التفكير وبتمعن
الزواج المبكر نعمه ونقمه ! بس ايجابياته اكثر من سلبياته .
انا من اللي تزوجو مبكر
الان عيالي ولله الحمد مخاويني وربعي واصدقائي وربعهم ربعي
وبعد الله اتكل عليهم واحس اني رجعت عزوبي .
ام العيال لما اخذت الثانويه خطبتها وقلت انثبري بالبيت !
ما عندي حريم يشتغلون وانثبرت تفرخ ! واللحين كبرت جنوبها وماعاد تقدر تقوم !
بس بلع من البشاور !
والله انصح اخواني الشباب لاني بدأت بعيالي الاثنين .
حريمهم بأعلى مستوى دراسي ولله الحمد !
يعني الواحد بكره لما تتخرج مرته لا يلهط معاشها بس تكفه عن معاشه على الاقل !
الان يا شباب .
الفيلا او العماره
لو عندك فيلا بكم تأجرها مو اقل من 1200 دينار
واصغر عماره تجيبلك 3000
يا جماعه البنات طحيح ومتعلمات ومثقفات ومعاشها يصك الالف والمهندسه والدكتوره يصك . والله ماادري بس الوكاد يتعدى 1500
انا ما اقولكم تطمعون في معاشها الا بس تكفك وتفتك من مصروفاتها .
اولا اذا هي بنت كريم والكريم الله راح تعينك
يمكن تفكلك جيب لاند كروزر ! شنو و لاشي كله قصده 150
ثانيا تسفيد انت وابنائك من الام المثقفه
ثالاثا ماراح يدش عندك مدرس خصوصي
رابعا ما تحتاج سايق
خامسا سياراتكم مو سكاريب
سادسا تلقاها ازكرتيه دايما كاشخه
سابعا كل شهر ديباج !! اذا انت اطيب الخاطر .
والا اذا عطيتها ظهرك عزالله منت محصل شي .
ثامنا بما انها مدرسه والا مهندسه تلقاها تنام مبكر . وانت الله يعينك ترد مبكر من الديوانيه !
تاسعا تلقاها قاعده الفجر الساعه خمس على اقل تقدير متسبحه ومقعده عيالها ومسويه الفطور وانت للحين بالفراش فاتح فمك والسعابيل منطلقه على المخده!
والا اللي ما تشتغل للضحى العود راقده وان قامت حطت هالقهوه
وتربعت وقامت تبربر بالتلفون وتحش بالحكومه قصدي بالجيران .
عاشرا الخدامات لو ثلاث على ظهرها من معاشها
خامسا !!
قصدي اهدعش اذا اكثرو الصبيان والبنات راح تحط لهم سايق وسياره استرو فان جديد على ظهرها . هذي لازم تكون حمش عاد مو ترللي . ها دير بالك تصير خروف !!! اي
عندي سياسه احبها الا وهي التطنيش وكلمة بعدين . واذا موافق يصير خير ان شاءالله
والله بهالطريقه تخفف المصروفات
اثنعش لا تنسون السفرات انت بس قولها ما عندي كل شي يجيك يركض
المهم الدعوا طويله بس على الاقل عطيتكم نبذه
واللي متزوج يبيعها ... ويجرأ ويقدم وياخذ وحده ثانيه
لا يخاف من الحرمه الاولى
واحد من الاصدقاء كان خايف من زوجته الاولى يقول تهدنني بالمحكمه والله ما اخليك
لما دش على زوجته الثانيه ارجعت تمسح عنده وتطرد الورعان وتقوللهم لا احد يزعج ابوه من عقب ما كانو يتناقزون على اظهره .
اقول لاخواني تزوجو والله طحيح الحريم .
جارنا الله يوفقه جندي ياخذ جامعيه ويطلقها وياخذ حامعيه ثانيه
الحريم يبون الستر
والله يرزق اللي ياخذ مطلقه او ارمله يسعه بالرزق
بذمتكم مو قيلا
وانا والله اني مقدم بهالشي وادعولي
والله يوفق الجميع
بس لااحد يعلم ام العيال :mad:.
 

جواهر*

مشرفة
طاقم الإشراف
وعليكم السلام اخوي

عسى الله يرزق كل عزوبي او مطلق/ة او أرمل/ة بالأزواج الصالحين
ويرزقهم ويرزقني من حيث لايحتسبو

ملاحظة اخوي بس حبيت اعلق على كلامك ياليت لمى تتكلم على ام العيال وام الخير
مو بهذي الطريقة!!! مع احترامي لك...

والله يديم المحبة والتعاون والود بينك وبينها وبين عيالك ويخليهم لك

اختك فوضت امري لله
 

فهيدااان

عضو ذهبي
وعليكم السلام اخوي
ملاحظة اخوي بس حبيت اعلق على كلامك ياليت لمى تتكلم على ام العيال وام الخير
مو بهذي الطريقة!!! مع احترامي لك...
اختك فوضت امري لله

مشكوووره على المرووووووووور

انا حالي يا اختي
مثل ما تقول مياده الحناوي
ااااااااااااااااااااااااااااااااااااااااااااااااااااااااااه ومن الالالالالالالالالالالالالالالالالالالالالالاه
داب الحجر
الله يرحم عايشه المرطه بس :باكي:
لما تقول نحاج الله يا نفس على الجايد تحديني .

اخوك فهيدااان
 

فهيدااان

عضو ذهبي
90 مشاهده
و لا واحد دعا لي
اسم الله الرحمن الرحيم
اهبم
والله العظيم ان فيكم البلا
لو اللي مرن هطق كان دعن علي
بس ما هقوتي ان عندهن اي فون
حدهن نوكيا ابو تريك
 

ريما القمر

عضو مخضرم


زين ..

سمعنا وجهة نظرك ..

بس أبي رايك بالرجال اللي مايرضى المره تصرف عليه وعلى عياله ؟

مثل ماتدري بالشرع الرجل ملزم بالانفاق على زوجته وأبناءه وحتى دفع معاش الخدم ..

والمره إذا دفعت يجوز من باب " الصدقة " على زوجها وعيالها إذا كان محتاج .. :)


.




 

فهيدااان

عضو ذهبي
زين ..​

سمعنا وجهة نظرك ..​

بس أبي رايك بالرجال اللي مايرضى المره تصرف عليه وعلى عياله ؟​

مثل ماتدري بالشرع الرجل ملزم بالانفاق على زوجته وأبناءه وحتى دفع معاش الخدم ..​

والمره إذا دفعت يجوز من باب " الصدقة " على زوجها وعيالها إذا كان محتاج .. :)
.​

رجال .
افا عليك هذا وينه ازوجه بنتي وانا الهط معاشها
 

ريما القمر

عضو مخضرم
يمكن تفكلك جيب لاند كروزر ! شنو و لاشي كله قصده 150


أحلى شي لو يسئلونه ربعه بالديوانية ..

جم قسط سيارتك ؟

والله مادري مرتي شاريتها لي ..

بس ياويله إذا زعلت عليه ..

تاخذ منه المفتاح وتخليه يروح الدوام بباص مواصلات :(



.​
 

فهيدااان

عضو ذهبي
أحلى شي لو يسئلونه ربعه بالديوانية ..​

جم قسط سيارتك ؟​

والله مادري مرتي شاريتها لي ..​

بس ياويله إذا زعلت عليه ..​

تاخذ منه المفتاح وتخليه يروح الدوام بباص مواصلات :(.​
هههههههههههه
عاد هذا خبل اذا علم ربعه
واذا زعلت عليه ينثبر بالبيت .
اي والله مشكله راعيت الفلوس وتزعل وتاخذ سويك الجيب بعد لا بالله كدينا خير.
اقول ايقصع قمل احسن له :باكي:
 

فريمان

عضو مخضرم
الزميل فهيدان

هذا ليس زواجا هذا استثمار النساء او المتاجرة بالزوجات وهو اسلوب متبع مع الاسف لدى الاسر محدودة التعليم والثقافة والذين يستغلون المرأة سواء اكانت زوجة او ابنه او اخت بسلب راتبها كاملا لمصلحة الرجل كأنها (حمار مكدّه ) وهذا تصرف مخزي وكم من الحكايات اسمع عنها يشيب لها الرأس من الاستغلال للمرأة ذات الجانب الضعيف في المعادلة الجائرة ولهذا ومع احترامي لك فانني انصحك ان تأخذ كلامك هذا مع وانيتك الاحمر(توقيعك ) الى ديوانية شعراء النبط فقد تكون هي السوق المناسب الذي يُباع فيه هذا الكلام ويُشترى .
 

فهيدااان

عضو ذهبي
الزميل فهيدان

هذا ليس زواجا هذا استثمار النساء او المتاجرة بالزوجات وهو اسلوب متبع مع الاسف لدى الاسر محدودة التعليم والثقافة والذين يستغلون المرأة سواء اكانت زوجة او ابنه او اخت بسلب راتبها كاملا لمصلحة الرجل كأنها (حمار مكدّه ) وهذا تصرف مخزي وكم من الحكايات اسمع عنها يشيب لها الرأس من الاستغلال للمرأة ذات الجانب الضعيف في المعادلة الجائرة ولهذا ومع احترامي لك فانني انصحك ان تأخذ كلامك هذا مع وانيتك الاحمر(توقيعك ) الى ديوانية شعراء النبط فقد تكون هي السوق المناسب الذي يُباع فيه هذا الكلام ويُشترى .
اعتذر عن الرد على اي مشاركة تشتمل على تجريح .
الزميل فريمان
مو هذا توقيعك
طيب ليش التجريح في ديوانية شعراء النبط والاستهزاء بهم
وهل الديوانيه . يبيع الكلام بها ويشتري .
ام تشحن الهمم في الحروب والاعتداء وتقرأ هموم الوطن ومعاناة الشعب وتصيغه بشعر
وكذلك الاستهزاء بمطيتي .
لم تعرف قيمة الجمس وهو بالصمان !!
واعتقد يا متعلم يا مثقف لو انك فهمت الموضوع ما رديت علي بمتاجره وان العائله مستواها العلمي والثقافي محدود .
نعم كنا قبل محدودي الثقافه والتعليم اما الان لا والف لا
انما فقط قلت ان هي تكفيك عن مصاريفها .
نعم في احداث على ما قلت تشيب لها الراس ولست من مؤيدينهم !
الان من يتزوج بمتعلمه اصبح متاجر بها !!


اعتذر عن الرد على اي مشاركة تشتمل على تجريح . وانا معاك
 

ريما القمر

عضو مخضرم
هههههههههههه
عاد هذا خبل اذا علم ربعه
واذا زعلت عليه ينثبر بالبيت .
اي والله مشكله راعيت الفلوس وتزعل وتاخذ سويك الجيب بعد لا بالله كدينا خير.
اقول ايقصع قمل احسن له :باكي:



اليد العليا مو مثل اليد السفلى ..

والأولين يقولون :

اطعم الفم تستحي العين ..


واسمح لي بنقطه :


انما فقط قلت ان هي تكفيك عن مصاريفها .

تكفيه عن مصاريفها !!

تفتح له جيب ..

وتسفره ..

وتتكفل بمصروفات شرعاً هو مسؤول عنها .. :eek:


.

 

فهيدااان

عضو ذهبي
اليد العليا مو مثل اليد السفلى ..​

والأولين يقولون :​

اطعم الفم تستحي العين ..​


واسمح لي بنقطه :​




تكفيه عن مصاريفها !!​

تفتح له جيب ..​

وتسفره ..​

وتتكفل بمصروفات شرعاً هو مسؤول عنها .. :eek:


.​

خلاص لا تشتريله جيب
بس يفتك منها
وهو يا خذله كامري بدون طوس :باكي:
 
أعلى