والله لا يرزقنا بدكتاتورية يسيطر عليها الكافر والشعب فيها مهان
اذا انت تقول ديكتاتوريه هذا لانك جالس في ديرتك ولاعمرك شفت السعوديه ولاتدري عنها
بغير اسمها اجل شعبها مهان بالله بس !! احلف !! كثر منها
اولاً السعوديه او ملكها اللي خليته ديكتاتور يتشرفون بخدمه الحرمين الشريفين شرف
بحياتك كلها ماتحلم فيه
السعوديه تدفع ميزانيه خاصه للحرمين الشريفين وفوقها التوسعات وفوفها المشروع اللي
تم عمله في الجمرات وفوقه قطار المشاعر وازيدك من الشعر بيت بفضل الله ثم الدوله اللي
تقول عنها ديكتاتوريه لاول مره في حج العام ولاحاله وفاه وانا لي معارف من ضمن العسكر
اللي كانو هناك ولعلمك العسكر اللي يروحون الحج لهم زياده في الراتب خاصه اضعاف .
السعوديه اوملكها الديكتاتوري بنظرك اخذ لقب ثالث اقوى شخصيه بالعالم يعني كلمته مسموعه وتمشي . وروح تصفح بنفسك وتاكد لو مومصدقني
الملك حفظه الله اللي تقول عنه ديكتاتوري بيوم من الايام كان يستقبل ضيوفه اللي يسلمون
عليه وقال كلمه اتحدى رئيس عربي قالها . ( ماانام الا وسائلآً عن كل مناطق المملكه وماانا
الا خادم لكم واقل من خادم ) لومومصدق مستعد اجيبها لك فيديو
الملك الديتكتاتوري بنظرك زار بيوت الفقراء بكل تواضع ومحبه ماتكبر ولاشاف نفسه عليهم
الملك الديكتاتوري بنظرك بيوم من الايام بكل رجوله وشجاعه قال كلمه غريبه نوعآً ما تدري وش ؟ (( انا لو لا الله ثم شعبي لاشي )) اي ملك او اي امير يوصف نفسه بالوصف هذا ؟ وهم لو تحب تفتش عنها روح واتحداك اذا ماتحصلها .
الملك الديكتاتوري بنظرك رفع مستوى مملكته وبنى فيها جامعات ومستشفيات على مستوى
راقي ويكفيك جامعه الملك سعود اول افضل جامعه عربيه ولعلمك الجامعه هذي ابهرتنا بمخترعين سعوديين وهم اللي بعد فضل ربي صنعوا سياره ( غزال ) اللي هو اول سياره سعوديه . وهذا كله بدعم من الملك وتشجيعه للشباب السعودي . :إستحسان:
الملك الديكتاتوري بنظرك ينشىء حاليا اكبر التوسعات للحرم المكي على مدى التاريخ . والملك الديكتاتوري بنظرك كان اول مومسموح لدول العالم تجي زياره لمكه او مدينه الا كم مره بالسنه بس . تدري انها الحين مفتوحه على طول متى ماحبو يجون !! وهذا اللي سبب الزحمه في مكه ومدينه الحين وبشده .
الملك الديكتاتوري بنظرك يوم من الايام جلس مع سفرائه وقال لهم كلمه وحده انتم تخدمون
الشعب السعودي واياي وياكم حد يشوف نفسه ويقول هذا انسان عادي المواطن من الشعب
السعودي وانا من الشعب السعودي وهو ابني واخوي . لله دره :وردة:ولو تحب تتاكد ومومصدق اجيب لك المقطع
الملك اللي تقول عنه ديكتاتوري ينفق المبالغ الخياليه لدعم المملكه وحفظ امنها بعد الله
ويمد القطاعات العسكريه بكافه مايلزمها . :إستحسان:
السعوديه او حكامها اللي تقول عنهم ديكتاتورين حاربو الارهاب وقطعو عرقه وقتلو زعماء ارهابين كثيره وفوق هذا مارضو باعدام الارهابين من المواطنين بل بالعكس يقدمون لهم المناصحه ويرشدونهم الى طريق الحق ولله الحمد اهتدى منهم ناس :وردة:
الملك اللي تقول عنه ديكتاتوري يوم حرب السعوديه مع الحوثيين راح بنفسه هو وولي العهد
حفظهم الله للمكان عشان بس يشدون من ازر الجنود ويبينون لهم انهم معاهم ليه ماخافو
اذا هم ديكتاتوريين مثل ماتفضلت .
اللي قلته شي بسيط وفي اشياء ماهي في بالي وشوف عند الاعضاء كلهم اقولك مستعد
اجيب لك مصدر عن كل شي قلته .. عشان تعرف ان دولتي وحكامي وتاج راسي موديكتاتورين مثل ماتفكر رغم اني اعرف امثالك ماراح يصدقون ولايصدقون الا هواهم
لانك هدفك التهجم على السعوديه ودائمآً تقول انك راعي نقد
اذا كل اللي قلته وللحين راح تقول ديكتاتوريه فـ افهم انها فخر وتاج على راسي لاني اعرف حكامي
اكثر منك واعرف حكمهم واعرف اخوان نوره حفظهم ربي :وردة: